Populyar olmayan ən gözəl yerlər!

Populyar olmayan ən gözəl yerlər!Avropanın gəzməli, görməli yerləri həddindən artıqdır. Elə məkanlar var ki, insanlar arasında o qədər də tanınmırlar. Bu yazıda məhz elə məkanlardan söz açacağıq.
Figeac, Fransa
Dünyada kimdən soruşsanız, Fransa dediyiniz ilk anda ağlına paytaxtı Paris gələr. Bu 2 ad bir-birindən ayrılmayan mövhumlara çevrilmişdir artıq. Təbii ki, bu gözəl sevgilər şəhərinə səyahət etmək mütləqdir, lakin bu dəfə Fransa deyəndə ağıllara belə gəlməyəcək, hətta Fransada yerləşməsindən bir çox insanın xəbəri belə olmayan, kəşf edilməmiş və ya az bilinən yer kimi tanınan Figeac-dan bəhs etmək istəyirəm.
Figeac səssiz, qəribə və bəlkə də orta əsrlərdə olan həyata ən yaxşı şahid olan yerlərdən biridir. Məlumatı olmadan belə buraya səyahət edən ziyarətçilər qəsəbənin arxitekturası və abidələrindən buranın nə qədər qədim olduğunu təxmin edə bilər. Həmçinin tarix və təbiətin necə bir ahəng içində olduğunu görənlər üçün buraya vurulmamaq mümkün deyil. Qəsəbənin bütün zamanlara meydan oxuyan cazibəsi hər kəsi ovsunlamağa qadirdir. Dəbdəbəli küçələr, 13-cü əsr binaları və ecazkar mənzərələr buna sübutdur. Şampollion muzeyində (Musee Champollion) Rozetta daşının inanılmaz bərpasını tapa bilərsiniz. Şənbə günləri yüz illərdir dəyişməməsinin qatdığı gözəllik ilə yerli məhsulları ala biləcəyiniz bazar qurulur.
Mdina, Malta
Malta 2019-cu il statistikasına əsasən, sadəcə 494 minə yaxın insanın yaşadığı, Siciliya ilə Şimali Afrika sahilləri arasında yerləşən mərkəzi Aralıq dənizindəki arxipelaqdır. Ancaq arxipelaq deyildiyinə baxmayın, rəsmi olaraq Malta Respublikası olaraq tanınır. Səyahəti sevənlərin ən çox sevəcəyi yanlarından biri də ölkənin baş çəkmək üçün ən təhlükəsiz ölkələrdən biri olmasıdır. Ancaq bu ölkə digər Avropa ölkələri qədər çox da turist axınına məruz qalmaması ilə bərabər bəzi şəhərləri ümumiyyətlə tanınmır və hətta içlərində "Səssiz şəhər" olaraq tanınan bir şəhər də mövcuddur. Bu şəhər sadəcə 300 nəfə yaxın insanın yaşadığı Mdina şəhəridir.
Bu cazibədar şəhər təqribən 2700 ildir qiymətli bir istehkamdır. Deyilənə görə, Mdina küçələrində dayandığınızda eyni anda həm Avropa, həm Şimali Afrika, həm də Orta Şərqdə dayanırmışsınız kimi bir hiss yaranır. "Bu necə mümkündür?" deyə soruşa bilərsiniz, ancaq bu yerləşdiyi coğrafi mövqeyi, tarixi, arxitekturası və mədəniyyəti ilə bağlıdır deyə bilərik. Memarlığına finikiyalılar, romalılar, ərəblər, Bizans və Normans da daxil olmaqla bir çox güclü imperiyalar təsir etdi, bu də hər şeyi izah edir.
Müqəddəs Gilgen, Avstriya
Yenə təbiətinin gözəlliyi ilə seçilən və hər kəsi özünə valeh edən bir Avropa ölkəsi: Avstriya! Və onun gizli qalmış və az tanınan gözəlliklərindən biri olan Müqəddəs Gilgen! Ölkənin ən gözəl göllərindən biri olan Wolfgangsee'nin başında, Salzburg əyalətindəki "Salzkammergut" bölgəsində yerləşən kiçik bir qəsəbədir.
