Birləşmiş Ərəb Əmirliyi

Yaxın Şərqin bu müasir və sürətlə inkişaf edən dövləti yalnız Yaxın Şərqin iqtisadi mərkəzlərindən biri kimi yox, həm də unikal turizm imkanları ilə tanınır. BƏƏ-yə səyahət edən turistləri burada həm qədim ərəb mədəniyyəti, həm də ultramüasir infrastruktur gözləyir. Bu ölkədə istə r səhrada safari, istər dünyanın ən hündür binasına çıxmaq, istərsə də sakit çimərliklərdə dincəlmək mümkündür.
BƏƏ yeddi əmirlikdən ibarət federasiyadır və bu əmirliklərin hər biri özünəməxsus xüsusiyyətləri ilə fərqlənir. Dubay texnoloji möcüzələri, alış-veriş mərkəzləri və dəbdəbəli otelləri ilə tanınır. Burada yerləşən Burj Khalifa dünyanın ən hündür binası olmaqla yanaşı, şəhərin simvoluna çevrilmişdir. Dubai Mall isə dünyanın ən böyük ticarət mərkəzlərindən biri kimi gündəlik minlərlə turisti özünə cəlb edir.
Abu-Dabi isə Dubaydan fərqli olaraq daha sakit və mədəni yönümlü atmosferə malikdir. Burada yerləşən Şeyx Zayed Məscidi təkcə BƏƏ-nin deyil, İslam dünyasının da mühüm memarlıq abidələrindən biri sayılır. Louvre Abu Dhabi muzeyi isə Avropa və ərəb mədəniyyətini bir araya gətirən nadir nümunələrdəndir.
Sadaladığımız bu imkanlar BƏƏ-nin niyə bu qədər turist cəlb etdiyini aydın şəkildə göstərir. Həm lüks istirahət axtaranlar, həm də münasib büdcə ilə keyfiyyətli zaman keçirmək istəyənlər üçün BƏƏ-də seçimlər kifayət qədər genişdir. Bu məqalədə isə Birləşmiş Ərəb Əmirliklərinə səyahətlə bağlı bütün detallara toxunacağıq. Hansı əmirliklərə getmək daha maraqlıdır, hansı tur paketləri sizə uyğundur, qiymətlər necə dəyişir, hansı xidmətlər daxil edilir və daha nələr, nələr.

BƏƏ-də görməli yerlər

Bu ölkə dünyada nadir rast gəlinən bir səyahət kombinasiyasını təqdim edir: səhranın ekzotik cazibəsi ilə futuristik şəhər mənzərəsi bir aradadır. Bir gün səhra çadırında dəvə gəzintisi edə, ertəsi gün isə 828 metrlik Burj Khalifa-nın zirvəsindən şəhərə baxa bilərsiniz. Qısa müddətdə həm lüks, həm adrenalin, həm mədəniyyət, həm də təbiət ilə dolu bir təcrübə yaşamaq yalnız BƏƏ-də mümkündür.

Dubay

Dubay haqqında danışanda ağıla ilk gələn şey "möhtəşəmlik" olur. Dünyanın ən hündür binası, ən böyük alış-veriş mərkəzi və ən dəbdəbəli otelləri bu şəhərdə yerləşir. Dubay, texnologiya ilə ərəb zərifliyinin mükəmməl sintezidir. Burj Khalifa, Dubay Mall, Palm Jumeirah və Marina bölgəsi bu şəhərin vizit kartlarıdır. Şəhərdə təkcə alış-veriş deyil, həm də yüksək səviyyəli istirahət zonaları, dəniz kənarı çimərliklər, məşhur dünya brendlərinin restoranları və sonsuz əyləncə imkanları mövcuddur. Gündüzləri şəhərin modern simasını kəşf edib, axşamları səhrada ənənəvi ərəb gecələri yaşamaq mümkündür.

