Dövlət Turizm Agentliyi: "Polşa ilə birbaşa uçuş turizm axınını artıracaq"
Azərbaycan və Polşa turizm vasitəsilə ikitərəfli əlaqələrini daha da möhkəmləndirmək istəyir. Bunu Dövlət Turizm Agentliyinin Aparat rəhbəri Kənan Qasımov bildirib.
Onun sözlərinə görə, Polşanın "LOT" aviaşirkətinin Bakıya uçuşlara başlaması turizm axınını artıracaq və iki ölkə arasında əlaqələri daha da yaxşılaşdıracaq.
"Bu aviareysin açılması xalqların daha da yaxınlaşmasına dəstək olacaq. Azərbaycanda Polşanın mədəni irsi mövcuddur. Dövlət Turizm Agentliyi Azərbaycan tanıtımı ilə bağlı bir sıra tədbirlər təşkil edib və bu reysin açılmasına dəstək olub", - deyə K.Qasımov qeyd edib.