Gürcüstan

Gürcüstan hər addımında sizi fərqli bir mühit, fərqli bir memarlıq, təbiət və həyat tərzi ilə qarşılayır. Bura həm tarixin nəfəsi gələn şəhərlər, həm də füsunkar təbiət mənzərələri ilə zəngin bir ölkədir. Gürcüstan Azərbaycanın qərb sərhədində yerləşən, həm coğrafi, həm də mədəni baxımdan bizə yaxın olan bir ölkədir. Lakin bu yaxınlıq heç də sadəlik və adilik demək deyil.
Paytaxt Tbilisi şəhəri tarixi abidələri, köhnə küçələri və müasir memarlıq nümunələri ilə turistlərin diqqətini çəkir. Narikala Qalası, Metexi kilsəsi, Sulfur hamamları, Rike Parkı və Şüşə Körpü şəhərin simvolik məkanları sayılır. Tbilisinin küçələrində gəzərkən qədim ilə yeninin vəhdətini hiss etmək mümkündür.
Müasir göydələnlər, Batumi Bulvarı, Ali və Nino heykəli, Avropa Meydanı, botanika bağı və çimərliklər bu şəhəri daha da cazibədar edir. Batumi həm gənclər, həm də ailələr üçün uyğun seçimdir. Gürcüstanın başqa bir maraqlı regionu Kaxetiyadır. Bu bölgə şərabçılığın və bağçılığın beşiyidir.
Bütün bu imkanlar və istiqamətlər bir daha göstərir ki, Gürcüstan kiçik olmasına baxmayaraq, böyük və rəngarəng bir səyahət təcrübəsi təklif edir. Həm rahatlıq, həm təhlükəsizlik, həm də zəngin məzmun baxımından bu ölkə istirahət üçün mükəmməldir. TURLAR.AZ saytında təqdim olunan paketlər vasitəsilə bu səyahəti daha rahat və sərfəli şəkildə planlamaq mümkündür. Gəlin bu ölkəni detallı şəkildə araşdıraq.

Gürcüstanın görməli yerləri

Gürcüstan, zəngin tarixi, təbii gözəllikləri və qonaqpərvər insanları ilə Cənubi Qafqazın ən çox ziyarət edilən ölkələrindən biridir. Bu ölkə həm mədəniyyət və tarix sevərləri, həm də təbiət və dəniz istirahəti arzulayanlar üçün müxtəlif marşrutlar təqdim edir. Gürcüstanın fərqli bölgələri turistlərə unikal təcrübələr və fərqli səfər mövzuları vəd edir.

Tbilisi

Gürcüstanın paytaxtı Tbilisi, tarixi və müasir elementlərin bir araya gəldiyi şəhərdir. Qədim küçələri, qala divarları, müasir memarlığı və müxtəlif mədəniyyətlərin izləri bu şəhəri səyahətçilər üçün unikal edir. Tbilisinin mərkəzində yerləşən tarixi məkanlar və ətraf əyləncə zonaları şəhəri həm maarifləndirici, həm də istirahət üçün əlverişli edir.

Narikala Qalası və Köhnə Şəhər

Tbilisidə gəzməyə Köhnə Şəhərdən başlamaq məsləhətdir. Tarixi küçələr, kərpicdən tikilmiş binalar və Narikala Qalası şəhərin ruhunu əks etdirir. Narikala Qalası şəhərin ən yüksək nöqtələrindən birində yerləşir. Buradan Tbilisinin panoramik mənzərəsinə baxmaq unudulmazdır. Köhnə Şəhərin dar küçələri, kiçik kafe və sənətkar dükanları ilə doludur. Burada qədim hamamlar, məscid, sinaqoq və kilsələrin bir arada mövcudluğu şəhərin çoxkulturov elementlərini vurğulayır. Axşam saatlarında burada gəzmək və yerli restoranlarda gürcü mətbəxinin dadına baxmaq əsl səyahət zövqüdür.

Rike Parkı və Şüşə Körpü

Rike Parkı və onu Köhnə Şəhərlə birləşdirən Şüşə Körpü həm romantik, həm də fotoqraflar üçün ideal məkandır. Şüşədən tikilmiş "Sülh Körpüsü" adlanan bu müasir memarlıq nümunəsi şəhərin tarixi fonunda fərqli atmosfer yaradır. Parkın içində gəzişmək, çay kənarında dincəlmək və Tbilisidə gəmi gəzintisinə çıxmaq bu ərazidəki əsas fəaliyyətlərdəndir. Körpü axşam saatlarında işıqlandırıldıqda daha da gözəl görünür. Cütlüklər üçün romantik bir səyahət təcrübəsi təqdim edir.