Əyləncə parkları və akvaparklar

Legoland, IMG Worlds of Adventure və Aquaventure kimi əyləncə məkanları ailəli səyahətçilər üçün əvəzolunmazdır. Bu parklar həm uşaqlar, həm də böyüklər üçün uyğun fəaliyyətlərlə zəngindir. IMG Worlds of Adventure dünyanın ən böyük qapalı tematik parkıdır və Marvel, Cartoon Network personajları ilə dolu zonaları ilə uşaqları valeh edir. Aquaventure Waterpark isə həm sürüşkənləri, həm də dəniz canlıları ilə dolu akvariumları ilə su istirahətini sevənlər üçün mükəmməldir. Dubai Parks and Resorts kompleksi daxilindəki Motiongate və Bollywood Park isə fərqli konseptlərlə əyləncəni zirvəyə daşıyır.

Abu-Dabi

Abu Dabi daha çox mədəniyyət və incəlik sevənlər üçün nəzərdə tutulub. Dubay qədər enerjili və parlaq olmasa da, Abu Dabi zəriflik, intellekt və dərinlik təklif edir. Şeyx Zayed Məscidi ağ mərmərlə örtülmüş və memarlıq baxımından göz oxşayan bu möhtəşəm ibadətgah hər səyyahın ziyarət etməli olduğu yerdir. Louvre Abu Dhabi isə müasir və klassik sənəti bir araya gətirən nadir muzeydir. Ferrari World isə sürət və adrenalini sevənlər üçün əla seçimdir. Burada dünyanın ən sürətli qatarı sizi gözləyir. Abu Dabi həm klassik ərəb memarlığına, həm də müasir sənətə eyni anda toxunmaq istəyənlər üçün şəhərdir.

Şarja və Ajman

Bu əmirliklər Dubay və Abu Dabidan fərqli olaraq daha sakit və tarixi ruhludur. Şarja BƏƏ-nin mədəniyyət paytaxtı kimi tanınır. Burada çoxsaylı muzeylər, sənət qalereyaları və mədəni tədbirlər keçirilir. İslam Mədəniyyəti Muzeyi, Arxeologiya Muzeyi və Şarja İncəsənət Qalereyası bu bölgənin əsas turistik məkanlarındandır. Ajman isə daha kiçik, sakit və dinc bir əmirlikdir. Burada uzun və təmiz çimərliklər, yerli restoranlar və qonaqpərvər insanlar sizi gözləyir. Hər iki əmirlik daha çox şəhər səs-küyündən uzaqlaşıb rahatlıq axtaran turistlər üçün tövsiyə olunur.

BƏƏ turlarının növləri

Birləşmiş Ərəb Əmirliklərinə təşkil olunan səfərlər yalnız lüks otellər və alış-verişlə məhdudlaşmır. Bu ölkə turistlərə müxtəlif maraq sahələrinə uyğun zəngin və fərqli təcrübələr təqdim edir. İstər adrenalin axtaranlar, istər mədəni irsi kəşf etmək istəyənlər, istərsə də sakit istirahət sevənlər üçün uyğun proqramlar mövcuddur.

Macəra dolu səfərlər

Səhrada safari, parasailing, yelkənli gəzintilər, dağ yürüşləri BƏƏ-nin bir hissəsidir. Macəra sevənlər üçün BƏƏ əsl cənnət sayılır. Səhrada 4x4 avtomobillərlə "dune bashing", yəni qum təpələrində yüksək sürətlə hərəkət, turistlər üçün adrenalin dolu bir təcrübədir. Bu səfərlər adətən günbatımı ilə tamamlanır və bədəvi düşərgəsində ənənəvi ərəb gecəsi ilə davam edir. Dubayın sahillərində parasailing, jet ski, paddle board kimi su idmanı növləri də aktiv istirahət axtaranlar üçün mükəmməl seçimdir. Abu Dabi və Əl-Füceyrə ətrafında dağ yürüşləri və kamp səfərləri təklif olunur. Palm Jumeirah və Dubay Marina bölgəsindən başlayan yelkənli gəmilər və lüks yaxta səfərləri eksklüziv təcrübə yaşamaq istəyənlər üçün nəzərdə tutulur. Bu tip səyahətlər həm fərdi macərapərəstlər, həm də dost qrupları üçün planlaşdırılır. Peşəkar bələdçilər tərəfindən həyata keçirilir.

