Bakı ilə İslamabad arasında birbaşa uçuşlara başlanılıb
İyunun 6-dan etibarən Pakistanın paytaxtı İslamabaddan Bakıya birbaşa uçuşlara başlanılıb. Bu barədə Turlar.az-a Azərbaycanın Pakistandakı səfirliyindən bildirilib.
Uçuşlar ilkin olaraq hər həftənin bazar ertəsi günü İslamabaddan, cümə günü isə Bakıdan həyata keçiriləcək.
Qeyd edək ki, İslamabadla yanaşı, PIA 2022-ci ilin mart ayından etibarən Pakistanın digər iki böyük şəhərindən - Karaçi (həftədə bir dəfə) və Lahordan (həftədə iki dəfə) Bakıya birbaşa uçuşlara start verib.