Azərbaycanda dəniz turizminin inkişafı nə vəd edir?

Azərbaycanda dəniz turizminin inkişafı nə vəd edir?Azərbaycanda dəniz turizminin inkişafı nə vəd edir?
Dünyada inkişaf etmiş turizm növlərindən biri də dəniz (kruiz gəmiləri ilə səyahət) turizmidir. ABŞ, Böyük Britaniya, Norveç, İsveç, Danimarka, Finlandiya, İtaliya, Fransa, İsveçrə kimi ölkələr turizm sektorunda dəniz nəqliyyatından istifadəni genişləndirir. Azərbaycanda isə bu turizm növü faktiki olaraq durğunluq vəziyyətindədir. Bir neçə il öncə Xəzəryanı ölkələr arasında dəniz səyahətlərinin canlandırılması və Rusiyanın "Böyük Pyotr" teploxodundan birgə istifadə etməklə kruiz səfərlərin təşkili məsələsi gündəmə gətirilsə də, hələ ki, bu sahədə konkret əməli addımlar atılmayıb.
"Azərbaycan Turizm Agentlikləri Assosiasiyası" İctimai Birliyinin sədrinin müşaviri Müzəffər Ağakərimov "Report"a açıqlamasında ölkəmizdə bu turizm növünü inkişaf etdirmək potensialının mövcudluğundan və bu sahədə çatışmazlıqlardan danışıb. O, ilk növbədə vaxtilə bizdə də bu sahənin inkişaf etdiyini önə çəkib.
Potensial var
"Bir ölkədə turizm sektorunun daha çox inkişaf etməsi onun növlərinin çox və keyfiyyət göstəricilərinin yüksək olmasından asılıdır. Azərbaycanın da turizm sektoru ildən-ilə inkişaf edir. Düşünürəm ki, bizdə də həm qatar, həm də dəniz turizmi inkişaf edəcək. Bunun üçün potensialımız var. Azərbaycanda dəniz turizmini inkişaf etdirmək üçün Xəzər dənizinin potensialından istifadə etmək məqsədəuyğun olar. Vaxtilə dəniz turizmi deyəndə çay turizmini də nəzərə alırdıq. Hələ 1990-cı illərin ortalarında dəniz turizmini inkişaf etdirmək üçün layihə hazırlanmışdı. Bu layihəyə əsasən 5 Xəzəryanı dövlət kruiz turizmini inkişaf etdirmək üçün təkliflərini vermişdi. Amma bu lahiyə qeyri-müəyyən səbəblərdən dayandırıldı. 1980-ci illərin sonlarına qədər Xəzər dənizində turizm olub və mütəmadi inkişaf edib. Vaxtilə Xəzər dənizi vasitəsilə İranın Ənzəli ərazisinə turizm səfərləri olardı. Eyni zamanda Türkmənistanın Türkmənbaşı şəhərinə bərələrlə turistlər gedərdi", - M.Ağakərimov bildirib.
Onun sözlərinə görə, Azərbaycanda çay turizmi də mövcud olub: "Sovet dövründə Volqa çayı boyunca Həştərxan-Moskva marşrutu ilə vətəndaşlarımız səyahət edirdilər. Bu turizm proqramı 18 gün davam edirdi. Hətta teploxodlar icarəyə götürülür, turistlər onunla Həştərxandan Moskvaya gedir, oradan Həştərxana və oradan da təyyarə ilə Bakıya qayıdırdılar".
Turizm şirkətləri bu sahəyə maraq göstərir
O, son illər ölkədə dəniz turizminin inkişaf etdirilməsi istiqamətində danışıqlar aparıldığını qeyd edib:
"Rusiyanın "Böyük Pyotr" teploxodu ilə Xəzərdə kruiz səyahətinin təşkili planlaşdırılırdı. Arzu edərdik ki, həmin teploxod Volqa çayı ilə Xəzər dənizinə gəlsin, burdan Azərbaycan turistləri onunla Volqa çayı boyunca Moskvaya qədər gedib yenidən geri qayıtsınlar. Bu turizm növü gələcəkdə inkişaf etsə, çox yaxşı olar. Bunun üçün səylərimizi daha da gücləndirəcəyik. Turizm şirkətlərimiz də bu sahədə çalışırlar. Hazırda həmin şirkətlər Avropaya müqavilə əsasında Aralıq dənizi vasitəsilə turistlər göndərirlər. Buradan turistlər Türkiyəyə, oradan da dəniz yolu ilə Avropa ölkələrinə gedirlər. Bu səyahət çox baha başa gəlir. Amma Xəzər dənizinin imkanlarından istifadə etsək, Azərbaycana daha çox turist gələ bilər. Ölkəmizin turizm potensialı da buna imkan verir. Hazırda turizm şirkətlərimiz bu istiqamətdə proqram və marşrutlar üzərində işləyirlər".
Təcrübəli mütəxəssislərə ehtiyac var
M.Ağakərimov bu sahənin Azərbaycanda inkişafdan qalmasının səbəblərinə toxunub:
"Bu ləngimə təbiidir. Dünyada baş verən hadisələr, münaqişələr, pandemiyanın yayılması və ölkəmizdə bu sahədə mütəxəssislərin az olması sözügedən gecikmənin səbəblərindəndir. Əvvəllər bizdə dəniz turizmi mövcud olanda mən turizm sektorunda işləmişəm. Amma bizdə bu sahədə təcrübəsi olanlar çox qalmayıb. Bu sahədə təcrübə mühüm rol oynayır. Dəniz turizmini yenidən bərpa etmək üçün mütləq təcrübəli mütəxəssislər lazımdır. Azərbaycanda çox istedadlı mütəxəssislər var, amma onlara istiqamət göstərmək lazımdır".
O əlavə edib ki, Xəzər dənizinin potensialından istifadə edilsə, Mərkəzi Asiyadan gələn turistlərin Türkiyə vasitəsilə Avropaya səyahət etməsini təmin edə bilərik:
"Hətta Çindən gələn turistlər də Avropaya Azərbaycan vasitəsilə gedə bilərlər. Çünki Azərbaycan Avropa və Asiyanı birləşdirən bir strateji məkandır".