Mədəniyyət və tarix

Ərəb memarlığını, muzeyləri və tarixi abidələri görmək istəyənlər üçün xüsusi proqramlar mövcuddur. BƏƏ zəngin ərəb mədəni irsi və müasir incəsənətin vəhdəti ilə seçilir. Abu Dabidə yerləşən Şeyx Zayed Məscidi İslam memarlığının ən parlaq nümunələrindən biridir. Louvre Abu Dhabi isə müasir sənət muzeyi olmaqla yanaşı, regionun mədəni diplomatiyasının rəmzidir. Şarjada yerləşən İslam Mədəniyyəti Muzeyi, Arxeologiya Muzeyi və qalereyalar BƏƏ-nin tarixi və dini irsini dərindən təqdim edir. Ərəb bazarları, qədim qəsrlər və ənənəvi ev muzeyləri isə turistlərin həm vizual, həm də intellektual maraqlarını təmin edir. Bu səfər növü daha çox tarix həvəskarları, sənət sevənlər, mədəniyyət araşdırmaçıları və ümumilikdə dinc və maarifləndirici səyahət arzulayan turistlər üçün nəzərdə tutulur.

BƏƏ turlarının qiyməti

BƏƏ turlarında qiymətlərin formalaşması bir neçə əsas faktordan asılıdır və bu faktorlar birlikdə tur paketinin ümumi dəyərini müəyyən edir. Səyahət planlayanlar üçün bu amilləri əvvəlcədən bilmək vacibdir, çünki qiymət dəyişkənliyi bəzən əhəmiyyətli fərqlərlə nəticələnə bilər. TURLAR.AZ saytında bu komponentlər nəzərə alınmaqla hazırlanmış geniş çeşidli paketlər mövcuddur.

Mövsüm

BƏƏ-də səyahət mövsümə görə ciddi şəkildə dəyişir. Noyabr-mart ayları arası əsas turizm dövrü hesab olunur . Gava mülayim, şəhər həyatı aktiv, tədbirlər və festivallar çoxdur. Bu dövrdə turist axını maksimuma çatdığından, həm uçuşlar, həm də otel qiymətləri artır. Ramazan bayramı, Yeni il və digər xüsusi tarixlərdə qiymətlər kəskin şəkildə bahalaşa bilər. Əvəzində, yay ayları - iyun, iyul, avqust isti havaya görə nisbətən az turist axını ilə keçdiyindən otel və uçuşlarda ciddi endirimlər tətbiq olunur. Bu aylar ərzində daha sərfəli paketlər tapmaq mümkündü. Xüsusilə qapalı əyləncə mərkəzlərinə və alış-veriş festivallarına üstünlük verənlər üçün.

Otelin səviyyəsi

Paketin qiymətində otelin ulduz səviyyəsi əsas rol oynayır. 3 ulduzlu otellərdə yerləşmə sadə və münasib qiymətli olur, əsasən səhər yeməyi daxil edilir. 4 ulduzlu otellər artıq daha yüksək komfort, əlavə xidmətlər və mərkəzə yaxın yerləşmə ilə seçilir. 5 ulduzlu otellərdə isə lüks şərait, spa və hovuz imkanları, yüksək səviyyəli restoranlar və bəzi hallarda özəl çimərliklər təqdim olunur. Atlantis, Burj Al Arab kimi premium otellərdə qalmaq qiyməti bir neçə qat artırır və bu tip otellər əsasən VIP paketlərə daxildir.

