Azərbaycanda turizmlə bağlı təkliflər paketi hökumətə təqdim edilib

Azərbaycanda turizmlə bağlı təkliflər paketi hökumətə təqdim edilib"Bu günlərdə dünya heç də asan günlər yaşamır. COVID-19 virusunun yayılması, demək olar ki, bütün dövlətlərin sərhədlərinin bağlanmasına səbəb oldu, bir çox ölkələrin iqtisadiyyatına zərbə vurdu". 
"Report" xəbər verir ki, bu Dövlət Turizm Agentliyinin (DTA) sədri Fuad Nağıyevin turizm sənayesinin nümayəndələrinə etdiyi müraciətdə deyilir.
Onun sözlərinə görə, böhran nəticəsində dünya turizm sənayesi ən çox zərər görən sahələrdən biri olub: "Belə ki, bütün dünya üzrə hotellər bağlanır, turizm agentlikləri, sahibkarlar iflasa uğrayır, işçilər ixtisara salınır. Təəssüf ki, qlobal turizm sənayesinin bir hissəsi olmaqla Azərbaycanın turizm sahəsi də itkilər vermək məcburiyyətində qalır. Biz ümumi vəziyyətdən xabərdarıq, sənayedən daxil olan, həmçinin sizinlə mütəmadi keçirdiyimiz görüşlər zamanı aldığımız məlumatlara əsasən Azərbaycanda turizm biznesində proseslərin müvəqqəti olaraq dayandırılması və işçilərin ixtisar edilməsi faktarı ilə tanışıq. Əlbəttə, bu, çox ağır və təəssüfləndirici haldır.
Hələ ilin əvvəlində Prezident İlham Əliyev turizm sahəsinin neft-qaz sənayesindən sonra iqtisadiyyatın ikinci gəlirli sahəsi olduğunu vurğulayaraq uğurlarımızı qeyd etmişdi. Biz birgə səylərimiz nəticəsində ildən-ilə Azərbaycana daha çox turistin cəlb olunmasına, ölkədə daxili turizmin inkişafına, infrastrukturun genişlənməsinə və ən əsası yüksək ixtisaslı kadrların hazırlanmasına nail olmuşuq". 
DTA sədrinin sözlərinə görə, hazırkı qlobal böhrandan da, bu çətin vəziyyətdən də məhz birgə səylərimiz nəticəsində çıxmaq olar: "Hər kəsə məlumdur ki, turizm sahəsi cənab Prezident İlham Əliyevin və Birinci Vitse-prezident Mehriban xanım Əliyevanın daim xüsusi diqqət və qayğı göstərdiyi bir sahə olub və olmaqda da davam edir. Biz həmişə hər sahədə bu dəstəyi hiss etmişik və inanırıq ki, yenə hiss edəcəyik.
Tətbiq edilən məhdudlaşdırıcı tədbirlərin təsiri nəticəsində sahibkarlara dəyə biləcək itkilərin minimuma endirilməsi üçün dövlət başçısı tərəfindən hökumət strukturlarına yaxın günlərdə təkliflər paketinin hazırlanması tapşırılıb.
Prezidentin tapşırıqları çərçivəsində Agentlik digər dövlət strukturları ilə birgə Azərbaycanın turizm sənayesinin dəstəklənməsi üzrə təkliflər paketi hazırlayaraq hökumətə təqdim edib.
Hazırda hamımız üçün ən əsas amil bu sahədə fəaliyyət göstərən hər kəsi dəstəkləməkdir. Təbii ki, yüksək ixtisaslı kadrların itkisi bizim sənaye üçün böyük ziyan deməkdir. Biz buna yol verə bilmərik.
Biz - dövlət sektorunun təmsilçiləri və siz - sahibkarlar bu günlərdə vəziyyətin və qəbul edilmiş qərarların məsuliyyətini anlayaraq davranmalı, turizm sənayesinin, ölkənin və vətəndaşların rifahı naminə birlikdə olmalıyıq.
Buna görə də hər birinizi bu və ya digər qərarları qəbul edərkən sosial məsuliyyəti dərk eləyərək addım atmağa səsləyirik. Sevindirici haldır ki, artıq bir sıra sahibkarlar iş yerlərinin saxlanması ilə bağlı bizim tövsiyələri nəzərə almaq barədə qərar qəbul ediblər.
Qeyd etməliyik ki, 21-ci əsrin əvvəllərindən dünya turizm sənayesi artıq bir neçə dəfə qlobal böhranla üzləşib. 2001-ci ilin 11 sentyabr hadisələrindən sonrakı dövrü, 2003-cü ildə SARS epidemiyasını, həmçinin 2009-cu ildə qlobal iqtisadi böhranı buna misal çəkmək olar.
Azərbaycanın turizm sahəsi çox gənc olduğundan biz hələ bu cür böhran vəziyyətlərdən keçməmişik. Ancaq yeni dünya sistemi göstərir ki, hər böhrandan sonra turizm bərpa olunur və daha da sürətlə inkişaf edir. Şübhəsiz, bu dəfə də belə olacaq.
Böhran mütləq surətdə keçəcək. Biz bu böhrandan birgə səylərimiz nəticəsində çıxacağıq. Əlbəttə, biz peşəkar kadrlarımızı qoruyub saxlaya bilsək, bu proses daha effektiv olmaqla daha qısa müddətdə baş verəcək". /report.az

