Bakıda sevgililər üçün gəzməli yerlər
Cütlüklər üçün romantik yerlərə getmək münasibəti dinamik saxlamaq üçün çox önəmlidir. Birlikdə əylənmək üçün vaxt ayırmırsınızsa, bu münasibətinizin sarsılmasına gətirib çıxara bilər. Münasibətiniz rutin və standart vərdişlərdən ibarətdirsə, zamanla aranızda həyəcan azala bilər. Turlar.az saytı Bakıda sevgililər üçün gəzməli yerlər təklif edir.
Kinoteatr
Cütlüklər üçün romantik yerlərdən biri kinoteatrdır. Amma daha fərqli, unikal və romantik kinoteatr axtarırsınızsa, "Drive in cinema"da siz maraqlı təcrübə yaşaya bilərsiniz. "Drive in cinema" kinoseverlərin öz avtomobillərində filmlərə baxa biləcəyi açıq hava kinoteatrının bir növüdür. Bu kinoteatrların adətən böyük, açıq hava sahəsinin qarşısında yerləşən böyük ekranı var və onlar adətən avtomobil radioları vasitəsilə filmin dinlənməsinə imkan verən dinamik sisteminə malikdirlər.
Buz meydançası
Münasibətlərin hansı mərhələsində olmağınızdan asılı olmayaraq, buz konkisi əyləncəli və romantik bir görüşə səbəb olur. Oyun oynamaqdan tutmuş dövrə vurarkən əl-ələ tutmağa qədər bu cür görüşlər mütləq maraqlı xatirələr yaradacaq və əlaqənizi gücləndirəcək, nağıl kimi vaxt keçirəcəksiniz. Burada siz buz konkiləri, diz və dirsək qoruyucuları ilə təmin olunursunuz. Eyni zamanda bu sizin ilk təcrübənizdirsə, təlaşlanmağa dəyməz. Çünki buz meydançasında rahat hərəkət etməyiniz üçün dəstək vasitələrindən istifadə edə bilərsiniz.
Dulusçuluq
Sevdiyiniz insanla birlikdə özünüzə uyğun yeni əşya hazırlamaqdan gözəl nə ola bilər ki? Dulusçuluq sevginizə rəng qatacaq incəsənət növündən biridir. Dulusçuluq ayaqla hərəkətə gətirilən çarxla gilin xüsusi formaya salınması və xüsusi bişirilməsi prosesidir. Siz burada bir-birinizə və münasibətinizə özəl saxsı qablar hazırlaya bilər, daha sonra rəngləyə bilərsiniz. İşin ən özəl tərəfi isə odur ki, hazırladığınız bu saxsı qablar hər zaman sizdə yadigar qalacaq və hər baxdıqca proses zamanı keçirdiyiniz maraqlı və özəl anıları xatırlayacaqsınız.
"Teleqüllə" restoranı
Cütlüklərin birlikdə vaxt keçirmək üçün etdikləri seçimlərdən biri də restoranlardır. "Teleqüllə" restoranı keçirəcəyiniz günü nağıla çevirə bilən, yerdən 210 metr yüksəklikdə, gözəl mənzərə müşayiətində, sevgilinizlə birgə unudulmaz saatlar keçirmək bu məkanda daha maraqlıdır. İnteryerin və təamların mükəmməlliyi üzünüzə təbəssüm bəxş edəcək və sizə romantik film kimi gözəl anlar vəd edəcək.
"Zeyd" restoranı
"Zeyd" restoranı sizə romantik və ürəkaçan ab-hava vəd edəcək. Ab-havasından, rahatlığından zövq alacaqsınız. Xoş söhbətlər üçün müsbət aura, zövqünüzü oxşayan gözəl, dəbdəbəli interyer, ləziz təamlar, orijinal təqdimat və gülərüz personalın vəhdətindən daha yaxşı heçnə ola bilməz. Cazibədar atmosferdə istirahət edin və estetik zövqdən həzz alın. Sevgilinizlə burada keçirəcəyiniz romantik anlar xatirələrinizə həkk olunacaq.
