Xaçmazda Gəzməli yerlər
Xaçmaz Azərbaycanın qədim tarixi, zəngin mədəniyyəti və gözəl təbiəti ilə seçilən bölgəsidir. Bu üstünlüklərinə görə o, uzun müddətdir ki, turistləri özünə cəlb edir və ölkənin turizm mərkəzlərindən biri hesab olunur. Turlar.az saytı bu yazıda Xaçmazda gəzməli yerlər haqda məlumatlar təqdim edir. Xacmazda gezmeli yerlər çoxdur, biz sizin üçün ən vacibləri seçmişik.
Heydər Əliyev Seyrəngahı
Xaçmazın xüsusi qüruru hətta paytaxtda rast gələ bilməyəcəyiniz parklardır. Böyük heykəlləri, nəfis fəvvarələri və ekzotik bitkiləri olan Xaçmaz parkları sürprizlərlə dolu bu şəhərin hətta görüb-götürmüş qonaqlarını belə heyrətləndirə bilər. Şəhər sakinləri və qonaqların ən sevimli istirahət yerlərindən biri uzunluğu 2 kilometr və ümumi sahəsi təxminən 5 hektar olan Heydər Əliyev Seyrəngahıdır. Parkın xüsusiyyətlərindən biri onun Bakı prospektinin hər iki tərəfində yerləşməsidir. Parkdakı fəvvarələrdən biri 12 metr hündürlüyə malik samovar şəklindədir. Digər bir fəvvarə sanki havada asılı qalan çaydan formasında düzəldilib.
Çənlibel parkı
Çənlibel parkı da Xaçmazın görməli yerlərindən biridir. Parkın mərkəzi fiquru Qıratın belində oturmuş əli qılınclı Koroğlunun abidəsidir. 2008-ci ildə 5 hektar ərazidə salınan Çənlibel parkı uşaqlar üçün də cansıxıcı olmayacaq. Burada onların əylənməsi üçün müxtəlif karusel və yelləncəklər qoyulub, park boyu rəngarəng heykəltəraşlıq kompozisiyaları quraşdırılıb.
Xudat
Xaçmaz rayonunda yerləşən qədim Xudat şəhəri XVIII əsrin əvvəllərində Quba xanlığının paytaxtı və möhkəm istehkam olub. Xudata səfər edərkən buradakı müalicəvi isti mineral suları olan termal hamamlara mütləq baş çəkin. Rayonda 60-dan çox tarixi və mədəni abidə qalıb: Qaraqurdlu kəndində Şah Abbas məscid-mədrəsəsi (XV-XVI əsrlər), Moruqoba, Uzunoba, Tağaroba kəndlərində məscidlər, Mollabürhanlı, Hülövlü, Qaracik, Həsənqala kəndləri yaxınlığında tunc dövrünə aid qədim yaşayış yerləri, kurqanlar və s.
Nabran
Bakıdan 229 kilometr və Xaçmaz rayonunun inzibati mərkəzindən 43 kilometr məsafədə, Xəzərin sahilində yerləşən Nabran qəsəbəsi bəlkə də Azərbaycanın ən məşhur kurort zonasıdır. Burada çoxsaylı dəniz çimərlikləri, kölgəli meşələr, sərin və isti bulaqlar, mənzərəli körfəzlər bir-biri ilə uzlaşır. Kimi dəniz kənarında qızılı qum üstündə özünə günə verməyi, kimi meşədə gəzməyi xoşlayır. Elələri də var ki, onları zəngin və rəngarəng gecə həyatı cəlb edir.
Qum Asaqlar çimərliyi
Qum Asaqlar çimərliyi qumlu sahili və Xəzər dənizinin mənzərəsi ilə diqqət çəkir. Geniş sahil zolağı burada rahat şəkildə dincəlməyə, dənizə girməyə və sahil boyunca gəzməyə imkan verir. Ətrafın təbii görünüşü xüsusilə sakit istirahət axtaranların marağına səbəb olur. Dəniz sahilində açıq havada vaxt keçirmək istəyənlər üçün Xaçmazın diqqətəlayiq yerlərindən biridir.
Xaçmaz Nəbatat Bağı
Xaçmaz Nəbatat Bağı təbiət və bitki aləmi ilə maraqlananların ziyarət edə biləcəyi məkandır. Yaşıllıqla əhatə olunan ərazi müxtəlif ağac və bitki növlərini yaxından görmək imkanı yaradır. Bağın geniş və yaşıllıqla zəngin ərazisi şəhərin daha sakit guşələrindən biri kimi seçilir. Burada gəzinti etmək, təbiəti müşahidə etmək və Xaçmazın yaşıl mühiti ilə tanış olmaq mümkündür.
Piriqulu
Piriqulu Xaçmazın kənd yaşayış məntəqələrindən biri kimi bölgənin yerli mədəniyyəti və tarixi ilə maraqlananlar üçün diqqət çəkə bilər. Kənd və onun ətrafında yerli yaşayış ənənələrini, kənd memarlığını və bölgənin təbii xüsusiyyətlərini görmək mümkündür. Xaçmazın kəndlərini gəzmək rayonun yalnız dəniz sahili ilə deyil, fərqli yaşayış məntəqələri və yerli mədəni mühiti ilə də tanış olmağa şərait yaradır.
Xaçmaz Xəzər dənizi sahili, yaşıllıqları və kəndləri ilə fərqli istiqamətlərdə gəzmək istəyənlər üçün maraqlı bölgələrdəndir. Dənizkənarı istirahətlə yanaşı, təbiətə və yerli mədəniyyətə maraq göstərənlər də burada müxtəlif məkanlarla tanış ola bilərlər.
