Kəpəz dağı turu

Kateqoriya Daxili Turlar
Gəncə

Qiymət 145 Azn

Kəpəz dağı Kiçik Qafqazda Göygöl rayonu ərazisində, Ağsu çayının mənbəyində yerləşir. Yüksəkliyi 3066 m-dir. Cənub yamacı nisbətən meyilli, şimal yamacı dik və uçurumludur. Kəpəz dağı Göygöl rayonu ərazisində, Murovdağ silsiləsinin şimal yamacındadır. 1139-cu il sentyabrın 30-da baş vermiş zəlzələ nəticəsində bu dağdan böyük qaya parçaları qoparaq Ağsu çayının dərəsinə tökülmüş və çayın qabağını kəsmişdir. Nəticədə çayın yatağında Göygöl, Maralgöl və b. göllər əmələ gəlmişdir.
Fəaliyyət növü: Zirvə dırmanışı
Mövsüm: May-sentyabr
Zirvə yüksəkliyi: 3066 m
Düşərgə yüksəkliyi:1500 m, 2000 m
Toğana - düşərgə yolu: 30 km (2 saat)
İkinci düşərgə - Kəpəz zirvə yolu: 3 km (3-4 saat)
Turun proqramı
Gün 1. Bakı şəhərindən Göygöl rayonunun Toğanalı kəndinə doğru yola düşürük (5 saat). Çadırlarımızı Göygöl Milli Parkı ərazisində qururuq. Nahar yeməyindən sonra Göygölə piyada yüksəkliyə uyğunlaşma yürüşü edirik. Göygölü gəzdikdən sonra düşərgəyə geri dönürük. Axşam yeməyindən sonra zirvə hazırlıqlarını tamamlayıb yatırıq.
Gün 2. Səhər saat 05:00-da 4x4 maşınlara minib Kəpəz dağının ətəyində yerləşən Xan bulağına yola düşürük. Maşınlarla yolumuz 2 saat davam edəcəkdir. Kəpəz dağına dırmanışa başlayırıq. Zirvə yolumuz 3-4 saatdır. Zirvəyə çatdıqdan sonra ətrafımızda Göygöl Milli Parkında yerləşən göllərə, Göygöl rayonu kəndləri və Kiçik Qafqazın ən yüksək zirvələrinə gözəl mənzərə açılacaqdır. Zirvə şəkillərini çəkdirdikdən sonra düşərgəyə doğru eniş edirik. Eniş 2 saat davam edəcəkdir. Endikdən sonra maşınlarla düşərgəyə doğru yola düşürük. Dincəldikdən sonra çadırlarımızı toplayıb Bakıya doğru istiqamət alırıq.
Turun qiyməti:
16 nəfərlik grupda 1 nəfərin qiyməti 145 manatdır.
Son qeydiyyat tarixi 1 may 2022-ci ildir.
Turun qiymətinə daxildir:
• Nəqliyyat (Bakı-Göygöl-Toğana kəndi -Bakı (vita, sprinter avtobusu)
• Toğana kəndi –Düşərgə -Toğana kəndi (4x4 dağ maşınları uaz,niva)
• Dağ bələdçisi (7 nəfərə 1 bələdçi)
• Göygöl Milli parka giriş üçün icazə
•FHN icazə