Batumi turlari

Batumi turlari , Batumi tur qiymetleri

Batumi turlari almaq üçün Turlar.az saytindan istifadə edin. Ən Ucuz Batumi turları təklif olunur. Batumi turları qiymətləri öyrənmək üçün Turlar.az saytında tur yerləşdirən elandakı telefon nömrəsinə zəng vuraraq öyrənə bilərsiz. Batumi Qara dənizin sahilində yerləşir. Cənubi Qafqaz regionunun turizm sarıdan ən inkişaf etmiş şəhəridir. Azərbaycandan hər il Batumiyə çoxlu sayda turist səfər edir. İnsan özünü Batumidə yad hiss etmir. Batumidə köhnə və yeni tikililərin sintezi fonunda insanların qonaqpərvərliyi isə başqa bir aləmdir. Batuminin mərkəzi küçələrindən birinə Bakı adı verilib. Təkcə Bakı küçəsi deyil, bir çox cəhətlər var ki, azərbaycanlı turistin özünü Batumidə yad hiss etməyə imkan vermir.
Batumiyə hər il 400 mindən çox turist gəlir ki, bunların arasında Azərbaycan və Türkiyə vətəndaşları üstünlük təşkil edir. Kurort şəhərində leysan yağışlar xarakterikdir. Yay fəsli olsa belə, siz güclü yağışa düşə bilərsiniz. Batumi çimərliyi özünəməxsus, ekoloji cəhətdən təmizdir. Burada insanlar sərbəst və çox rahat şəraitdə dincəlirlər. Çimərlikdə göstərilən əyləncə xidməti də bu istirahətə rəng qatır.
Turistləri qəbul etmək üçün Batumidə 325 otel və 20 974 restoran var. Batumidə kino, caz və digər festivallar keçirilir, turistlər üçün müxtəlif şou proqramlar təşkil olunur.
Batumidəki əyləncə komplekslərindən biri Batuminin mərkəzi ilə Anuriya dağını birləşdirən kanat yolu hesab olunur. Ziyarətçilərin əksəriyyəti məhz bu yoldan istifadə etməklə Arqonun qonağı olur. Kanat yolu ən çox ziyarət edilən məkanlardandır. Batumidə dəniz səviyyəsindən 250 metr hündürlükdəki Anuriya dağının zirvəsində "Arqo" Mədəniyyət və İstirahət mərkəzi yerləşir. Buradan Batumi şəhəri, Qara dəniz və Qafqaz dağlarına möhtəşəm mənzərə açılır. Kompleksə restoran və kafelər, ticarət mərkəzləri, podium, zal və terraslar daxildir.
Dünyanın ən zəngin botanika bağlarından biri də Batumidə yerləşir. Buradakı gözəlliyi sözlə ifadə etmək olmur. Hətta fotoda belə gözəllik öz təbiiliyini itirir ki, buranı ancaq canlı görmək lazımdır. Batumi Botanika bağında dünyanın bir çox yerlərindən - Şərqi Asiya, Şimali Amerika, Yeni Zelandiya, Cənubi Amerika, Himalay, Meksika və Avstraliyadan gətirilən bitkilər, ağaclar əkilib. Botanika bağında hətta dünyanın ən yaşlı ağacı belə qorunub saxlanır.
Batumi parkının ərazisində yerləşən delfinari şəhərin ən çox ziyarət olunan məkanlarındandır. Burada delfinlərin hərəkəti adamı valeh edir. Delfinarinin amfiteatrı 4 sektordan ibarətdir və 703 tamaşaçı üçün nəzərdə tutulub. Bu əsrarəngiz məkan istənilən havada keçirilməsi mümkün olan şou elementləri ilə təchiz olunub. Şouya gəlincə bildirim ki, şou üç - gürcü, ingilis və rus dillərində keçirilir. Şou istənilən yaşda olan izləyicilərdə maraq doğurur. Yayda delfinaridə ziyarətçi sayı çox olduğundan, şou gün ərzində üç dəfə təşkil olunur.
Batumidən cənub istiqamətinə 12 kilometrlik məsafədə Çoroxi çayının sol sahilində I əsrə aid Qonio-Apsaros qalası yerləşir. Qalanın ətrafında isə Gürcüstanın qədim yaşayış məskənlərindən biri yerləşir. Qonio-Apsaros qalası unikal strateji əhəmiyyətə malik olmaqla, Cənub-Qərbi Gürcüstanla Qara dəniz sahillərini birləşdirən Çoroxi və Açaristsxali mağaralarını mühafizə edib. Relyefinə görə Qonio qalası Qara dəniz regionunun Bizans və Osmanlı imperiyalarının istinad nöqtələrindən birinə çevrilib.
Bakıdan Batumiyə təyyarə ilə yanaşı, maşınla da getmək mümkündür. İki şəhər arasındakı məsafə 719 km-dir.
Batumiyə gedən yolda kirayə evlərlə bağlı elanlar asılır. Yay mövsümündə belə, Batumidə ev kirayələmək problem deyil. Kirayə evlərin qiyməti mənzilin yerləşdiyi əraziyə və şəraitə görə dəyişir. Dənizə yaxın ərazidə 3 otaqlı, şəraitli evlər adi evlərə nisbətən baha olurlar. Batumidə 2 və 3 ulduzlu otellərin sayı çoxdur. Evdə deyil, oteldə gecələməyi üstün tutanlar bunu rahatlıqla edə bilirlər.
Batumidə mövsümə uyğun olaraq, kafe və restoranlarda qiymət artımı baş verir. Lakin həmin qiymətlər də turistlər üçün əlverişli sayılır. Batuminin elit restoranında 2 nəfərlik nahar yeməyi böyük xərc tələb etmir.
Batumidə gecə gəzintisinin xüsusi yeri var. Bütün gecəni küçədə keçirsən belə, polis şübhə ilə yanaşmır, heç kim başqasını narahat etmir.