Misir

Misir bir tərəfdə tarixin əbədi simvolu olan piramidalar, digər tərəfdə isə günəşli çimərliklər, sükut içində axan Nil çayı və Şərqin atmosferini özündə əks etdirir. Bir çox insan üçün Misir sadəcə tarix deyil. Romantika, macəra və rahatlığın qovuşduğu bir məkandır. Burada hər addımda qədim dövrlərin nəfəsi duyulur. Piramidaların kölgəsində dayandığınız zaman, özünüzü min illik sirlər içində hiss edirsiniz.
Misir dedikdə ağıla gələn ilk şey, əlbəttə ki, fironlar dövrünə aid piramidalar və mumiyalardır. Lakin bu ölkə yalnız tarixlə kifayətlənmir. Burada İslam memarlığının şah əsərləri, qədim məbədlər, bazarların rəngarəngliyi və Nil çayının əzəməti göz önünə çıxır. Misir subtropik iqlim qurşağında yerləşir. Ən çox tövsiyə olunan səyahət dövrləri payız və yaz aylarıdır. Oktyabr-aprel aralığında hava sərin və əlverişlidir. Yayda isə isti hava dəniz turizmini sevənlər üçün fürsətlər yaradır.
Səyyahların illərlə xəyallarını bəzəyən bu ölkə TURLAR.AZ saytında sizə inanılmaz fürsətlərlə təqdim olunur. Gəlin birlikdə bu qədim və sirli diyarın səyahət imkanlarını dərindən araşdıraq.

Misir turlarının növləri

Misir səfərləri fərqli maraqlara, istəklərə və səyahət tərzinə uyğun şəkildə hazırlanır. Tarixə düşkün olanlardan tutmuş təbiət həvəskarlarına, istirahət etmək istəyənlərdən macəra axtaranlara qədər hər kəs üçün variantlar mövcuddur. Qədim mədəniyyətləri araşdırmaq istəyənlər üçün arxeoloji və tarixi abidələrə yönəlik ekskursiyalar təşkil edilir. İstirahət və lüks sevənlər üçün isə Qırmızı dəniz sahilində yerləşən kurort şəhərlərində hər şey daxil sistemli otellərdə yerləşməklə rahatlıq dolu günlər planlaşdırılır. Mədəniyyət, tarix, macəra və istirahət bir araya gətirilərək səyahətçilərə zəngin və yaddaqalan bir Misir təcrübəsi təqdim olunur. Səyahətinizi daha mənalı etmək üçün bəzi paketləri həm Qahirəni, həm də kurort bölgələrini əhatə edir. Bununla siz həm piramidaların sehrini hiss edə, həm də dəniz kənarında istirahətin dadını çıxara bilərsiniz.

Qahirə

Qahirə Misirin paytaxtı və eyni zamanda onun tarixi və mədəni mərkəzidir. Qahirəyə səfər edənləri dünyanın ən zəngin muzeylərindən biri olan Misir Muzeyi qarşılayır. Bu muzeydə fironlara məxsus qızıl əşyalar, mumiyalar və qədim artefaktlar sərgilənir. Qahirə həm də İslam dünyasının ən mühüm memarlıq nümunələrinə ev sahibliyi edir. Əl-Əzhər məscidi, Səlahəddin qalası və məhəllələrdəki tarixi bazarlar şəhərin zəngin keçmişindən xəbər verir. Təbii ki, Qahirəyə gələn hər bir turistin ilk hədəfi Gizə piramidaları olur. Dünyanın yeddi möcüzəsindən biri olan Böyük Piramida, Sfinks və ətrafdakı piramida kompleksi hər il milyonlarla insanın maraq dairəsindədir. Qahirə həm də müasir həyatla qədimliyi vəhdətdə təqdim edən şəhərdir. Burada həm tarixi abidələri gəzə, həm də yerli mətbəxin ləzzətlərindən dadaraq şəhərin canlı atmosferini yaşaya bilərsiniz.