Batumi

Batumi, Gürcüstanın dənizkənarı şəhəri olaraq yay aylarında ən çox ziyarət olunan turizm mərkəzidir. Müasir şəhər planlaması, uzun bulvarı, dəniz mənzərəli otelləri və əyləncə infrastrukturu ilə həm ailələr, həm də gənclər üçün istirahət məkanına çevrilmişdir. Şəhərin inkişaf etmiş turizm strukturu Batumini Gürcüstanın əsas iqtisadi və turistik mərkəzinə çevirib.

Bulvarlar, çimərliklər və əyləncə mərkəzləri

Batumidə yay aylarında dəniz istirahəti üçün mükəmməl imkanlar mövcuddur. Uzun bulvarlar, təmiz çimərliklər və müasir əyləncə mərkəzləri şəhəri fərqləndirir. Batumi Bulvarı dənizkənarı gəzinti üçün ideal şərait yaradır. Burada velosiped yolları, restoranlar, fəvvarələr və istirahət zonaları yerləşir. Yay aylarında şəhərdə konsertlər, festivallar və açıq hava tədbirləri də keçirilir. Çimərliklər çınqıllı və təmizdir, su idmanı həvəskarları üçün isə müxtəlif fəaliyyətlər, skuterlər, paraşütlə uçuş və s. təşkil olunur.

Avropa Meydanı və Əli-Nino heykəli

Əli- Nino heykəli Batuminin simvolu hesab olunur. Hərəkətli heykəlin romantik hekayəsi səyahətinizə emosional rəng qatacaq. Heykəl hər 10 dəqiqədən bir iki aşiqin bir-birinə qovuşmasını və ayrılmasını təsvir edən rəmzi hərəkət edir. Bu heykəl, sevgi və fərqli mədəniyyətlər arasında körpü qurmaq mövzusunu əks etdirir. Avropa Meydanı isə şəhərin tarixi ilə müasirliyinin birləşdiyi yerdir. Ətrafında klassik Avropa memarlığı üslubunda binalar, açıq hava kafeləri və sənət sərgiləri yerləşir. Batumidə həm romantika, həm də şəhər həyatının dinamikası bir arada yaşanır.

Kaxetiya

Gürcüstanın şərqində yerləşən Kaxetiya bölgəsi ölkənin ən məhsuldar və mədəniyyət baxımından zəngin regionlarından biridir. Bu bölgə xüsusilə şərab istehsalı ilə məşhurdur və dünya üzrə ən qədim şərabçılıq mədəniyyətlərindən birinə sahibdir. Şərab həvəskarları üçün Kaxetiya əsl cənnətdir. Telavi və Sighnaghi kimi şəhərlər həm tarixi ilə, həm də üzüm bağları ilə məşhurdur. Telavi bölgəsi qədim qalaları, tarixi kilsələri və yerli bazarları ilə mədəni baxımdan zəngindir. Sighnaghi isə "Sevgi şəhəri" olaraq tanınır. Burada həm romantik ab-hava, həm də yüksək dağ mənzərələri mövcuddur. Şəhərin dar küçələri və qala divarları keçmişi bu günə daşıyır. Kaxetiyada yerləşən şərab zavodlarında turistlər üçün xüsusi dadım proqramları, kulinariya master-klassları və yerli məhsulların təqdimatı keçirilir. Bu region həm təbiəti, həm insanları, həm də daddırdığı dadlar baxımından qonaqların yaddaşında iz buraxır.

Gürcüstanın turlarının qiyməti

Gürcüstana səyahət etməyi planlayan turistlər üçün müxtəlif qiymət kateqoriyalarında təqdim olunan paketlər mövcuddur. Qiymət aralığı əsasən tur paketinin müddətinə, xidmət səviyyəsinə, otel növünə və daxil olan fəaliyyətlərə əsaslanaraq formalaşır. TURLAR.AZ saytında təqdim olunan səfərlər həm büdcəyə uyğun, həm də lüks seçimlər təklif edir.

Ekonom paketlər

Əgər sərfəli qiymətlərlə Gürcüstana getmək istəyirsinizsə, ekonom seçimlər əla seçimdir. Bu paketlər adətən daha sadə otellərdə gecələmə və əsas ekskursiyaları əhatə edir. Ekonom paketlərdə yerləşmə əsasən 2 və ya 3 ulduzlu otellərdə olur. Səhər yeməyi təqdim olunur və rəhbərlə qısa marşrut üzrə əsas tarixi və mədəni məkanlara ekskursiyalar planlaşdırılır. Bu turlar tələbələr, gənclər, büdcə dostu səyahət axtaranlar üçün variantdır. Nəqliyyat əsasən avtobus və ya mikroavtobuslarla təmin edilir. Paketlərə hava limanı–otel transferi, bəzi hallarda giriş biletləri və rəhbər xidməti də daxil ola bilər. Sadəlik və iqtisadi sərfəlilik bu tur növünün əsas üstünlüyüdür. Bupaketlər həm paytaxt Tbilisi, həm də Batumi və Kaxetiya kimi bölgələrə yönəlmiş qısa müddətli səfərlərlə təqdim olunur.

