Ən rahat ölkələr
Qlobal Sülh İndeksinə görə, Norveç dünyanın sülhsüvər və dostcasına yaşanılan ölkələrindəndir. Burada da digər Skandinaviya ölkələri kimi, həbs və cinayət səviyyəsi çox aşağıdır. Bundan başqa güclü iqtisadiyyatı nəticəsində Norveç dünyanın zəngin və bahalı ölkələri siyahısındadır. Yaşayış səviyyəsinin yüksək olması bu ölkədə insan həyatını təhlükəsiz və rahat edir. Norveç öz gözəl təbiəti ilə də seçilməkdədir.
Kiçik ölkə olmasına baxmayaraq, Belçika sakit və dinc yaşanılan ölkələr siyahısındadır. II Dünya müharibəsindən sonra paytaxt Brüssel dünyanın siyasi mərkəz rolunu oynamağa başlayıb. NATO-nun baş qərargahı burada yerləşir və adətən Avropa Birliyinin paytaxt şəhəri funksiyasını yerinə yetirməkdədir. Burada da əhali yüksək yaşayış standartları, keyfiyyətli təhsil və sağlam həyat ilə təmin olunub. Ölkə tarixi gəzməli və görməli yerləri ilə məşhurdur.
Yaponiya mehriban əhalisi, qədim və ecazkar mədəniyyəti ilə Yer kürəsində ən sakit və sülhsevər ölkələrdəndir. II Dünya müharibəsindən sonra ölkənin əsas siyasəti müharibə və konfliktlərdən yayınmaqdır. Yapon xalqı gözəl xasiyyətə, çalışqanlığa və zəngin daxili aləmə malikdir. Onlar çox intizamlı və məsuliyyətli insanlardır. Bütün bunlar onlara qısa zamanda sosial rifahlarını yüksəltməyə, ən yaxşı texnologiya və iqtisadiyyata sahib olmalarına yardımçı olub. Yaponiya həmçinin, qədim məbədlərinə, tarixi yerlərinə və ecazkar təbiətinə görə milyonlarla turisti cəlb edir.
Daima güclənən iqtisadiyyatına, yaşayış tempinə və tolerantlığına görə Kanada yüzlərlə miqrantın ən sevimli ölkəsinə çevrilib. 1971-ci ildən Kanada bir çox mədəniyyəti özündə birləşdirən, hər birinə bərabər hüquq və imkanlar verən ölkədir. Bu həmçinin, əhali arasında da bir-birinə hörmət və tolerantlıq vərdişini ehtiva edib. Ölkəyə yeni gələn insanlar isə iş seçimində və digər fərdi məsələlərdə azaddırlar. Məhz buna görə də, bu il ən çox miqrant məhz Kanadada qeydə alınıb. Bu ölkə siyası və hərbi qarşıdurmalardan da uzaqdır.
Yaşayış səviyyəsinin yüksək olması və güclü təhsil sisteminə malik olması ilə digər Skandinaviya ölkəsi - Finlandiya dünyanın ən sülhpərəst ölkələri sırasındadır. Zorakılıqdan əziyyət çəkən, daxili münaqişə və terrorun aparıcı rol oynadığı ölkələrdə Finlandiya ordusu sülhməramlı missiya yerinə yetirir. Ölkədə korrupsiyanın səviyyəsi çox aşağı, gender ayrıseçkiliyi isə demək olar ki, yox vəziyyətdədir. Fin xalqı digər millətlərə nisbətən öz yaşayışından çox razı və pozitivdirlər.