Luksor və Əsuan

Luksor və Əsuan şəhərləri Misirin cənubunda, Nil çayının hər iki sahilində yerləşir. Qədim Misirin şah əsərlərini əhatə edir. Luksor qədim Tebə şəhərinin yerində qurulmuşdur. Bu ərazi Misirin ən görkəmli arxeoloji mərkəzlərindən biri sayılır. Burada yerləşən Karnak məbədi Misir memarlığının möhtəşəm nümunələrindəndir. Min illərlə əvvəl inşa olunmuş bu kompleksin əzəmətli sütunları və heykəlləri ziyarətçiləri heyran qoyur. Krallar Vadisi isə fironların məzarlarının yerləşdiyi unikal bir yerdir. Tutanhamunun məzarı burada tapılmış və bütün dünyada məşhurluq qazanmışdır. Əsuan isə daha sakit və təbiətə yaxın bir şəhərdir. Burada Nil çayı boyunca kruiz turları xüsusi maraq doğurur. Kruizlər zamanı turistlər həm Luksoru, həm Əsuanı, həm də yolüstü bir çox tarixi məkanı görmək imkanı əldə edirlər. Əsuanın yaxınlığındakı Abu Simbel məbədi, Qədim Misir sənətinin zirvəsi hesab olunu. Turistlərin sevimli məkanlarından biridir.

Şarm Əl-Şeyx və Hurqada

Əgər sizin əsas məqsədiniz dincəlmək, günəş vannası qəbul etmək və təbiətin gözəlliyindən zövq almaqdırsa, o zaman Şarm Əl-Şeyx və Hurqada paketləri sizin üçün əla olacaq. Hər iki şəhər Misirin ən məşhur kurort zonalarıdır və Qırmızı dəniz sahilində yerləşirlər. Buradakı çimərliklər təmizliyi və komfortu ilə seçilir. 5 ulduzlu otellər isə dünya səviyyəsində xidmət təqdim edir. Şarm Əl-Şeyx xüsusilə sualtı dalğıc və snorkeling sevənlər üçün əsl cənnətdir. Rəngarəng mərcan qayalıqları və dəniz canlıları ilə zəngin olan bu ərazilərdə təlimatçılarla birlikdə təhlükəsiz şəkildə dənizin dərinliklərini kəşf etmək mümkündür. Hurqada isə ailəvi istirahət üçün daha uyğundur. Burada su parkları, ailəvi əyləncə mərkəzləri və ticarət mərkəzləri turistlərə xidmət göstərir. Hər iki kurortda səhraya təşkil olunan safari turları, dəvələrlə gəzintilər və bədəvi kəndlərinə edilən ekskursiyalar bu ərazilərin fərqli tərəflərini nümayiş etdirir. Axşam saatlarında isə restoranlar, canlı musiqi proqramları və əyləncə klubları ilə dolu gecə həyatı turistlərə əyləncəli anlar yaşadır. Misirdə günəş, dəniz və istirahət sözünü eşidən hər kəsin ağlına ilk gələn bu iki kurort olur.

Misirə səyahət qiymətləri

Misirə səyahət etmək istəyənlər üçün TURLAR.AZ saytı geniş çeşidli paketləri və uyğun qiymət seçimləri təqdim edir. Saytda təqdim olunan Misir turları fərqli büdcələrə, maraqlara və səyahət tərzlərinə uyğun şəkildə planlaşdırılıb. İstər tarixi abidələri ziyarət etmək, istər dəniz kənarında istirahət etmək, istərsə də hər iki təcrübəni bir araya gətirmək istəyənlər üçün uyğun təkliflər mövcuddur. Sayt üzərindən paketləri müqayisə etmək, ətraflı məlumat almaq və rezervasiya etmək mümkündür.

Qiymətləri hansı amillər müəyyən edir?

