Azərbaycana BƏƏ-dən gələn turistlərin sayı 2 dəfədən çox artıb

2021-ci ildə Azərbaycanda Birləşmiş Ərəb Əmirliklərindən (BƏƏ) gələn turistlərin sayı 2020-ci illə müqayisədə 2,2 dəfə çox olub. Bu barədə Dövlət Statistika Komitəsi məlumat yayıb.
Məlumatda deyilir ki, ötən il Azərbaycana 167 ölkədən 791,8 min və yaxud əvvəlki ilə nisbətən 0,5 % az əcnəbi və vətəndaşlığı olmayan şəxs gəlib.
Onların 4,6 %-i yanvar, 4,5 %-i fevral, 5,7 %i mart, 5,8 %-i aprel, 6,5 %-i may, 8,5 %-i iyun, 10,6 %-i iyul, 9,7 %-i avqust, 9,4 %-i sentyabr, 11,5 %-i oktyabr, 10,9 %-i noyabr, 12,3 %-i isə dekabr ayında ölkəmizə səfər edib. Gələnlərin 82 %-ni kişilər, 18 %-ni qadınlar təşkil edib.