Səyahətin müddəti

Səfərin neçə günlük planlaşdırılması da qiymətə birbaşa təsir edir. 3 günlük paketlər əsasən tanıtım xarakterli qısa səfərlərdir və daha ucuzdur. 5 və 7 günlük proqramıar isə geniş , daha çox ekskursiya və daha uzun otel qalma müddəti səbəbilə baha olur. Tur müddəti uzandıqca oteldə qalma, qidalanma, transfer və gəzinti xidmətlərinin sayı da artır və bu da ümumi məbləği yüksəldir. Saytda bu istiqamətdə də seçimlər mövcuddur. İstər sürətli, istər dinc və uzunmüddətli istirahət üçün uyğun paketlər yer alır.

Gəzinti proqramlarının sayı

Bəzi səfərlər yalnız otel və transfer xidmətini əhatə edir, digərləri isə zəngin ekskursiya proqramları ilə birlikdə təqdim olunur. Məsələn, Desert Safari, Dhow Cruise, Dubai Frame, Burj Khalifa ziyarəti, Global Village, Ferrari World kimi yerləri əhatə edən proqramlar əlavə bələdçi, giriş bileti və nəqliyyat xərcləri tələb etdiyindən qiyməti artırır. Əlavə olaraq, fərdi ekskursiyalar və VIP proqramlar qiymətə daha çox təsir edir.

Uçuşun qiyməti

Aviareyslər tur paketinin ən əsas xərclərindən biridir. Mövsümə, aviaşirkətə, uçuşun birbaşa və ya tranzit olmasına görə bilet qiymətləri dəyişə bilər. Ən sərfəli qiymətlər adətən erkən rezervasiya zamanı təqdim olunur. Premium siniflə uçmaq, çarter reyslər və ya bayram tarixlərinə düşən biletlər isə ümumi xərci artırır. Saytda istəyə görə uçuş daxil və ya uçuşsuz paketlər sifariş etmək mümkündür.

Ən uyğun səyahət nə vaxtdır?

Birləşmiş Ərəb Əmirliklərinə səyahət üçün ilin bütün fəsilləri özünəməxsus imkanlar təqdim etsə də, ən yaxşı səfər dövrü oktyabr ayından mart ayına qədər olan aralıq hesab olunur. Bu aylarda hava temperaturu təxminən 20-28°C arasında dəyişir. Bu da həm açıq hava fəaliyyətləri, həm də uzun gəzintilər üçün olduqca əlverişlidir. Həm turist axını, həm də əyləncə və festivallar baxımından bu mövsüm BƏƏ-nin "zirvə dövrü" sayılır. Bu dövrdə Dubai Shopping Festival, Abu Dhabi Film Festival, Food Festival kimi beynəlxalq səviyyəli tədbirlər keçirilir. Yəni təkcə hava şəraiti deyil, həm də mədəni və sosial aktivlik baxımından bu dövr turistlər üçün ikiqat əlverişlidir. Çimərliklərdə dincəlmək, səhrada safariyə çıxmaq, şəhər gəzintiləri və muzey ziyarətləri üçün məhz bu aylarda səyahət planlamaq tövsiyə olunur.
Əgər səyahətinizi yay aylarına, yəni iyun-sentyabr dövrünə planlaşdırırsınızsa, nəzərə almalısınız ki, bu zaman BƏƏ-də hava temperaturu 40°C-dən yuxarı qalxa bilər. Bu şəraitdə açıq havada uzun müddət qalmaq çətin ola bilər. Lakin otellərin və ticarət mərkəzlərinin əksəriyyəti güclü kondisionerlərlə təchiz olunduğuna görə, daxili əyləncə və istirahət xidmətlərindən rahatlıqla yararlanmaq mümkündür. Xüsusilə yay aylarında səyahət edənlər üçün SPA mərkəzləri, qapalı hovuzlar, su parkları və alış-veriş festivalları seçimlərdir. Yay mövsümündə qiymət nisbətən daha sərfəli olur. Yəni büdcəyə qənaət etmək istəyən səyahətçilər üçün yay ayları münasib fürsətlər yarada bilər.