Misir turlarının qiyməti bir sıra faktorlardan asılı olaraq dəyişir. Bu amillər arasında ən başlıcaları otelin kateqoriyası, səfərin mövsümü, paketin daxil etdiyi xidmətlər və uçuş biletinin daxil olub-olmamasıdır. Məsələn, 5 ulduzlu otellərdə yerləşmə, gündəlik ekskursiyalar və tam pensiya qidalanma daxil olan paketlər daha yüksək qiymətlə təklif olunur. Əgər yalnız otel və transfer daxil olan sadə paket seçilərsə, qiymət bir qədər aşağı olur. Bayram və yüksək turizm mövsümü dövrlərində, yay və qış tətillərində qiymətlər adətən artır. Ən münasib qiymətlərə isə yaz və payız aylarında rast gəlmək mümkündür. Çünki bu dövrlər həm hava şəraitinin olması, həm də turist sıxlığının az olması ilə fərqlənir. Bəzi paketləri yalnız bir şəhəri , Qahirəni əhatə etdiyi halda, digərləri Şarm Əl-Şeyx, Hurqada, Luksor və Əsuan kimi bir neçə bölgəni əhatə edir. Bu da qiymət fərqinə səbəb olur. Sonda qiymətə daxil olan xidmətlərə, viza dəstəyi, bələdçi xidməti, sığorta və ekskursiyalara da xüsusi diqqət yetirilməlidir.

Endirimli turlar və erkən rezervasiya üstünlükləri

Sayt Misirə səyahət planlaşdıranlar üçün mütəmadi olaraq endirimli kampaniyalar elan edir. Xüsusilə mövsümə uyğun olaraq təklif olunan kampaniyalar vasitəsilə eyni səviyyəli xidmətləri daha münasib qiymətə əldə etmək mümkündür. Ən böyük üstünlüklərdən biri erkən rezervasiya fürsətidir. Səfər tarixindən xeyli əvvəl rezervasiya etdikdə qiymətlər həm aşağı olur, həm də istədiyiniz otel və uçuş variantlarını seçmək imkanı genişlənir. Erkən bron edənlər üçün bəzən pulsuz transfer, əlavə ekskursiya və ya otel otağında yüksəldilmiş kateqoriya təklif olunur. Sayt üzərindən son dəqiqə turlarına da rast gəlmək olur. Bunlar adətən planlaşdırılmış paketlərindən kimsə imtina etdikdə və ya yer tam dolmadıqda təqdim edilir və qiymət baxımından daha sərfəlidir. Ancaq bu cür səfərlər zamanı otel və uçuş seçimləri məhdud ola bilər. Komandamız müxtəlif operatorlar ilə əməkdaşlıq etdiyi üçün saytda təqdim olunan Misir turlarının çeşidi və qiymət aralığı genişdir. Hər büdcəyə və istəyə uyğun təkliflər tapmaq mümkündür.

Misirdə mütləq görməli olduğunuz yerlər

Bu ölkə insanı qədim sivilizasiyanın izləri ilə qarşılayır və hər addımda tarixin nəfəsini hiss etdirməyi bacarır. Misirin müxtəlif şəhərləri və bölgələri ziyarətçilərə həm mədəni, həm də təbiət baxımından zəngin mənzərələr təqdim edir. Hər zövqə uyğun bir məkan tapmaq mümkündür. İstər qədim fironların məzarları, istər dini məbədlər, istərsə də təbii gözəlliklərlə bir arada olursunuz. Misirdə olan zaman mütləq görməli olduğunuz yerlər həm tarixi əhəmiyyət daşıyır, həm də vizual olaraq insanda heyranlıq doğurur. Bu məkanlar arasında elə abidələr var ki, onların təəssüratı illərlə yaddaşdan silinmir.

