Dubay hava limanı beynəlxalq daşımalarda yenə birincidir

Birləşmiş Ərəb Əmirliklərinin (BƏƏ) Dubay Beynəlxalq Hava Limanı 2021-ci ildə beynəlxalq sərnişindaşımada dünyanın ən işlək hava limanı olub. Bu tendensiya koronavirus pandemiyasına baxmayaraq, ardıcıl səkkizinci ildir ki, qorunub saxlanılır.
Ötən il sərnişin dövriyyəsi 2020-ci ilə nisbətən üç milyon nəfər (12%) artaraq 29,1 milyon olub.
Qeyd olunur ki, Dubayda Ümumdünya Ekspo 2020-nin keçirilməsi ilə əlaqədar bu hava limanı yeni aviaşirkətlər üçün birləşdirici nöqtəyə çevrilib.
Beynəlxalq hava limanının administrasiyasının məlumatına görə, ötən il hava axını gözlənilən şkalanı yarım milyon sərnişin üstələyib.