ATAA: "Müxtəlif hava yollarının Azərbaycan turizm şirkətlərinə qarşı cərimələri silinib
ATAA: "Müxtəlif hava yollarının Azərbaycan turizm şirkətlərinə qarşı cərimələri silinib"
"Azərbaycan Turizm Agentlikləri Assosiasiyası (ATAA) üzvlərindən 41 min manata yaxın vəsait toplayıb".
"Report" xəbər verir ki, bunu ATAA-nın İdarə Heyətinin sədri Göydəniz Qəhrəmanov Assosiasiyanın bir illik hesabat tədbirində çıxış edərkən bildirib.
G.Qəhrəmanov qeyd edib ki, bu məbləğ 130-dan çox agentlikdən toplanıb:
"Müxtəlif hava yolları şirkətlərindən ATAA üzvlərinə cərimələr yazılıb. Məhz bu bir il ərzində biz həmin cərimələrin silinməsinə nail olduq. Həmçinin bizim səylərimiz nəticəsində müxtəlif aviaşirkətlərdən 1 milyon manatdan çox vəsait komissiya üzvlərimizin hesabına köçürülüb".
ATAA rəsmisi çıxışında hələ də bəzi problemlərin qaldığını qeyd edib: "Bunlar bəzən viza alınması və bəzi istiqamətlərə hələ də aviabiletlərin baha olması ilə bağlı problemlədir".