Bu kiçik qəsəbə digər Avstriya şəhərləri kimi bahalı qiymətlərə və ya izdihamlı küçələrə sahib deyil. Bu da onu mənzərələri, nağıl kimi evləri və ölkənin ənənəvi mətbəx ilə tanış olmaq üçün mükəmməl bir yerə çevirir. Burada olan rəngarəng evlər və dükanlar sizi şən əhval ruhiyyəyə bürüməyə niyətlidir. Fasadlar göy qurşağının hər rənginə boyanmışdır.
Qış aylarında avstriyalıların xizək sürmək üçün üz tutduğu ən sevilən yerlərdən biridir. Zwölferhorn dağının mənzərəsi şəhərə və ona bitişik olan gölə baxır, bu da qışda "Möcüzələr Diyarı" adlanacaq qədər gözəl bir mənzərəyə şahidlik etməyə imkan verir. Yay aylarında isə göldə su idmanı ilə məşğul olmaq üçün hər bir fürsət var. Qayıqlar, avar lövhələr və istədiyiniz hər hansı bir başqa su avadanlıqlarını icarəyə götürə bilər, sakit yoxsa adrenalin dolu bir istirahət istədiyinizi seçə bilərsiniz.
Pag adası, Xorvatiya
Xorvatiya bir ölkə olaraq bir zamanlar Avropanın gizli qalmış və ən az ziyarət olunan yerlərindən biri idi. İndi artıq turistlərin ən məşhur səyahət yerinə çevrilməyə başlasa da, burada hələ də tanınmayan, kəşf olunmayan və ya az bilinən yerlər çoxdur. Elə Pag adası da onlardan biridir!
Pag adası Xorvatiyanın Adriatik dənizindəki 1200 adasından biridir. Bu sayın çoxluğu bu adanın necə gizli qalmasını və Avropada ən az tanınan yerlərdən biri olmasını da izah edə bilər. Bu adaların bir çoxu tropik olmağa meyilli və sıx bitki örtüyü olması ilə tanınır. Ancaq Pag adası bu adalardan fərqli olaraq sanki bu dünyadan deyil, hətta demək olar ki, öz planetimizdən daha çox aya bənzəyir. Burada çaylar və ağaclar yoxdur, tam əksinə quraq mənzərə, ağ daşlar və çoxlu duzla örtülmüşdür. Bu mənzərə də bizə nəyə görə ayı xatırladığını sübut edir. Adanın şimalı olduqca canlı gecələri ilə tanınsa da, cənub hissəsi daha sakit və səssizdir.
Bohinj, Sloveniya
Siyahını Sloveniyanın sirrli, unikal, cazibədar, heyrətamiz bir bölgəsi olan Bohinj ilə bitiririk. Bu digərlərindən fərqli olaraq, bura bir qəsəbə və ya kənd deyildir, ad sadəcə bölgə ilə bağlıdır. Bohinj Julian Alp dağlarının tam mərkəzində yerləşir. Sloveniyadakı ən geniş və ən yüksək dağ silsiləsi həmçinin Alp dağlarının ən cənub-şərq hissəsi sayılır. Ən tanınan və heyrətləndirici təbii yer Sloveniyanın ən böyük gölü olan Bohinj gölüdür. Vadidə və yuxarıda 24 kənd yerləşir və bu kəndlər keçmişdən qalan zənginlikləri özündə birləşdirib bu günün gözəlliyini də özünə qataraq əvəzedilməz bir yerə çevrilir.
Bohinj gölünü görənə qədər gördüklərinizin ən gözəl göllərdən biri olduğunu düşünə bilərsiniz. Lakin gölün mavi sularına yansıyan dağlar buraya o qədər əzəmətli və valehedici bir görünüş qazandırır ki, bütün insanlardan uzaqda saatlarla buradan ayrılmadan zaman keçirmək, təbiətin səssizliyinə və gözəlliyinə doya bilmək, buraya gələn bir neçə insandan biri olmaq keyfini yaşamaq istəyəcəksiniz. Vogel Kabel Avtomobil, Mostnica dərəsi, Müqəddəs Yəhya Kilsəsi və əsasən də Triglav Milli Parkı bölgənin ziyarət edə biləcəyiniz ən çox tanınan və sevilən yerləridir.

