Olkedaxili Turlar
Avtobus və Mikroavtobus Sifarişi (8-56 Yerlik) Sərnişindaşıma xidmətləri üçün 8 nəfərdən başlayaraq 56 nəfərə qədər tutumu olan hər növ avtobus və mikroavtobusların günlük, həftəlik və aylıq icarəsi mövcuddur.
50 Azn
Olkedaxili Turlar
Bəziləri yaxşı istirahət etmək üçün xarici turlara üstünlük verirsə, bəziləri daxili turlara müraciət edirlər. Əbəs yerə Azərbaycanı turistik ölkə adlandırmırlar. Ölkəmizin bir-birindən gözəl istirahət məkanları, kurortları, turistik yerləri var.Şəki
Şəki Azərbaycanın ən gözəl guşələrindən biridir. Bu şəhər həm qonaqpərvərliyi, həm təbiəti, həm də təamları ilə turistləri özünə cəlb edir. Şəki xan sarayı dünya abidələri siyahısına daxil edilmişdir. Xan sarayı qala divarları ilə əhatə olunmuşdur və turistlərin marağına səbəb olur. Xan sarayı ikimərtəbəli olmaqla altı otaqdan, dörd dəhlizdən, iki güzgülü eyvandan ibarətdir.
Qobustan
Qobustan torpağı arxeoloji abidələrlə zəngindir. Bu günə qədər burada 30 ədəd kurqan və 20-yə yaxın ibtidai insan düşərgəsi aşkar edilib. Onlar iri ölçülü əhəng daşlarından hazırlanmışdır. Qədim əcdadlarımızın həkk etdiyi rəsmlər Böyükdaş, Kiçikdaş, Cinqırdağ və Yazılı təpəsinə də rast gəlinir. Qobustan da yerli və xarici turistlərin diqqətini cəlb edən məkanlar sırasındadır.
Dağ xizəyi kurortu
Dağ xizəyi kurortu müalicəvi havası, rəngarəng bitkiləri, zəngin heyvanat aləmi və heyrətamiz gözəl mənzərələri ilə şəşhur olan Şahdağ milli parkında yerləşir. Burada kanat yolu ilə 2300 metrə qədər qalxmaq olar, orada dağ xizəyi trası öz başlanğıcını götürür. Kompleksin ümumi sahəsi 2 min hektardan çox ərazini əhatə edir.
Lahıc qəsəbəsi, İsmayıllı
Qəsəbə Azərbaycanın şimalında, Böyük Qafqaz sıra dağlarının cənub yamacında, dəniz səviyyəsindən 1505 m hündürlükdə yerləşir. Lahıc Girdiman çayının sahilində yerləşməklə Babadağ və Niyaldağ silsilələri ilə əhatə olunur və ona təbii qala şəraiti bəxş edir. 1980-ci ildən muzey-qoruğa çevrilmiş Lahıcda həmin illərdən yadigar qalan məhəllə məscidləri, su kəməri və kanalizasiya (kürəbənd), Girdiman qalası qorunur, sənətkarlıq ənənələri davam və inkişaf etdirilir.
Xınalıq
Xınalıq dünyanın ən yüksək yaşayış məntəqələrindən biridir (dəniz səviyyəsindən 2350 metr yüksəklikdə). 5000 illik tarixə malikdir. Böyük Qafqaz dağları silsiləsinin Şahdağının yaxınlığında dağlar ilə əhatə olunmuş bir ərazidə, Baş Qafqaz və Yan silsilələri arasındakı çökəklikdə olan Xınalıq kəndi, Quba şəhərindən 57 km cənub-qərbdə yerləşir. Kəndin ətrafında çox sayda bulaqlar və mağaralar var. Kənddən 14 km məsafədə isə Şah yaylağı yerləşir. Xınalıq həm də uzunömürlülər məskənidir. Kəndə gələn turistlər təklif olunan kirayə evlərdə qala bilərlər.