Gurcustan turlari

Gurcustan turlari , Gurcustan tur qiymetleri

Gürcüstan turlari almaq üçün Turlar.az saytindan istifadə edin. Ən Ucuz Gurcustan turları təklif olunur. Gurcustan turları qiymətləri öyrənmək üçün Turlar.az saytında tur yerləşdirən elandakı telefon nömrəsinə zəng vuraraq öyrənə bilərsiz. Gürcüstan Turlari bizimkilərin sevimli istirahət zonaslarındandır. Gürcüstan Azərbaycanla qonşu ölkə olduğundan, azərbaycanlılar tərəfdən oraya daim böyük maraq olub. Təsadüfi deyil ki, Gürcüstana yollanan turistlər arasında azərbaycanlılar da daim çoxluq təşkil edir. Ölkənin paytaxtı olan Tbilisi şəhəri eyni zamanda Gürcüstanda mədəniyyətin, incəsənətin və elmin mərkəzi sayılır. Gürcü dilində bu ad "İsti bahar" mənasını verir və həqiqətən də qonaqlarını səmimiyyətlə qarşılayır. Gürcüstan səfərini mütləq paytaxtdan başlamalısınız.
Tbilisi, demək olar ki, ilboyu mülayim iqlimə malik olur. Şəhər bu fürsətdən istifadə edib, turistlərə zəngin mətbəxini və böyük əyləncə seçimini təklif edir.
Tbilisiyə necə getmək olar?
Azərbaycanla Gürcüstan arasında viza yoxdur. Tbilisiyə ən ucuz transport vasitəsi avtobusdur. Adıçəkilən şəhərə taksi ilə getmək mümkündür. Avtobus ilə Tbilisiyə səyahət 9-10 saat çəksə də, taksiyə nisbətən ucuz və daha təhlükəsizdir.
Tbilisiyə getməyin ikinci ucuz yolu qatar ilədir. Bakıdan Tbilisiyə getməyin ən sürətli yolu isə təyyarə vasitəsi ilədir. Azərbaycan Hava Yollarına məxsus Buta Hava Yolları bu uçuşları həyata keçirir. Uçuş təxmini 1 saat davam edir. Tbilisiyə aviabiletləri Buta Hava Yollarının rəsmi vebsaytından əldə edə bilərsiniz.
Tbilisidə harada qalmaq olar?
Hər bir şəhərdə olduğu kimi, bu şəhərdə də bütün siniflər üçün yerləşmə növü mövcuddur. Siz burada qalmaq üçün asanlıqla ekonom, orta və lyuks tipli hotellər, kirayə evlər, villalar tapa bilərsiniz. Bunun üçün turizm şirkətlərindən və onlayn platformalardan istifadə edə bilərsiniz. Əgər siz ekonom səyahət etməyi düşünürsünüzsə, Tbilisidə hosteldə qala və yaxud ekonom günlük kirayə evlər bron edə bilərsiniz.
Ümumiyyətlə, Tbilisidə bahalı hotellər Azadlıq meydanı və Opera Teatrı yaxınlığında yerləşir. Rezervasiyada "Non Refundable" qeyd olunubsa, bu o deməkdir ki, rezervasiya olduqdan sonra artıq nə rezervasiyanı ləğv edə bilərsiniz, nə də tarixi dəyişdirə bilərsiniz. Ona görə də həmişə Non Refundable olan otaqların qiyməti ucuz olur. Yaxşı olardı ki, dəqiq planladığınız səyahət üçün otağınızı Non Refundable seçəsiniz. Ən ucuz hotelləri buradan rezervasiya edə bilərsiniz.
Tbilisidə gəzməli yerlər
Tbilisi kiçik şəhər olsa da, burada gəzməli yerlər kifayət qədərdir. Bu da şəhərin qədimiliyinə dayanır.
Köhnə Şəhər Tbilisi
Əgər Tbilisiyə ilk dəfə səyahət edirsinizsə, bu qədim şəhərin elə qədim küçələrindən başlamaq məsləhətdir. Burada hər qədim tikilinin öz maraqlı tarixçəsi var. Bu küçələri saatlarla gəzməkdən doymaq olmur ki, olmur.
Narikala Qalası
Mtatsminda dağının üstündə yerləşən Narikala Qalası şəhərin ən görməli yerlərindən biri sayılır. Tbilisiyə səyahət edən turistlər bu qədim qalanı ziyarət etməyi özlərinə adətən bir Turist vəzifəsi hesab edir. Buranı nəinki turistlər hətta Gürcü əhalisi də tez-tez ziyarət edirlər. Narikala Qalası Tbilisinin ən ecazkar tarixi abidəsi sayılır. Dağın zirvəsindən şəhərə gözəl mənzərə açılır.
Botanika Bağı
Şəhərin mərkəzində yerləşən bu bağ öz mötəşəmliyi ilə paytaxta gözəllik qatır. Çox əvvəllər bu parka Şah Bağı da deyirdilər. Sovet dövrünün ən gözəl parklarından sayılan bu parkın qədimiliyi 1845-ci ilə qədər uzanır. Parkda 3000-dən artıq bitki mövcuddur. Parka şəlalələr də ayrı gözəllik qatır.
Kükürdlü Hamam
Narikaladan aşağı hissədə Abantubanidə Tbilisi Hamamı yerləşir. Bu hamama səfər edərkən xarici turistlər adətən şərq yuyunma ənənəsi ilə tanış olurlar. Kükürdlü hamamlara getmək turist proqramlarının mütləq bəndidir. Siz burada termal bulaqların suyu ilə dolu hovuzda uzanmaqla bərabər, yorğunluğunuzu alacaq masaj da sifariş edə bilərsiniz. Qiymətlər elə də baha deyil.
Kanat Yolu
Şəhərin ən əlamətdar atraksionu kimi qəbul edilir. Eyni zamanda rahat nəqliyyatdır, sürətli və ən əsası tıxacsız.
Rustavelli Prospekti
Tbilisidə mərkəz dedikdə Rustavelli Prospekti nəzərdə tutulur. Küçə öz adını dahi yazıçı Şota Rustavellidən götürmüşdür ki, onun abidəsi də elə burada yerləşir. Şəhərin ən cazibəli yerlərindən olan bu prospekt lyüks hotellər, kirayə evlər, brend mağazalar, restoranlar və teatrlarla zəngindir. Prospektin uzunluğu 1,5 km-dir və çoxlu ağaclarla əhatə olunmuşdur.
Tısbağa gölü
Vake Saburtalosu ərazisində yerləşən bu göl ekoloji təbiəti ilə seçilir. Vaxtilə burada çoxlu tısbağa olduğu üçün göl məhz Tısbağa gölü adlandırılır. Şəhər sakinlərinin də tez-tez ziyarət etdiyi bu məkan xarici turistlərin də ilk səfərindən sevimli məkanına çevrilir.