Göygöl

Azərbaycan təbiətinin nadir incilərindən biri olan Göygöl, füsunkar təbii mənzərələri, təmiz dağ havası və sükunət axtaranlar üçün ölkə daxilində ən çox ziyarət olunan məkanlardan biridir. Gəncə şəhərinə yaxın məsafədə yerləşən və Kiçik Qafqaz dağlarının ətəyində möhtəşəm görünüşü ilə seçilən bu ərazi, hər fəsildə fərqli gözəlliklər təqdim edir.
Gölün ətrafı sıx meşəliklərlə, təmiz su mənbələri ilə əhatələnib və burada sanki şəhər həyatının bütün səsi-sədası uzaqlaşır. Göygöl sadəcə bir təbii ərazi deyil, həm də fiziki və zehni istirahət üçün bənzərsiz məkandır. Son illər insanların təbiətə olan marağının artması ilə Göygölə olan tələbat da əhəmiyyətli dərəcədə çoxalıb. Bu istiqamətdə təşkil olunan səfərlər, xüsusilə həftəsonu istirahəti üçün sərfəli, rahat və planlı şəkildə həyata keçirilir.
Bu yazıda sizə Göygöl turlarının necə təşkil edildiyi, hansı istiqamətlər üzrə keçdiyi, qiymətlərə hansı xidmətlərin daxil olduğu və ən əsası bu səfərin sizə hansı üstünlükləri verəcəyi barədə ətraflı məlumat təqdim olunacaq. TURLAR.AZ-ın bu sahədə necə rahat seçim imkanı yaratdığı və niyə istifadəçilər tərəfindən etibarlı axtarış mənbəyi kimi qəbul olunduğu da izah ediləcək.

Göygöl turu zamanı görüləcək əsas yerlər

Təkcə göl yox, ətraf ərazilər də görülməli və yaşanmalı təcrübələrlə doludur. Göygöl yalnız bir göl ətrafında gəzişməklə məhdudlaşmır. Sizi həm də bölgənin zəngin təbiəti, sakitliyi və tarixi ilə tanış edirik. Burada təkcə təbiət həvəskarları deyil, tarix, fotoqraflar və sakitlik axtaranlar da özlərinə uyğun məkanlar tapırlar. Gəzinti zamanı müxtəlif maraqlı dayanacaqlar, təbiət möcüzələri və mədəni miras nümunələri ilə qarşılaşmaq mümkündür. Hər dayanacaq isə özünəməxsus təəssürat yaradır.

Göygöl Milli Parkı

Göygöl Milli Parkı göl ətrafındakı meşəlik və təbii əraziləri əhatə edir. Bura həm qorunan ərazi, həm də təbiətsevərlərin rahat şəkildə ziyarət edə biləcəyi ekosistemdir. Parkın girişində ziyarətçilər üçün informasiya lövhələri, istirahət məntəqələri və xüsusi müşahidə nöqtələri yerləşir. Yollar asfaltlanmış və ya taxta platformalarla əhatələndiyindən gəzmək üçün əlverişlidir. Xüsusilə ailələr üçün mükəmməldir. Çünki təhlükəsizlik qaydaları və təmizlik səviyyəsi yüksək səviyyədə qorunur. Parkın içindəki meşə zolağı, nadir bitki növləri və dağ havası ziyarətçilərə həm fiziki, həm də psixoloji rahatlıq bəxş edir. Buradan göl mənzərəsi daha geniş bucaqdan izlənilə bilər, bu isə foto həvəskarları üçün əsl fürsətdir. Qışda isə park qarla örtüldüyü zaman başqa bir gözəllik nümayiş etdirir.

Maralgöl

Göygölə yaxın məsafədə yerləşən Maralgöl, daha sakit və az adam olan bir məkandır. Gölə çatmaq üçün qısa, lakin dağlıq bir yürüş tələb olunur. Bu isə onu daha maraqlı və eksklüziv edir. Bəzi turlar Maralgöl ziyarətini əsas marşrutun bir hissəsi kimi təqdim edir. Digərləri isə əlavə paket kimi təklif edir. Maralgöl xüsusilə səssizlik və təbii balans axtaranlar üçün mükəmməl məkandır. Burada təkbaşına və ya kiçik qrup halında olmaq, ətraf səssizliyi dinləmək və təbiətin nəfəsini hiss etmək mümkündür. Ətrafındakı sıx meşəlik və dağ mənzərəsi, suyun aydınlığı və ətraf mühitin sakitliyi ilə bu yer insanı dincəldir və rahatlaşdırır. Gölə yaxınlıqda xüsusi piknik sahələri və istirahət nöqtələri olmasa da, təbii halda qorunan bir ərazi olduğu üçün daha orqanik və vəhşi görünüşünü saxlayır. Maralgölə getmək üçün idman ayaqqabısı və uyğun geyim vacibdir, çünki yol bəzən daşlı və enişli-çıxışlı ola bilər.

