Ucuz Turlar

Ucuz Turlar

Ucuz turlar tapmaq üçün Turlar.az saytından istifadə edin. Avropanı görməyi hər kəs arzulayır. Ancaq maddi imkana görə, heç də hamı görmək istədiyi ölkəyə gedə bilmir. Bu zaman turistlərin köməyi ucuz turlar çatır. Avropanın ikinci dərəcəli turistik ölkələrində də yaxşı istirahət etmək mümkündür.
XORVATİYA: Bu kiçik ölkə Adriatik sahilində yerləşir. Ancaq kiçik ölçüsünə baxmayaraq, gözəllikləri ilə boldur: mənzərəli Alp dağları, qədim qala, təbii turistik və termal bulaqlar, eləcə də gözəl çimərliklər. Mərkəzi və Cənubi Dalmachiyanın sahil hissəsi çox gözəldir! Dinar dağlarının yüzlərlə kilometr sahilboyu uzanan gözəl meşələrinin sayəsində burada istirahət unudulmaz olacaq. Dalmachiya bölkəsində Split kurortuna tur paket istirahətiniz üçün gözəl seçimdir. Əyləncə sevənlər üçün hər yay "Yacht Party" keçirilir.
MONTENEQRO: İyunun əvvəlindən səyahət edə biləcəyiniz gözəl iqlimli ölkə. Havanın orta temperaturu +30 dərəcə, çimərliklərdə suyun orta temperaturu +20 dərəcə olur. İyul və avqust ən isti aylardır. Bura Avropa ölkəsi olmasına baxmayaraq, Monteneqro turları üçün viza tələb olunmur. Budva şəhəri Avropada son illər çox populyarlaşıb, Mayami sahillərinə bənzədilir. Burada istirahət digər Avropa ölkələri ilə müqayisədə ucuz başa gəlir.
UKRAYNA: Bu ölkə azərbaycanlı turistlərin ən çox sevdiyi ölkələrin sırasındadır. Opera və teatrın məkanı sayılan Ukraynanın paytaxtı Kiyev hər zaman Avropanın tətil üçün ən ucuz şəhərlərindən hesab edilir. Eyni zamanda gecə həyatı ilə məşhur olan Kiyevdə az büdcə ilə gecə-gündüz mükəmməl dincələ bilərsiniz. Macəra dolu istirahət etmək istəyirsinizsə, tətilinizi Lvov şəhərində keçirə bilərsiniz. Burada hotellər daha ucuzdur. Eyni sözləri kirayə evlərə də aid etmək olar. Avropa turuna Lvovdan başlaya bilərsiniz.
DİGƏR YERLƏR: Makedoniyanın paytaxtı Skopyedə hotellərin qiyməti cibinizə uyğundur. Bu şəhər son illər ən populyar turizm məkanlarına alternativ göstərilir. Bolqarıstanın paytaxtı və ən böyük şəhəri Sofiyanın küçələrində eyni zamanda tarixə, keçmişə səfər edəcəksiniz. Macarıstanın paytaxtı Budapeştdə çayın sahilində gəzmək tətilinizi daha yaddaqalan edəcək. Rumıniyanın paytaxtı Buxarest şəhəri də istirahət üçün əlverişli məkanlardandır. Şəhərin tarixi küçələri sizə valeh edəcək. Bu şəhərdə də istirahət büdcənizə uyğundur. Köhnə qitənin ən ucuz və əyləncəli şəhərlərindən biri də Serbiyanın paytaxtı Belqraddır.