Standart və VIP seçimlər

Standart paketlərdə isə daha keyfiyyətli otellər və əlavə xidmətlər təqdim olunur. Bu kateqoriyada olan seçoimlər 3 və ya 4 ulduzlu otellərdə yerləşmə, gündəlik səhər yeməyi ilə yanaşı, bəzən nahar və şam yeməyini də əhatə edir. Mədəni-tarixi yerlərlə yanaşı təbiət marşrutları, muzeylər və şərab zavodlarına ekskursiyalar da bu paketin tərkibinə daxil ola bilər. Nəqliyyat xidmətləri komfortlu nəqliyyat vasitələri ilə həyata keçirilir. Rəhbər səfər boyunca turistləri məlumatlandırır. Standart paketlər həm ailələr, həm də orta səviyyəli komfort axtaran cütlüklər üçün uyğun seçimdir.
VIP paketlər isə tam komfort, şəxsi nəqliyyat və fərdi bələdçi ilə həyata keçirilir. Bu paketlərə 4 və 5 ulduzlu otellərdə gecələmə, şəxsi sürücülü avtomobil, fərdi rəhbər və zəngin ekskursiya proqramı daxildir. VIP paketlər eyni zamanda istəyə uyğun olaraq fərdi marşrut tərtibi, xüsusi tədbirlərdə iştirak, lüks restoranlarda masa sifarişi və əlavə xidmətlərlə təchiz olunur. Bu növ daha çox xüsusi günlər, yubiley, bal ayı və ya işgüzar səfərlər üçün seçilir. VIP səyyahlar üçün rahatlıq, vaxt qənaəti və fərdiləşdirilmiş xidmət ön plandadır.

Gürcüstanda dadına baxmalı olduğunuz yeməklər

Gürcüstanı ziyarət edərkən təkcə təbiəti, memarlığı və tarixi ilə deyil, zəngin və rəngarəng mətbəxi ilə də tanış olmalısınız. Gürcü mətbəxi Qafqaz regionunun ən qədim və ən dadlı kulinariya ənənələrindən birinə malikdir. Ət, pendir, tərəvəz və ədviyyatların harmonik şəkildə birləşməsi bu mətbəxi həm qidalı, həm də ləzzətli edir. Gürcü yeməkləri yerli məhsullardan hazırlanır və hər bölgənin öz dad və bişirmə üsulu var. Gürcüstanda yemək təkcə qidalanmaq vasitəsi deyil, həm də sosiallaşma, birlik və qonaqpərvərlik rəmzidir.

Xinkali, Xaçapuri və digər ləzzətlər

Gürcü mətbəxi dünyanın ən dadlı mətbəxlərindən sayılır. Xinkali və ya ət dolması, xaçapuri, lobiani və badricani kimi yeməklər sizi heyran edəcək. Xinkali Gürcüstanın demək olar ki, hər bölgəsində yeyilir, amma xüsusilə dağlıq ərazilərdə, Mtsxeta və Kazbegi tərəflərdə daha orijinal hazırlanır. Xinkali dadlı ət, ədviyyat və bulyonla dolu olduğu üçün yemək zamanı ehtiyatla və qaydasına uyğun şəkildə yeyilir. Əvvəl bulyonu içmək, sonra isə xəmir və içliyi dadmaq adətdir.Xaçapuri isə Gürcü mətbəxinin simvoludur. Onun müxtəlif növləri var. Adjaruli xaçapuri , Imeruli xaçapuri, Megruli xaçapuri. Bu yemək həm səhər, həm də günorta və axşam yeməkləri üçün uyğundur və istənilən restoran və kafedə sifariş edilə bilər. Lobiani lobya ilə doldurulmuş xəmir yeməyidir. Vegeterianlar üçün də əla seçimdir və xüsusilə bayram günlərində geniş yayılmışdır.
Badricani qoz dolması ilə bükülmüş badımcan dilimləridir. Həm iştahaaçan kimi, həm də əsas yeməklərlə birlikdə təqdim olunur. Bu yemək Gürcü kulinariya incəliyinin və ədviyyat balansının əla nümunəsidir. Gürcü süfrəsi salatlarla, turşularla, xüsusi souslarla və təbii meyvə şirələri ilə zənginləşdirilir. Yeməklər adətən iri porsiyalarla təqdim olunur və qonaqlar arasında bölüşdürülür. Ən əsası isə, bu yeməkləri yerli restoranlarda dadmaq lazımdır. Çünki burada yeməklər həm ənənəvi reseptlərlə, həm də yerli məhsullarla hazırlanır. Bəzi turlar zamanı turistlər üçün yerli mətbəx master-klassları da təşkil olunur. Bu da mətbəxi daha dərindən tanımaq üçün maraqlı təcrübə yaradır.