Albaniya turistlər üçün bütün məhdudiyyətləri aradan qaldırıb
Albaniya hökuməti ölkəyə gələn əcnəbi turistlər üçün koronavirusla bağlı bütün məhdudiyyətləri aradan qaldırıb. Albaniyaya səfər etmək üçün PCR-test, anticisim testi, vaksin pasportu və ya pandemiya ilə əlaqəli hər hansı sənəd tələb olunmur. Ölkəyə daxil olduqdan sonra 14 günlük karantin tələbi də ləğv edilib. Xəstəliyin yayılmasının qarşısını almaq məqsədilə əcnəbi turistlərdən yalnız hava limanında bir-birindən 1,5 metr aralı dayanmaq xahiş olunur.
Gələn həftədən etibarən bütün ölkə ərazisində fəaliyyət göstərəcək 29 mərkəzdə sürətli koronavirus testi vermək mümkün olacaq.