Bakı-Ufa aviareysləri bərpa edilir

"Azərbaycan Hava Yolları" QSC-nin törəmə müəssisəsi "Buta Airways" Rusiyanın Ufa şəhərinə və geriyə uçuşları bərpa edir. Bu barədə Turlar.az-a "Buta Airways" şirkətindən bildirilib.
Aviaşirkət 3 iyuldan etibarən Heydər Əliyev Beynəlxalq Aeroportundan Ufa şəhərinə reyslər yerinə yetirməyə başlayacaq. Bakı-Ufa-Bakı istiqaməti üzrə uçuşlar həftədə iki dəfə - cümə axşamı və bazar günləri həyata keçiriləcək.
"Buta Airways" aviaşirkətinin Rusiya şəhərlərinə planlaşdırılan bütün reyslərinə biletlər artıq aviadaşıyıcının akkreditə olunmuş agentliklərində, habelə aviaşirkətin butaairways.az rəsmi saytında satışdadır.