AZAL İtaliyaya uçuşları bərpa edir
"Azərbaycan Hava Yolları" QSC (AZAL) Bakıdan İtaliyanın Milan şəhərinə uçuşları bərpa edir. Bu barədə Turlar.az-a AZAL-dan bildirilib.
Məlumata görə, xüsusi aviareyslər mayın 21-dən, hər həftənin çərşənbə və şənbə günləri həyata keçiriləcək. Aviabiletləri azal.az saytında, həmçinin aviadaşıyıcının akkreditə olunmuş agentliklərində rəsmiləşdirmək mümkün olacaq.
Reyslərə yalnız qeyd olunan daşınma şərtlərinə cavab verən və COVID-19 pandemiyası səbəbindən tətbiq edilən məhdudiyyətlər şəraitində uçuş icazəsi olan sərnişinlər kateqoriyası qəbul olunacaq.