"Riviera" restoranı
"Riviera" restoranı sizə bütün problemlərdən uzaqlaşaraq gözəllik dünyasına qərq olmağa kömək edəcək məkandır. Bu məkanda sizə çox romantik, fərqli hislər yaşadarkən bir yandan da mənzərə gözəlliyi ilə sizi valeh edəcək. Bu məkan sizə unudulmaz hisslər bəxş edəcək.
Bakı Bulvarı
Bakı Bulvarı sevgililərin birlikdə gəzə biləcəyi ən geniş məkanlardan biridir. Dəniz sahili boyunca uzanan ərazi sakit gəzinti və söhbət üçün əlverişlidir. Bulvar boyunca müxtəlif istirahət və əyləncə məkanları da yerləşir.
Burada dəniz mənzərəsini izləmək, kafelərdən birində əyləşmək və gəzintini Bulvarın müxtəlif hissələrində davam etdirmək mümkündür. Kiçik Venesiya və Dənizkənarı Milli Parkdakı digər maraqlı yerlər də eyni marşruta əlavə edilə bilər.
İçərişəhər
İçərişəhər tarixi mühiti sevən cütlüklər üçün maraqlı seçimdir. Daş küçələr, qədim binalar və dar keçidlər Bakının digər hissələrindən fərqli ab-hava yaradır. Burada birlikdə gəzmək və maraqlı fotoşəkillər çəkmək üçün çoxlu məkan tapmaq olar.
Qız qalası və Şirvanşahlar Sarayının ətrafını da gəzinti marşrutuna daxil etmək mümkündür. İçərişəhərdə yerləşən kiçik kafelər isə gəzintidən sonra əyləşib söhbət etmək üçün əlavə seçim yaradır.
Dağüstü park
Şəhəri yuxarıdan seyr etmək istəyən sevgililər Dağüstü parkı seçə bilərlər. Buradan Bakı buxtası, Bulvar və şəhərin mərkəzi hissəsinin geniş mənzərəsi görünür. Parkın əsas üstünlüklərindən biri həm gəzinti, həm də şəhər panoramasını izləmək imkanının olmasıdır. Mənzərəli fotolar çəkməyi sevən cütlüklər üçün də uyğun yerlərdən sayılır.
Kiçik Venesiya
Kiçik Venesiya fərqli məkan axtaran sevgililər üçün maraqlı seçimdir. Kanallar, kiçik körpülər və ətrafdakı memarlıq məkanın əsas xüsusiyyətləridir. Cütlüklər burada ərazini gəzə, qayıqla kanallarda hərəkət edə və birlikdə şəkillər çəkə bilərlər. Kiçik Venesiyanın Bulvar ərazisində yerləşməsi görüşü dənizkənarı gəzinti ilə davam etdirməyə də imkan verir.
Filarmoniya bağı
Filarmoniya bağı sakit və yaşıllıqla əhatələnmiş məkan axtaran cütlüklər üçün münasibdir. Bağın ağaclıq hissələri, fəvvarəsi və memarlıq elementləri şəhərin mərkəzində rahat gəzməyə imkan yaradır. Bağ İçərişəhərə yaxın yerləşdiyi üçün hər iki məkanı eyni gəzinti marşrutunda birləşdirmək mümkündür. Səs-küylü əyləncə məkanları əvəzinə sakit söhbət və gəzintiyə üstünlük verənlər buranı seçə bilərlər.
Mərkəzi park
Mərkəzi park sevgililərin şəhərin mərkəzində gəzə və açıq havada istirahət edə biləcəyi geniş ərazilərdən biridir. Yaşıllıq, gəzinti yolları və istirahət sahələri parkı sadə görüş üçün əlverişli edir.
Burada birlikdə gəzmək, skamyada əyləşib söhbət etmək və şəhər mənzərəsini izləmək mümkündür. Cütlüklər üçün Mərkəzi park Bakıda nəzərdən keçirilə biləcək məkanlardan biridir. Bakıda sevgililər üçün Bulvar, İçərişəhər, Dağüstü park, Kiçik Venesiya, Filarmoniya bağı və Mərkəzi park həm gəzinti, həm söhbət, həm də birlikdə xoş xatirələr yaratmaq üçün uyğun seçimlərdir.
