Tac Mahal haqqında maraqlı faktlar
Dünyanın hər yerindən minlərlə turisti Hindistana axın etdirən möhtəşəm tikili Tac Mahal. Tikintisinə 1631-ildə başlanmış bu minarə Hindistan şahı Cahan xan tərəfindən yoldaşı Mumtaz Mahalın xatirəsini əbədiləşdirmək üçün inşa edilmişdir.
Rəvayətə görə, Cahan xan hələ 16 yaşındaykən kasıb bir qıza aşiq olaraq onunla ailə qurur. Onlar 17 il birlikdə ömür sürürlər. Lakin Mumtaz Mahal 14-cü uşağı dünyaya gətirərkən vəfat edir. Cahan xan yoldaşını itirməklə barışa bilmir və sevdiyi xanımın gözəlliyini, onların sevgisini təcəssüm edəcək minarə tikdirmək qərarına gəlir və ən yaxşı memarları cəlb edir. 1631-ci ildə başlanan tikinti 20 il davam edir.
Tac Mahal sevgi rəmzi olmaqla yanaşı, zərgərlik incisidir. Tikili əsasən zümrüd, müxtəlif növ əqiq və digər dəyərli daşlar, qızıl və gümüş ilə bəzənmişdir. Bunlardan əlavə Tac Mahalın divarları 74 sapfir, 625 almaz, 144 rubin və 97 topaz daşları ilə bəzənmişdir.
Ağ mərmərlə inşa edilən Tac Mahal 4 əsrə yaxın yaşına baxmayaraq, ona baxanları özünə heyran edir. Türbəni gözəlləşdirən daha bir səbəb türbənin görünüşündə rənginin dəyişməsidir. Yağış zamanı türbə şəffaf görünüşə sahib olur, səhərlər günəş çıxarkən çəhrayı, gün batımında isə qızıl suyuna salınmış kimi parıldayır.
1983-cü ildə Tac Mahal UNESCO-nun Dünya İrsi Siyahısına daxil olub. Əlavə olaraq, məqbərə Dünyanın Yeni Yeddi Möcüzələrinin beynəlxalq siyahısına daxil edilmişdir. Hər il bu gözəl memarlıq incisini bir neçə milyon turist ziyarət edir.
İş vaxtı:
Tac Mahal iş günlərində gün çıxandan gün batımınadək açıq olur.
Cümə günləri əraziyə heç kim buraxılmır.
