Bakı dünyanın trend məkanları SİYAHISINDA
Bakı dünyanın trend məkanları SİYAHISINDA
ABŞ-nin nüfuzlu "TripAdvisor" xidmətinin səyahət üçün üstünlük verilən trend məkanlar siyahısında Bakının da adı var.
Oxu.Az-ın məlumatına görə, səyahətçilərin rəyləri və təəssüratları əsasında hazırlanan siyahı səyahət platformasının saytında dərc olunub.
Siyahıda 25 fərqli ölkənin şəhərlərinin adı yer alıb, Bakı bu reytinqdə səkkizinci yerdə qərarlaşıb.
"Bakının tarixi mərkəzi İpək Yolu üzərində liman şəhəri olmasından neft bumuna və sovet dönəminə qədər keşməkeşli keçmişini nümayiş etdirir. Bura İçərişəhər Şirvanşahlar Sarayı və UNESCO-nun Ümumdünya İrs Siyahısına daxil edilmiş Qız Qalasının, həmçinin küçələrin, məscidlərin, tarixi binaların və istehkamların qalıqlarının labirintindən ibarətdir. Bakı təkcə tarixi məkan deyil, o həm də incəsənət və mədəni tədbirlərə, eləcə də müasir biznes sektoruna ev sahibliyi edir", - deyə platformada vurğulanır.
