Məşhur cizgi film qəhrəmanı "Şrek"in daxması icarəyə verilir - FOTO
Məşhur cizgi film qəhrəmanı "Şrek"in daxması icarəyə verilir - FOTO
Şotlandiyada eyniadlı cizgi filmindən "Şrek"in evi üslubunda yaşayış yerinin kirayəsi təklif olunur. Elan divin dostu "Eşşəy"in adından yerli daşınmaz əmlak icarəsi xidmətinin saytında dərc olunub.
Qeyri-adi ev təpələrin arasında yerləşir, onun dəqiq yeri məlum deyil. Daxmanın yaxınlığında bataqlıq və cizgi filmində görünə bilən "Ehtiyatlı olun!" işarəsi var.
"Şrek"in evi kötük formasında hazırlanıb, içindəki əşyalar ağacdandır. Evdə yataq otağı və kaminli qonaq otağı var. Potensial istirahət edənlərə hamamın əsas yaşayış yerindən 20 metr aralıda ayrıca otaqda yerləşdiyi barədə xəbərdarlıq edilib.
Xatırladaq ki, div "Şrek" haqqında ilk tammetrajlı cizgi filmi 2001-ci ildə işıq üzü görüb. Film uşaq yazıçısı Uilyam Steyqin 1990-cı ildə nəşr olunmuş eyniadlı nağılı əsasında çəkilib. Bundan sonra daha üç tammetrajlı serial buraxılıb.
Hekayədə "Şrek"in bataqlıqdakı evinə hökmdar "Lord Farquaad" tərəfindən qovulan nağıl qəhrəmanları köçür. "Şrek", bataqlığına nəzarəti bərpa etmək müqabilində şahzadə "Fiona"nı xilas etmək üçün "Farquaad" ilə müqavilə bağlayır. O, "Eşşəy"in köməyi ilə bu işi həyata keçirir, ancaq "Fiona"ya aşiq olması bütün planlarını alt-üst edir.
Mənbə: News.ru / oxu.az
