Xarici Turlar

Xarici Turlar

İstirahətin komfortlu və unudulmaz olmasını istəyirsinizsə, səyahət etmək istədiyiniz ölkənin iqliminin istirahətə uyğun olub-olmamasını mütləq bilməlisiniz.
Xarici turlar arasında ən çox maraq göstərilən yerlərdən biri Türkiyədir. Qardaş ölkənin möhtəşəm yay kurortları var: Antalya, Bodrum, Marmaris, Fethiye və s. İyun ayından sentyabradək çimərlik mövsümü davam edir. Ən isti aylar iyul və avqust aylarıdır və temperatur 40 dərəcədən də çox olur. Türkiyə turları təkcə dəniz sevənlərin deyil, həm də təbiət qoynunda gəzmək, tarixi abidələri ziyarət etmək və ölkənin ləziz təamlarından dadmaq istəyən turistlər üçün uyğundur. Türkiyədə xidmətin yüksək səviyyədə olması da turistlərin bu ölkəyə maraq göstərməsində rol oynayır. Yerli əhali və ya qonaqların yerləşməsi, komfortlu istirahət üçün saysız-hesabsız otellər, kateclər var. Bundan əlavə, daha münasibət qiymətə kirayə evlər də tapmaq mümkündür.
Populyar turistik ölkələrin sırasında Yunanıstan da xüsusi yer tutur. Şəffaf dəniz, qədim məbədlər və heykəllər, səfalı təbiət! Yunanıstanda istirahət üçün ən yaxşı istirahət vaxtı iyundur - qiymətlər çox yüksək olmur. İyul ayında hava daha isti olur və qiymətlər əhəmiyyətli dərəcədə artır. Pik mövsümü avqust ayındadır. Bu vaxt istilik tədricən azalmağa başlayır və daha rahat olur, lakin qiymətlər yüksək qalır. Yunanıstan turları zövqlü istirahəti sevənlərin seçimidir.
Populyar məkanlar: Rodos adası, Krit adası, Kefalonia adası, Halkidiki, Afina və s.
İspaniya - Korrida və gözəl çimərliklər ölkəsi. Yay adalarda və ya Barselona yaxınlığındakı sahildə istirahət etmək üçün ən uyğun vaxtdır. İspaniya turları ilboyu keçirilir, lakin dəniz mövsümü iyun ayından başlayır, iyul və avqust ayları isə mövsümün pik vaxtıdır. İyulda bir çox bayram və festivallar var. Avqust ayında İspaniyaya getmək tövsiyə olunmur. Çünki hava çox isti olur və eyni zamanda ölkədə bayramlar olduğundan, çimərliklərdə yer tapmaq çətinləşir.
Populyar məkanlar: Costa Brava, Barselona, İbiza adası, Menorka adası və s.
Təzə bişmiş pizza və çimərliklərin cazibədarlığından əlavə əsrlərdən gələn mədəniyyət və qədim memarlıq abidələrinin ölkəsi. Bütün Avropa sivilizasiyasından məhz burdan başlayır. İyun çimərlik istirahəti üçün mükəmməl aydır. Su və hava kifayət qədər qızıb, turist kütləsi hələ çoxalmayıb. İyulda təbiət isti və havasız, qiymətlər olduqca yüksəkdir. Lakin Milanda endirimlər mövsümü başlayır. Avqust ayında İtaliyaya da getmək tövsiyə olunmur. İspaniyada olduğu kimi burada da avqust hava çox isti olur və ölkə bayramlarına görə çimərliklərdə yer tapmaq çətinləşir.
Malta - İlboyu bu ölkədə isti hava şəraiti hökm sürür, lakin turizm mövsümünün zirvəsi yaz aylarına düşür. Aralıq dənizində yerləşən adada yay çox isti olur. Havanın isti olmağına baxmayaraq, Malta yayda turistlərin sevimlisidir və burada qiymətlər orta səviyyədədir. Malta turu unudulmaz anlar üçün gözəl seçimdir.
Populyar kurort məkanları: Valletta, Mellieha, Sliema, St. Julians, Golden Bay və s.
Sevgi şəhəri Paris, məşhur Cote d'Azur, gözəl mənzərələr və romantik istirahət ölkəsidir Fransa! Burada yay isti və komfortludur. Ölkənin hər yerində istirahət etmək mümkündür. Çimərlik üçün Cote d'Azura, romantik anlar üçün Parisə, əyləncə üçün Disneylanda gedə bilərsiniz. Fransa turları ilin 4 fəslində də həyata keçirilir.
Populyar kurortlar: Cote d'Azur (Nice, Antibes, Saint-Tropez, Cannes və s.), Akiteyn, Bretanya, Normandiya, Korsika adası.