Göygöl şəhərinin tarixi

Əgər tarix sevənsinizsə, Göygöl yaxud keçmiş Xanlar şəhərinin alman memarlığı izlərini daşıyan küçələrini gəzmək mütləqdir. Şəhər XIX əsrdə burada məskunlaşmış alman kolonistləri tərəfindən qurulub. Bu gün də həmin dövrün memarlıq üslubu qorunub saxlanılır. Qırmızı kirəmitli damlar, simmetrik planlı binalar və Avropa tipli küçə düzülüşü Göygöl şəhərinə xüsusi bir aura verir. Şəhərin mərkəzində yerləşən köhnə lüteran kilsəsi və ətrafdakı tarixi binalar, həm foto, həm də mədəni araşdırmalar üçün maraqlı obyektlərdir. Bu şəhərdə yerli muzey və məlumat mərkəzləri də fəaliyyət göstərir. Burada bölgənin alman irsi və tarixini daha dərindən öyrənmək mümkündür. Göygölün bir hissəsi kimi bu şəhərə qısa gəzinti əlavə etmək, səyahəti daha zəngin və fərqli təəssüratlarla tamamlayır.

Göygöl turlarının qiyməti

Qiymətlər seçdiyiniz paketin növünə və xidmətlərin keyfiyyətinə görə dəyişə bilər. Amma ümumilikdə, turlar hər büdcəyə uyğun təklif olunur. Göygöl səfərləri adətən 1 günlük və ya 2 günlük formatda keçirilir. 1 günlük bazar günü səfərləri 25-35 AZN arası dəyişə bilər. Daha keyfiyyətli xidmətlər və əlavə proqramlarla isə qiymət 40-50 AZN-ə qədər yüksəlir. 2 günlük paketlər, yəni bir gecə qalmalı variantlar isə 70-100 AZN arasında dəyişir. Bu qiymət aralığına əsasən, hər kəs öz büdcəsinə uyğun seçim edə bilər. Yay mövsümündə, bayram günlərində və ya həftəsonu sıxlıq yaşandıqda qiymətlər bir qədər arta bilər. Erkən rezervasiya edənlər və qrup halında səyahət edənlər üçün endirimli tariflər də tətbiq olunur. Qiymət tur operatorunun təklif etdiyi xidmətlərin səviyyəsinə, nəqliyyat vasitəsinin komfort dərəcəsinə və proqramın zənginliyinə görə dəyişə bilər. Göygöl kimi turistik bölgəyə olan maraq, xüsusilə yay aylarında və payız mövsümündə artır. Bu da qiymətə təsir edən digər vacib amillərdən biridir.

Qiymətə daxil olan xidmətlər

Ən çox rast gəlinən paketlərlə tanış ola. Nəqliyyat yol boyu təhlükəsiz və rahat şəkildə səyahət etməyinizi təmin edir. Bələdçi xidməti ərazi və tarix haqqında ətraflı məlumat verən təcrübəli bələdçi ilə səfər daha maraqlı keçir. Foto çəkiliş səfərin xatirəsini əbədiləşdirmək üçün fotoqraf xidmətləri və ya peşəkar çəkilişlər bəzən qiymətə daxil olur. Parka giriş bileti Göygöl Milli Parkına daxil olmaq üçün tələb olunan giriş haqqı paketə daxil edilərək əlavə xərcin qarşısı alınır. Yol boyunca çay fasilələr marşrut üzərində gözəl mənzərəli məkanlarda verilən qısa istirahət fasilələri səfəri daha komfortlu və xoş edir. Bəzi turlar əlavə olaraq səhər yeməyi və ya nahar da təklif edə bilər. Bu isə ümumi qiymətə daxil olduğu zaman daha sərfəli olur. Xüsusi ekskursiyalar və fərdi sifarişlərdə isə bu xidmətlər daha geniş və fərqli şəkildə təqdim oluna bilər. Proqamlarda musiqili əyləncə və oyunlar da təşkil olunur. Bu da iştirakçıların turdan daha çox zövq almasını təmin edir.

