Səfərə çıxan azərbaycanlıların 40 faizə yaxını İrana gedib

Səfərə çıxan azərbaycanlıların 40 faizə yaxını İrana gedibDövlət Sərhəd Xidmətinin məlumatına əsasən, 2019-cu ilin yanvar-avqust aylarında xarici ölkələrə gedən Azərbaycan Respublikası vətəndaşlarının sayı əvvəlki ilin müvafiq dövrü ilə müqayisədə 20,7 faiz artaraq 3 milyon 729 min 200 nəfər olmuşdur.

Ölkə vətəndaşlarının 36,4 faizi İrana, 29,0 faizi Gürcüstana, 17,5 faizi Rusiya Federasiyasına, 11,6 faizi Türkiyəyə, 5,5 faizi isə digər ölkələrə getmişdir. Gedənlərin 63,8 faizini kişilər, 36,2 faizini qadınlar təşkil etmişdir.

Bu dövrdə İrana gedən Azərbaycan vətəndaşlarının sayı 48,1 faiz, Gürcüstana gedənlərin sayı 13,3 faiz, Rusiya Federasiyasına gedənlərin sayı 7,4 faiz, Türkiyəyə gedənlərin sayı isə 5,1 faiz artmışdır.

Cari ilin yanvar-avqust aylarında xarici ölkələrə səfər etmiş Azərbaycan Respublikası vətəndaşlarının 82,2 faizi dəmir yolu və avtomobil, 17,1 faizi hava, 0,7 faizi isə su nəqliyyatından istifadə etmişdir.

Qeyd edək ki, Azərbaycan vətəndaşlarının İrana çox səfər etmələrinin əsas səbəbi ticarətdir. Ərzaq və qeyri-ərzaq malları İranda ucuz olduğundan Azərbaycan vətəndaşları alış-veriş üçün bu ölkəyə üz tuturlar.


Tarix: 30 sentyabr 2019

Ümumi