Tarix: 10 Oct 2023 | Baxılıb: 1499

Oxşar xəbərlər

"AZAL karyera günü" gələcək mütəxəssislər üçün yeni imkanlar açıb - FOTO

"AZAL karyera günü" gələcək mütəxəssislər üçün yeni imkanlar açıb - FOTO

"AZAL karyera günü" gələcək mütəxəssislər üçün yeni imkanlar açıb - FOTO. Azərbaycanın milli aviadaşıyıcısı (AZAL) mülki aviasiyada iş perspektivləri haqqında daha çox məlumat təqdim etmək üçün ilk dəfə olaraq "AZA

Gürcüstanın törəmə şirkəti Tbilisidən Bakıya uçuşların sayını - ARTIRIB

Gürcüstanın törəmə şirkəti Tbilisidən Bakıya uçuşların sayını - ARTIRIB

Gürcüstanın "Geosky" aviaşirkətinin törəməsi olan "Georgian Wings" loukosteri Tbilisi-Bakı-Tbilisi istiqamətində uçuşların sayını həftədə beş dəfəyə çatdırıb. Gürcüstan turizmdən milyardlar qazanır – Bİ

Misir sahillərində gözəllik ilahəsi Afroditanın məbədi və unikal xəzinə tapılıb - FOTO

Misir sahillərində gözəllik ilahəsi Afroditanın məbədi və unikal xəzinə tapılıb - FOTO

Misir sahillərində gözəllik ilahəsi Afroditanın məbədi və unikal xəzinə tapılıb - FOTO. Misir sahillərində Afroditanın batmış məbədi aşkar edilib. Bu barədə ölkənin Turizm və Qədim Əsərlər Nazirliyi xəbər yayıb. Bildirili

AZAL deputatlara yaxın gələcəkdə müsbət dəyişikliklər barədə məlumat verib - FOTO

AZAL deputatlara yaxın gələcəkdə müsbət dəyişikliklər barədə məlumat verib - FOTO

AZAL deputatlara yaxın gələcəkdə müsbət dəyişikliklər barədə məlumat verib - FOTO. "Azərbaycan Hava Yolları" QSC-nin rəhbərliyi və Milli Məclis üzvləri arasında görüş keçirilib. . xəbər verir ki, tədbirdə çıxı

Şimal-Şərqi Asiyadan Azərbaycana gələnlərin sayı artıb

Şimal-Şərqi Asiyadan Azərbaycana gələnlərin sayı artıb

Şimal-Şərqi Asiyadan Azərbaycana gələnlərin sayı artıb. Ötən ay ölkəyə 192 115 nəfər əcnəbi səfər edib. Dövlət Turizm Agentliyinin məlumatına görə, bu, 2022-ci ilin müvafiq dövrü ilə müqayisədə 21 faiz çox olub. Belə ki

"Azərbaycan 2024-cü ildə ölkəyə turist axının 20% artımını gözləyir"

"Azərbaycan 2024-cü ildə ölkəyə turist axının 20% artımını gözləyir"

2023-cü ilin yekunları üzrə Azərbaycana turist axını 2 milyon nəfərədək əşkil edəcək, 2024-cü ildə 20% arta bilər. xəbər verir ki, bu barədə  Dövlət Turizm Agentliyinin sədrinin müşaviri Kənan Quluzadə məlumat verib. "Əgə

ATAA: "Müxtəlif hava yollarının Azərbaycan turizm şirkətlərinə qarşı cərimələri silinib"

ATAA: "Müxtəlif hava yollarının Azərbaycan turizm şirkətlərinə qarşı cərimələri silinib"

Azərbaycan Turizm Agentlikləri Assosiasiyası (ATAA) üzvlərindən 41 min manata yaxın vəsait toplayıb. xəbər verir ki, bunu ATAA-nın İdarə Heyətinin sədri Göydəniz Qəhrəmanov Assosiasiyanın bir illik hesabat tədbirində çıxı

Ərəblər Azərbaycana niyə az gəlirlər?

Ərəblər Azərbaycana niyə az gəlirlər?

Ərəblər Azərbaycana niyə az gəlirlər?. Bu il Azərbaycana gələn ümumi turistlərin sayı 37 faiz artıb, xüsusilə Avropa ölkələrindən gələnlərin sayında artım müşahidə olunub. Ancaq ərəb ölkələrindən gələnlərin sayında azalm

Azərbaycana turist axını - 34% ARTIB

Azərbaycana turist axını - 34% ARTIB

Bu ilin yanvar-avqust aylarında Azərbaycana 183 ölkədən 1 343,7 min nəfər və yaxud ötən ilin eyni dövrü ilə müqayisədə 33,8 % çox əcnəbi və vətəndaşlığı olmayan şəxs gəlib. bu barədə Dövlət Statistika Komitəsinə istinadə


masinlar xidmetler dubay turlari antalya turlari endirimli turlar dubay yeni il turlar 2025 lavanda turu dubay turu tezbazar.az ev elanlari batumi turlari