Gədəbəydə Gəzməli yerlər
Geniş turizm potensialına malik Gədəbəy həm yerli, həm də xarici qonaqların ən çox üz tutduğu bölgələrimizdəndir. Turlar.az saytı sizə Gədəbəyin gəzməli-görməli yerlərini təqdim edir. Bu yazıda Gedebeyde gezmeli-gormeli yerlər haqda ətraflı məlumat əldə edəcəksiniz.
Gədəbəyə heyran olmamaq mümkün deyil. Tükənməz təbiət, əzəmətli dağlar, saysız-hesabsız mineral bulaqlar, dadlı mətbəx, ən əsası qonaqpərvər insanlar. Bu amillər kifayətdir ki, sizi çəkib, Gədəbəyə gətirsin. Turistləri rayona cəlb edən digər bir səbəb isə bu yerlərin həm də qədim və zəngin tarixə malik olmasıdır.
"Koroğlu" və ya "Cavanşir qalası"
Bu qala rayon mərkəzindən 15 km aralıda yerləşir. Tarixi tikili sıldırım qayalığın zirvəsində, sərt yamacda inşa olunub. Dəniz səviyyəsindən 2 min metr yüksəklikdə yerləşən abidəyə yalnız piyada qalxmaq mümkündür. Buradan ətraf kəndlər ovuc içindəki kimi görünür. Hətta uzaqdan Gədəbəyin simvolu olan məşhur "Simens körpüsü"nə də tamaşa etmək mümkündür. Bu yer Zaqafqaziyada ilk dəmiryol xəttinin keçdiyi ərazi olub, hazırda dövlət tərəfindən tarixi tikili kimi qorunur və Gədəbəyin "vizit kartı" hesab edilir.
Böyük Qaramurad kəndi
Gədəbəyin zəngin tarixini özündə yaşadan daha bir məkan isə Böyük Qaramurad kəndidir. Məhz burada Qafqaz Albaniyasının yadigarı olan məbəd yerləşir. Məbədin 600 ilə yaxın yaşı var və Gədəbəydə Qafqaz Albaniyasının tarixini yaşadan 10-a yaxın dini ibadətgahdan biridir.
"Şırşıra" şəlaləsi
Gədəbəyin mərkəzinə yaxın ərazidə "Şırşıra" şəlaləsi yerləşir. Bu şəlaləyə avtomobil yolu yoxdur. Şəlalə 10-12 metr yüksəklikdən axıb gəlir. Düzyurd çayının yaratdığı bu təbiət incisini Gədəbəyə yollananlar mütləq gəlib görürlər.
Düzyurd-Miskinli yaylağı
Düzyurd-Miskinli yaylağı da turistlər üçün maraqlı məkanlardandır. Yay aylarında buraya böyük axın olur. Burada keçirilən ilk Yaylaq Festivalında rayona 80 minə yaxın qonaq gəlib. Gedebeyde gezmeli yerler bununla kifayətlənmir. Gedebey rayonunun gezmeli yerleri çoxdur və biz sizə ən vaciblərini təqdim etdik.
