Kino çəkmək, toy etmək, yoxsa istirahət? - ARAŞDIRMA + FOTO

Kino çəkmək, toy etmək, yoxsa istirahət? - ARAŞDIRMA + FOTOKino çəkmək, toy etmək, yoxsa istirahət? - ARAŞDIRMA + FOTO
Dövlət Statistika Komitəsi yanvar-mart aylarında Azərbaycana səfər edən əcnəbilərin sayını açıqlayıb. Statistikaya görə, gələnlərin 31,7 faizi Rusiya, 20,9 faizi Türkiyə, 8,4 faizi İran, 5,5 faizi Gürcüstan, 5 faizi Hindistan, 2,3 faizi Pakistan, 2,2 faizi Birləşmiş Ərəb Əmirlikləri, 2 faizi Qazaxıstan, 1,8 faizi Özbəkistan, 1,7 faizi Səudiyyə Ərəbistanı, hər birindən 1,6 faiz olmaqla Ukrayna və Belarus, 1,3 faizi Türkmənistan, 1,2 faizi Küveyt, 12,8 faizi digər ölkələrin vətəndaşları olub. Rəqəmlərdən aydın olur ki, Asiya ölkələrindən Azərbaycana ən çox turist Hindistandan gəlib. Hindistanlı turistlərin çoxaldığını şəhərin mərkəzi küçələrində gəzərkən real olaraq görmək mümkündür.
Maraqlıdır, hindistanlı turistləri Azərbaycana gətirən səbəblər hansılardır?
"Kaspi" qəzeti mövzu ilə bağlı məqalə dərc edib.
Kino çəkmək, toy etmək, yoxsa istirahət? - ARAŞDIRMA + FOTOAzərbaycan Ekoturizm Assosiasiyasının icraçı direktoru Samir Dübəndi deyir ki, Hindistan ilk dəfədir bu siyahıda 5-ci pillədədir:
"Bu gözlənilən idi, say daha da artacaq. Çünki Hindistan turist cəlb etmək baxımından hədəf ölkələrdən olub. Azərbaycan Turizm Bürosu, Dövlət Turizm Agentliyi və müxtəlif turizm şirkətləri Hindistan bazarı üçün müxtəlif turizm təklifləri hazırlayıb. Əhali sayı çox olduğu üçün bu bazardan daha çox turist cəlb edə bilirik. Həmçinin Hindistan bazarında artıq müxtəlif təşviqat işləri aparılıb və aparılmaqdadır. Təbii ki, bu təşviqat Azərbaycana marağı artırır. Bugünkü statistika öncədən düşünülən addımların nəticəsidir". 
Kino çəkmək, toy etmək, yoxsa istirahət? - ARAŞDIRMA + FOTOTurizm mütəxəssisi vurğulayır ki, Bakı ilə Dehli arasında birbaşa aviareys açılması da Hindistan vətəndaşlarının istirahət üçün Azərbaycanı seçməsinə imkan yaradıb:
"Şəhərlər arasında rahat bağlantı var. İkitərəfli gediş-gəliş biletləri normal, Hindistan bazarında xeyli insan üçün uyğun qiymətədir. Bundan əlavə, hindistanlı turistlərin Azərbaycana gəlməsi üçün viza rejimi rahat, əlçatandır. Bu da turistlərin sayına təsir edib".
Kino çəkmək, toy etmək, yoxsa istirahət? - ARAŞDIRMA + FOTOTəbii ki, ən əsas səbəblərdən biri də ölkəmizin gözəlliyidir. Mütəxəssis vurğulayır ki, bizi Hindistanla bağlayan maraqlı məqamlar da var:
"Azərbaycan təbiəti, infrastrukturu, turizm imkanları, tarixi memarlıq abidələri, gəzməli-görməli yerləri, mətbəxi ilə çox məşhurdur. Həm də bizi Hindistanla bağlayan maraqlı məqamlar da var. Vaxtilə Azərbaycan ərazisində atəşpərəstliyin yayılması, onlara aid olan məbədlər, xüsusilə də Atəşgah məbədi, regionlarda olan bəzi abidələr onların marağına səbəb olur. İpək yolunu da yaddan çıxarmaq olmaz. Hansı ki, vaxtilə ölkələri ticarət əlaqələri ilə bağlayıb. Bu faktlar Hindistan turistləri üçün maraqlıdır".
Kino çəkmək, toy etmək, yoxsa istirahət? - ARAŞDIRMA + FOTOHindistanlı turistlərin ölkəmizdə istirahət etmələri üçün səbəblər çox olsa da, onların sayının belə nəzərəçarpacaq dərəcədə artması həmsöhbətimiz üçün də gözlənilməz olub:
"Təəccüblüdür. Düşünürəm ki, sayın çox olmasına səbəb turizmdən əlavə, Azərbaycan biznes mühitinin hindistanlılara uyğun olmasıdır. Ölkəyə gələn Hindistan vətəndaşlarının heç də hamısı turist deyil. Onların bir hissəsi işgüzar insanlardır. Burada investisiyalar üçün münbit şərait var. Bu səbəbdən də onlar Azərbaycan bazarına maraq göstərirlər". 
Kino çəkmək, toy etmək, yoxsa istirahət? - ARAŞDIRMA + FOTOTurizmçi Ceyhun Aşurov isə deyir ki, Azərbaycan istirahət və film destinasiyası kimi Hindistanın marağını cəlb edir:
"Ölkəmizin dünyada 6 turizm nümayəndəliyi var ki, onların da biri Hindistandadır. Bu nümayəndəliklər Azərbaycanın turizm məkanı kimi tanıdılmasına, uyğun marşrutların hazırlanmasına və həmin bölgələrdən turistlərin cəlb olunmasına xidmət edir. Hindistandan gələn turistlərin sayında əvvəlki illərlə müqayisədə 4 dəfədən çox artım olub. Bu ölkədən turistlərin çox gəlməsi 2016-cı ildən sonra başlayıb. Bu dövrdə il ərzində 6000-ə yaxın turist gəlirdisə, 2017-ci ildə bu rəqəm 14 minə çatıb. 2018-ci ildə 39 min, 2019-cu ildə isə 65 min olub. Pandemiya dövründə isə təbii olaraq, bu rəqəmlər azaldı. Hindistandan gələn turistlər individual deyil, əksəriyyəti qrup halında səfərlər edirlər. Pandemiyaya qədər biz görürdük ki, sözügedən ölkədən Azərbaycana kino çəkmək məqsədilə ayrı-ayrı qruplar gəlir. İçərişəhərdə, Bakıda, müxtəlif regionlarda kino çəkilişləri həyata keçirirdilər. Bu da filmi seyr edən insanlara Azərbaycanın maraqlı turizm ölkəsi kimi tanıdılmasında xüsusi rol oynayırdı".
Kino çəkmək, toy etmək, yoxsa istirahət? - ARAŞDIRMA + FOTOMütəxəssis  deyir ki, statistikanın artmasında ikinci ən böyük faktor Azərbaycanın hindistanlılar arasında toy məkanı kimi seçilməsidir:
"Hindistan toyları dünyada məşhurdur. Onlar qohum-əqrəbaları ilə birlikdə bəzən 100 nəfərlik qruplarla ölkələrə gedirlər və toy edirlər. Bu, onlar üçün ənənədir. Biz pandemiyaya qədər şəhərdə olan 5 ulduzlu otellərin restoranlarında Hindistan toylarını müşahidə edirdik. İndi də elədir. Hindistanlı turistlər üçün Azərbaycan həm də maraqlı toy destinasiyasıdır". / oxu.az

