Oğuzda Gəzməli yerlər

Oğuz rayonu gözəl təbiəti olduğu üçün hər kəsə doğmadır. İnsanlar əyalətlər arasında seçim edəndə heç zaman Oğuzu kənarda qoymurlar. Çünki Oğuz Azərbaycanın ən turistik bölgələrindən biridir. Təbiət dedikdə ağlınıza nə gəlirsə, şəlalə, yeraltı sular, bulaqlar, hamısı burada toplaşıb. Oğuz yerli və xarici turistlərin ziyarət etdiyi bir yer olduğundan burada çox sayda otel və istirahət mərkəzi var. Turlar.az saytı sizi Oğuzda gezmeli yerler ilə tanış edir.

Xal-Xal şəlaləsi

Oğuzun ən məşhur kəndlərdən biridir. Xal-xal şəlaləsi yerli turistlərin ən çox görmək istədiyi yerlər arasındadır. Xal-Xal şəlaləsi Oğuz rayonunun Xalxal kənd ərazisində yerləşir. Kənd rayon mərkəzindən 15 km şimal-şərqdə, dəniz səviyyəsindən 810 metr yüksəklikdədir. Yerli turistlərin sevə-sevə getdiyi Xal-Xal şəlaləsi çox hündür olmasa da bol suludur. Hündürlükdən tökülən buz kimi suyun şırıltısı hər kəsi heyran edir. Şəlalənin töküldüyü ərazidə yaranmış süni göldə saxlanılan qızıl balıq isə turistlərə xüsusi zövq verir. Onlar həm balıqların hərəkətlərini izləyə, həm onları yemləyə, həm də tilov götürüb tuta bilirlər.
Şəlalənin yaxınlığına getmək üçün xüsusi nəqliyyata ehtiyac yoxdur. Yollar nisbətən dar və əyri olsa da, hamar asfalt örtüyünə malikdir. Yəni çox rahatlıqla öz şəxsi avtomobilinizlə şəlalənin yaxınlığına qədər gedə bilərsiniz.

Xaçmaz kəndi

Oğuzun ən böyük kəndidir. Xaçmaz qədim Hun türklərinin iqamətgahı sayılan Azərbaycanın başqa bir mahalının adıdır. Bu kənd oradan gələn insanların Oğuzada yerləşməsindən faydalanmışdır. Oğuzun ən böyük kəndi olmaqla yanaşı, böyük yaşıl püstə və fındıq meşələri ilə də tanınır.

Baştaşağıl

Göy Bayır Yaylası kimi tanınan bu kənd hər tərəfdən yaşıl dağlarla əhatə olunmuş gözəl Oğuzun kəndidir. Yayda hər yerdə yaşıl olan bu yayla mühacirət qruplarının yeridir. Burada dağların yamaclarında kiçik evlər kirayəyə götürə bilərsiniz.
Zümrüd meşələri, yaşıl yamacları, suyu diş göynədən buz bulaqları, dupduru çeşmələri, gur şəlalələri, min dərdin dərmanı olan 40-dan artıq dərman bitkisinin vətəni, qırqovullu, marallı, cüyürlü, dağ keçili faunası ilə hamını heyran qoyan Oğuz rayonu həqiqətən cənnətməkan bir diyardır. Oguzda gezmeli yerler ilə maraqlananlara bu yazı çox kömək olacaq.
Yuxarı məhəllə sinaqoqu
Oğuzun tarixi abidələrindən biri Yuxarı məhəllə sinaqoqudur. Bina 1897-ci ildə yerli yəhudi icmasının vəsaiti hesabına tikilib. Sonradan fəaliyyətini dayandıran ibadətgah başqa məqsədlər üçün istifadə edilib. 2004-2006-cı illərdə aparılan bərpa işlərindən sonra sinaqoq yenidən istifadəyə verilib. Oğuzun müxtəlif dini icmalarının tarixini yaxından tanımaq istəyənlər üçün maraqlı məkanlardan biridir.
Aşağı məhəllə sinaqoqu
Aşağı məhəllə sinaqoqu Oğuzda qorunan digər mühüm dini abidədir. 1849-cu ildə inşa edilən bina bölgədə yaşamış yəhudi icmasının tarixini əks etdirir. Sinaqoq 1992-1994-cü illərdə yerli icma tərəfindən təmir olunub. Tikilinin bəzi qədim konstruksiya elementlərinin qorunub saxlanılması onun tarixi əhəmiyyətini daha da artırır.
Oğuz Tarix-Diyarşünaslıq Muzeyi
Rayonun keçmişi haqqında daha ətraflı məlumat almaq üçün Oğuz Tarix-Diyarşünaslıq Muzeyinə baş çəkmək olar. Muzeydə arxeoloji tapıntılar, sənət nümunələri, soyuq silahlar, misgərlik və heykəltəraşlıq nümunələri nümayiş etdirilir. Burada əkinçilik və maldarlıqda istifadə edilmiş müxtəlif məişət və təsərrüfat əşyaları saxlanılır. Eksponatlar Oğuz əhalisinin keçmiş yaşayış tərzi və məşğuliyyəti haqqında məlumat verir.

Müqəddəs Yelisey Alban kilsəsi

Oğuzun cənub-şərq hissəsində yerləşən Müqəddəs Yelisey adına Alban kilsəsi rayonun mühüm tarixi-dini abidələrindəndir. Kilsə yerli udilərin ibadət ocaqlarından biri olub. Abidənin mövcudluğu bölgənin Qafqaz Albaniyası ilə bağlı tarixi və dini irsinin öyrənilməsi baxımından əhəmiyyət daşıyır. Oğuzda yalnız təbiət deyil, qədim memarlıq nümunələri ilə də tanış olmaq istəyənlər bu məkanı ziyarət edə bilərlər.

Muxas qülləsi

Muxas kəndinin şimalında, Daşağıl keçidinin yaxınlığında yerləşən Muxas qülləsi Oğuzun qədim müdafiə tikililərindən hesab olunur. Qüllənin hündürlüyü təxminən 11-12 metrdir. Tikilinin girişinin yer səviyyəsindən yuxarıda yerləşməsi onun müdafiə məqsədilə istifadə edildiyi ehtimalını gücləndirir. Tarixi tikililərə marağı olanlar üçün Muxas qülləsi Oğuzun diqqətəlayiq məkanlarından biridir.

Gavurqala

Gavurqala Oğuz ərazisində yerləşən qədim müdafiə abidələrindən biridir və VII əsrə aid edilir. Qüllənin qaya üzərində yerləşməsi ətraf ərazilərə nəzarət etmək üçün əlverişli mövqe yaradıb. Bu xüsusiyyət onun keçmişdə strateji və müdafiə məqsədləri daşıdığını göstərir. Qədim istehkam memarlığı ilə maraqlananlar üçün Gavurqala görüləsi tarixi yerlər sırasındadır.

Surxayxan qalası

Surxayxan qalası çay daşlarından tikilmiş tarixi müdafiə qurğusudur. Qala ərazisində aparılan arxeoloji araşdırmalar zamanı müxtəlif məişət əşyaları aşkar edilib. Tapıntılar arasında üzərində Surxay xanın adı olan mis qabın da olduğu qeyd edilir. Qalanın memarlıq xüsusiyyətləri və burada tapılan əşyalar ərazinin keçmişi haqqında məlumat əldə etməyə imkan verir.