Qiymət fərqlərinin səbəbləri

Tura daxil olan xidmətlərin miqdarı bəzi proqramlarda yalnız nəqliyyat və giriş bileti daxil olduğu halda, digərlərində yemək, foto çəkiliş, əlavə ekskursiyalar kimi əlavə xidmətlər də qiymətə daxil edilir. 1 günlük səfərlər daha sərfəli qiymətlərlə təklif olunur. Lakin 2 günlük və gecələməli variantlar əlavə xidmətlər və otel xərcləri səbəbilə daha yüksək qiymətə başa gəlir. Əgər gecələmə nəzərdə tutulubsa, bu zaman otel və ya qonaq evinin qiyməti, səhər yeməyi kimi əlavə xərclər qiymətə təsir göstərir. Müxtəlif şirkətlər xidmət keyfiyyətinə, təcrübəyə və mövsümə görə fərqli qiymətlər təqdim edə bilər. Bəzi şirkətlər daha ucuz qiymət təklif etsə də, xidmət keyfiyyəti aşağı ola bilər. Bu səbəbdən seçim edərkən təkcə qiymətə deyil, göstərilən xidmətlərin detallı izahına da diqqət yetirmək vacibdir.Yay və yaz aylarında daha çox tələb olduğuna görə qiymətlər nisbətən yüksəlir. Lakin payız və qış mövsümündə endirimli kampaniyalar olur. Həftəiçi səfərlər həftəsonu turlarına nisbətən daha ucuz başa gələ bilər. Bu səbəbdən qiymət fərqlərini daha dəqiq anlamaq üçün şirkətlər ilə birbaşa əlaqə saxlamaq və paket detalları ilə tanış olmaq tövsiyə olunur.

Göygöl turuna hansı mövsümdə getmək olar?

Göygöl hər fəslin öz rəngini daşıdığı, dörd mövsümün hər birində fərqli gözəlliklər təqdim edən unikal təbiət incilərindəndir. Seçim isə tamamilə sizindir. Çünki Göygöl il boyu fərqli duyğular və mənzərələr vəd edir. Hər fəslin özünəməxsus ab-havası bu gözəl məkana xüsusi ruh qatır. Həftəsonu səyahəti, ailəvi istirahət və ya fotoqrafiya üçün il ərzində müxtəlif vaxtlarda getmək mümkündür. Vacib olan odur ki, səfər etməzdən əvvəl hava şəraiti, yol vəziyyəti və parkın ziyarət qaydaları ilə tanış olasınız.

Yaz və yay aylarında Göygöl

Təbiətin oyanışı ilə yaz aylarında Göygölə getmək sadəcə zövq deyil, ruh üçün bir dincəlmədir. Aprel və may aylarında dağ çiçəkləri, oyanan yaşıl meşələr və ilıq hava insanı sanki təbiət qoynunda yenidən doğulmuş kimi hiss etdirir. Yayda isə Göygöl əsl sərinlik mənbəyidir. İyul və avqust aylarında havanın istisindən bezənlər üçün dağ havası və təmiz su ilə əhatə olunmuş bu təbiət guşəsi istirahət mərkəzinə çevrilir. Sərin meşələrdə gəzinti, göl kənarında foto sessiyalar və ailəvi pikniklər bu mövsümdə xüsusilə populyardır. Yay aylarında həm də turların sayı artır. Lakin buna paralel olaraq parkda qələbəlik də olur. Ona görə sakitlik axtaranlar yazın sonu və ya yayın əvvəllərini seçsələr, daha rahat təcrübə yaşaya bilərlər.

Payızın rəngarəngliyi

Əgər təbiətin rəngini sevirsinizsə, Göygölün payız mənzərəsi sizi valeh edəcək. Sentyabrın sonlarından noyabrın əvvəlinə qədər bölgə sarı, narıncı, qırmızı və yaşıl rənglərin möhtəşəm vəhdətinə bürünür. Bu mövsüm fotoqraflar, rəssamlar və təbiətsevərlər üçün əvəzolunmaz zamandır. Yarpaqların sakitcə yerə düşməsi, havadakı yüngül rütubət və dağların fonunda bənzərsiz bir mənzərə formalaşdırır. Bu dövr həm də hava baxımından nə çox isti, nə də çox soyuq olduğu üçün gəzintilər üçün optimal şərait yaradır. Göygölə romantik səfər planlaşdıranlar və ya sadəcə təbiətə yaxın olmaq istəyənlər üçün payız əla seçimdir.

Qışda Göygölün sehrli görüntüsü

Qar yağanda isə Göygöl tamam başqa bir aləmə çevrilir. Donmuş göl, ağ örpəyə bürünmüş ağaclar və səssiz təbiət mənzərəsi buranı əsl qış nağılına çevirir. Dekabr-fevral aylarında, xüsusilə qar yağdıqdan sonra Göygölü ziyarət etmək istəyənlər unudulmaz mənzərələrlə qarşılaşacaqlar. Bu dövrdə park daha sakit və ziyarətçi azlığı ilə seçildiyindən təbiətlə baş-başa qalmaq və dincəlmək istəyənlər üçün əladır. Qışda yolların bəzən buzlu və sürüşkən olması nəzərə alınaraq daha təhlükəsiz nəqliyyat vasitəsi və isti geyim seçimi vacibdir. Bəzi səyahətlər bu dövrdə xüsusi "qış fotosessiyası" paketləri də təklif edir. Bu da səyahəti daha maraqlı və fərqli edir.