Tarix: 28 Apr 2021 | Baxılıb: 460

Oxşar xəbərlər

Viza mərkəzləri süni əngəllər yaradır - AÇIQLAMA

Viza mərkəzləri süni əngəllər yaradır - AÇIQLAMA

Bəzi viza mərkəzlərinin fəaliyyəti turizmə problem yaradır. ATAA: "Aviabiletlərin qiyməti turist sayının artmasına böyük çətinliklər yaradır". xəbər verir ki, bunu Azərbaycan Turizm Agentlikləri Assosiasiyasını

Bakı hava limanı Yunanıstanın "Aegean Airlines" aviaşirkətinin ilk reysini qarşılayıb - FO

Bakı hava limanı Yunanıstanın "Aegean Airlines" aviaşirkətinin ilk reysini qarşılayıb - FO

Bakı hava limanı Yunanıstanın "Aegean Airlines" aviaşirkətinin ilk reysini qarşılayıb - FOTO. Sentyabrın 30-dan etibarən "Aegean Airlines" Afinadan Heydər Əliyev Beynəlxalq Aeroportuna müntəzəm reyslə

Azərbaycanda dəniz turizminin inkişafı nə vəd edir?

Azərbaycanda dəniz turizminin inkişafı nə vəd edir?

Azərbaycanda dəniz turizminin inkişafı nə vəd edir? . Dünyada inkişaf etmiş turizm növlərindən biri də dəniz (kruiz gəmiləri ilə səyahət) turizmidir. ABŞ, Böyük Britaniya, Norveç, İsveç, Danimarka, Finlandiya, İtaliya, Fransa

Xınalıqda qonaq evlərinə dəstək məqsədilə vətəndaşlara avadanlıqlar verilib

Xınalıqda qonaq evlərinə dəstək məqsədilə vətəndaşlara avadanlıqlar verilib

Xınalıqda qonaq evlərinə dəstək məqsədilə vətəndaşlara avadanlıqlar verilib. Qubanın Xınalıq kəndində turistlərə qonaq evi istiqamətində xidmət göstərən 16 sahibkara su qızdırıcısı, soba və qaz plitəsi təqdim olunub. -ı

AZAL-ın İstanbul-Bakı reysi texniki səbəbdən təxirə salınıb

AZAL-ın İstanbul-Bakı reysi texniki səbəbdən təxirə salınıb

AZAL-ın İstanbul-Bakı reysi texniki səbəbdən təxirə salınıb. "Azərbaycan Hava Yolları" aviaşirkətinin 1 sentyabr tarixində J2-078 İstanbul-Bakı marşrutu üzrə planlaşdırılan reysin icrası texniki səbəbdən - təyyarəni

AZAL və turizm agentlikləri turizm və aviasiyanın inkişafını müzakirə ediblər - FOTO

AZAL və turizm agentlikləri turizm və aviasiyanın inkişafını müzakirə ediblər - FOTO

AZAL və turizm agentlikləri turizm və aviasiyanın inkişafını müzakirə ediblər - FOTO. Sentyabrın 29-da "Ritz-Carlton" hotelində "Azərbaycan Hava Yolları" və ölkənin turizm agentliklərinin nümayəndələrin

Daha 3 ölkənin aviaşirkəti Bakıya - UÇUŞLARA BAŞLAYACAQ

Daha 3 ölkənin aviaşirkəti Bakıya - UÇUŞLARA BAŞLAYACAQ

Yaxın zamanda "IndiGo" (Hindistan), "Aegean Airlines" (Yunanıstan) və "Air Arabia Abu-Dhabi" (BƏƏ) aviaşirkətləri də Bakıya uçuşlar həyata keçirilməyə başlayacaq. Gürcüstana gedən hər Azərbayca

Əcnəbi turistlər Azərbaycanda hansı tibbi xidmətlər ala bilərlər? - ARAŞDIRMA

Əcnəbi turistlər Azərbaycanda hansı tibbi xidmətlər ala bilərlər? - ARAŞDIRMA

Əcnəbi turistlər Azərbaycanda hansı tibbi xidmətlər ala bilərlər? - ARAŞDIRMA. Azərbaycanda turizmin digər sahələri kimi tibbi turizmin də inkişafı istiqamətində bir sıra addımlar atılmaqdadır. Belə ki, sağlamlıq turizm

Peruda "Buludlar arasında şəhər" turistlərin üzünə bağlandı - FOTO

Peruda "Buludlar arasında şəhər" turistlərin üzünə bağlandı - FOTO

Peruda "Buludlar arasında şəhər" turistlərin üzünə bağlandı - FOTO. İnklərin qədim şəhərinin bir hissəsi turistlərin üzünə bağlanıb və bu həmişəlik ola bilər. Bu barədə Perunun Kusko əyalətinin Mədəniyyət Departament


masinlar xidmetler qebele turlari turlar azerbaycan endirimli turlar london turu amsterdam turlari turkiye turlari tbilisi turlari tezbazar.az ev elanlari istanbul turlari tur paketler