İsrail ölkəyə giriş qaydalarını dəyişəcək

İsrail martın 1-dən həm koronavirusa qarşı peyvənd olunmuş, həm də peyvənd olunmamış turistlərin yalnız iki PCR testi olmaq şərti ilə ölkəyə daxil olmasına icazə verəcək. Turlar.az xəbər verir ki, bu barədə İsrailin Baş Nazirlik Aparatı məlumat yayıb.
Bəyanatda qeyd edildiyi kimi, martın 1-dən peyvənd olunmuş və peyvənd olunmamış istənilən yaşda olan turistlərə iki PCR testindən keçmək şərti ilə daxil olmağa icazə veriləcək: yola düşməzdən əvvəl və İsrailə gəldikdən sonra.
İsrailin baş naziri Naftali Bennett və səhiyyə naziri Nitsan Horovits koronavirusla bağlı məhdudiyyətləri yumşaltmaq barədə razılığa gəliblər.