Ucuz təyyarə biletini necə əldə edə bilərsiniz?

1)Metaaxtarış sistemləri bir çox saytlar üzrə təyyarə biletləri haqqında məlumatları toplayır və sizə qiymətinə görə ən sərfəli bileti tapır. Sistem vasitəsilə siz asanlıqla həmin bileti alıb və bron edə bilərsiniz.
Belə axtarış sistemləri arasında ən məşhuru Skyccannerdir. Ancaq biz sizə bir neçə metaaxtarış sistemindən paralel istifadə etməyi tövsiyə edirik.
2) Ucuz biletinizi öncədən alın.
Bir qayda olaraq təyyarə biletinizi uçuşunuzdan 2 ay qabaq alsanız, (imkan olsa, hətta 1 il öncədən) bu sizə daha ucuz başa gələcək. Eyni zamanda uçuşa nəzərdə tutulmuş bütün biletlər satılmadığı təqdirdə aviaşirkət həmin biletlər üçün müxtəlif endirim və bu kimi aksiyalar həyata keçirir.
Bundan əlavə bileti çərşənbə axşamı, çərşənbə və cümə axşamına almağınızı məsləhət görürük. Heç bir halda şənbə, bazar və ya digər bayram günlərinə bilet almayın. Səhər və axşam uçuşları daha ucuz olur.
3) Bilet alanda hər iki istiqaməti alın. Nə qədər qəribə də olsa, gediş-gəliş biletinin qiyməti təkcə gediş biletinin qiymətindən ucuz olur. Bəziləri hətta gediş-gəliş biletinin qiymətini əvvəlcədən alır, sonra birini tullayırlar. Bu kimi hallar çox nadir halda baş verir. Sadəcə burada nəzərə almaq lazımdır ki, uzun məsafəli səyahətlərdə gediş-gəliş biletinin qiyməti daha ucuz başa gəlir.
4) Uçuş biletinin qiyməti uçuşun tarixi və hava limanı daxil olmaq bir çox faktordan asılıdır.
5) Ucuz bileti tapmağın digər yolu da ölkənin paytaxt şəhərinə yox, ətrafdakı şəhərlərdən birinə bilet almaqdır.
Səyahət edəcəyiniz ölkənin hava limanı olan istənilən bir şəhərinə ucuz bileti alın. ölkəyə çatandan sonra isə səyahətinizi qatar, avtobus və ya avtostopla davam edə bilərsiniz.