Azərbaycandan turist axını azalıb

Bu ilin yanvar-aprel ayları ilə müqayisədə xarici ölkələrə gedən Azərbaycan vətəndaşlarının sayı 5,8 dəfə azalaraq 162,8 min nəfər olub. Məlumata görə, ölkə vətəndaşlarının 42,4 %-i Türkiyəyə, 22,1 %-i Rusiya Federasiyasına, 9,4 %-i Gürcüstana, 6,9 %-i İrana, 19,2 %-i digər ölkələrə səfər edib.
Gedənlərin 75,4 %-ni kişilər, 24,6 %-ni qadınlar təşkil edib. Ötən ilin eyni dövrü ilə müqayisədə İrana gedən Azərbaycan vətəndaşlarının sayı 28,5 dəfə, Gürcüstana gedənlərin sayı 18,3 dəfə, Rusiyaya gedənlərin sayı 5,4 dəfə, Türkiyəyə gedənlərin sayı isə 1,3 dəfə azalıb.