Böyük Piramidalar və Giza kompleksi

Dünyanın yeddi möcüzəsindən bu günümüzə qədər salamat gələn yeganə abidə olan Böyük Piramida, yəni Xufu Piramidası, Misir turunun əsas dayanacaq nöqtəsidir. Qahirə şəhərinin yaxınlığında yerləşən Gizə kompleksi təkcə Böyük Piramida ilə deyil, həm də Kefren və Mikerinos piramidaları, eləcə də nəhəng və sirli Sfinks heykəli ilə zəngindir. Bu sahə qədim Misir memarlığının və astronomik biliyinin şah əsəri sayılır. Buradakı piramidaların hər biri fərqli ölçüdə, struktura və tarixi arxa plana malikdir. Qədim zamanlarda kral və fironların əbədi istirahət yeri olaraq tikilən bu möhtəşəm qurğular min illər keçməsinə baxmayaraq, bu gün də ziyarətçiləri valeh edir. Komplekstə gələnlər üçün təşkil olunan bələdçi sayəsində bu abidələrin tikilmə üsulları, məqsədi və tarixçəsi barədə dərin məlumat almaq mümkündür. Gecələr isə işıq və səs şouları vasitəsilə bu əraziyə tam fərqli və mistik bir ruh gəlir.

Karnak məbədi və Luksor abidələri

Nil çayının şərq sahilində yerləşən Luksor şəhəri Misirin qədim baş şəhərlərindən biri olan Tebənin yerində salınıb və bu şəhərdəki Karnak məbədi dünyanın ən böyük dini komplekslərindən biridir. Məbədin ərazisində bir neçə fironun hökmranlığı dövründə əlavə tikililər və abidələr inşa olunmuşdur. Karnakda yerləşən əzəmətli sütun zalı, müqəddəs göl və müxtəlif hiyeroglif yazılar ziyarətçiləri qədim zamanlara aparır. Bu məkanın içindən keçərkən insan sanki dövrlər arası bir keçidə daxil olur. Luksorda məşhur Luksor məbədi də mövcuddur və burada gecə işıqlandırması altında gəzinti etmək xüsusi zövq verir. Luksorun qərb sahilində isə Krallar Vadisi yerləşir. Burada fironların qayalıqların içində inşa olunmuş məzarlarını görmək mümkündür. Tutanhamon, Ramzes və digər məşhur hökmdarların məzarları bu ərazidə yerləşir. Onların divarlarında çəkilmiş rəsmlər qədim Misirin mifologiyasını əks etdirir. Luksor və Karnak bölgəsi tarix, incəsənət və ruhaniyyətin birləşdiyi unikal məkandır.

Qırmızı dəniz və sualtı dünyası

Əgər Misirdə yalnız tarixi deyil, təbiəti də kəşf etmək istəyirsinizsə, Qırmızı dəniz sahilləri əla seçimdir. Şarm Əl-Şeyx və Hurqada kimi məşhur kurort şəhərləri dünyanın müxtəlif yerlərindən turistləri cəlb edən sualtı ekosistemi ilə tanınır. Bu ərazilərdə dənizin dibi bənzərsiz gözəlliyə malikdir. Rəngbərəng balıqlar, mərcan rifləri, dəniz ulduzları və digər ekzotik canlılar ilə zəngindir. Dalğıc və snorkeling sevənlər üçün bu bölgələr əvəzolunmazdır. Xüsusi təlimçilərlə birlikdə həm yeni başlayanlar, həm də təcrübəli dalğıclar bu mavi möcüzəni daha yaxından müşahidə edə bilərlər. Bu şəhərlərdə sualtı gəmi ilə tur təşkil olunur. Beləliklə, suya girmədən də dəniz aləmini şüşə pəncərələrdən izləmək mümkündür. Kurortlarda yerləşən dənizkənarı otellər, spa və hovuz imkanları ilə istirahət keyfiyyətini daha da artırır. Günəş vannası qəbul etmək, sərinləşdirici içkilər içərək sakitlik tapmaq və axşam saatlarında canlı musiqi ilə əylənmək üçün Şarm Əl-Şeyx və Hurqada mükəmməl məkandır. Buradakı su idman növləri, gəmi gəzintiləri və bədəvi səhrası ilə tanışlıq isə təbiətlə sərgüzəştin birləşdiyi dolğun səyahət təcrübəsi yaradır.