Tarix: 19 mart 2020

Ümumi

İsveçrənin Azərbaycandakı səfirliyi viza verilməsini dayandırdı

İsveçrənin Azərbaycandakı səfirliyi viza verilməsini dayandırdı. Koronavirusun yayılması təhlükəsi səbəbi ilə İsveçrənin Azərbaycandakı səfirliyi Şengen, o cümlədən, İsveçrə üçün milli vizaların verilməsini 15 iyun 2020-c

100 Almaniya vətəndaşı Azərbaycandan ölkələrinə göndərildi

100 Almaniya vətəndaşı Azərbaycandan ölkələrinə göndərildi. Almaniyanın "Lufthansa" aviaşirkəti çarter reysi ilə 100 nəfər Almaniya vətəndaşının Azərbaycandan Hamburq şəhərinə çatdırılmasını təmin edib. Bu barəd

Azərbaycanın hotel və restoranları dövlətdən dəstək istəyir

"Koronavirus infeksiyasının yayılması Azərbaycanın turizm və ictimai iaşə sektorlarına zərbə vurub". Bunu "Report"a açıqlamasında Azərbaycan Hotellər və Restoranlar Assosiasiyasının İdarə Heyətinin sədr

Azərbaycanda kütləvi ixtisarlar: Xüsusi rejim hotelçiliyi də "vurdu" - ÖZƏL

Azərbaycanda kütləvi ixtisarlar: Xüsusi rejim hotelçiliyi də "vurdu" - ÖZƏL. "Bakıda fəaliyyət göstərən hotellərdə çalışan işçilər kütləvi şəkildə ixtisara salınıb. Koronavirusla bağlı yaranmış vəziyyət hotelçiliyə kifayə

157 Azərbaycan vətəndaşı Türkiyədən ölkəyə gətirildi - FOTO

157 Azərbaycan vətəndaşı Türkiyədən ölkəyə gətirildi - FOTO. Azərbaycanın Milli aviadaşıyıcısı hökumətin tapşırığı ilə Türkiyə ərazisindən vətəndaşlarımızın gətirilməsi üçün martın 17-də Bakı-Ankara-Bakı istiqaməti üzrə çarte

Azərbaycan vətəndaşları üçün bu gün axşam Romadan Bakıya birbaşa çarter reysi həyata keçiriləcək - R

Azərbaycan vətəndaşları üçün bu gün axşam Romadan Bakıya birbaşa çarter reysi həyata keçiriləcək - RƏSMİ. İtaliyadakı epidemioloji vəziyyətlə əlaqədar olaraq İtaliyadan Azərbaycana qayıtmaq istəyi ilə səfirliyə müraciət etmi

Azərbaycandan Rusiyanın bu şəhərinə də uçuşlar dayandırılır

Azərbaycandan Rusiyanın bu şəhərinə də uçuşlar dayandırılır. Azərbaycan hökuməti yanında operativ qərargahın təhlükəsizlik tədbirlərinə əsasən, Rusiyanın bəzi şəhərləri ilə hava əlaqəsi dayandırılıb. TASS-ın xəbərinə görə

Azərbaycandan bu ölkələrə uçuşlar dayandırıldı

Azərbaycandan bu ölkələrə uçuşlar dayandırıldı. Ümumdünya Səhiyyə Təşkilatı tərəfindən koronavirus (COVİD-19) infeksiyasının qlobal xarakterli pandemiya elan olunduğunu nəzərə alaraq, COVİD-19 virusunun ölkə ərazisində yayılmasını

Ümumdünya Turizm Təşkilatı bütün tədbirləri təxirə saldı

Mərkəzi ofisi Madrid şəhərində yerləşən BMT-nin Ümumdünya Turizm Təşkilatı (UNWTO) koronavirusun (COVİD 19) yayılması ilə əlaqədar bütün tədbirlərini aprelin sonuna qədər təxirə salıb. "Report" xarici mətbuata istinadə