Tarix: 18 Jun 2023 | Baxılıb: 200

Oxşar xəbərlər

AZAL-dan Bakı-İstanbul reyslərinə - Xüsusi təklif

AZAL-dan Bakı-İstanbul reyslərinə - Xüsusi təklif

AZAL-dan Bakı-İstanbul reyslərinə - Xüsusi təklif. Azərbaycanın milli aviadaşıyıcısı (AZAL) populyar Bakı-İstanbul-Bakı marşrutu üzrə xüsusi təklif təqdim edir. İndi sərnişinlər sərfəli qiymətlərlə Bakıdan İstanbula və ək

Misir sahillərində gözəllik ilahəsi Afroditanın məbədi və unikal xəzinə tapılıb - FOTO

Misir sahillərində gözəllik ilahəsi Afroditanın məbədi və unikal xəzinə tapılıb - FOTO

Misir sahillərində gözəllik ilahəsi Afroditanın məbədi və unikal xəzinə tapılıb - FOTO. Misir sahillərində Afroditanın batmış məbədi aşkar edilib. Bu barədə ölkənin Turizm və Qədim Əsərlər Nazirliyi xəbər yayıb. Bildirili

Xınalıqda qonaq evlərinə dəstək məqsədilə vətəndaşlara avadanlıqlar verilib

Xınalıqda qonaq evlərinə dəstək məqsədilə vətəndaşlara avadanlıqlar verilib

Xınalıqda qonaq evlərinə dəstək məqsədilə vətəndaşlara avadanlıqlar verilib. Qubanın Xınalıq kəndində turistlərə qonaq evi istiqamətində xidmət göstərən 16 sahibkara su qızdırıcısı, soba və qaz plitəsi təqdim olunub. -ı

Əcnəbi turistlər Azərbaycanda hansı tibbi xidmətlər ala bilərlər? - ARAŞDIRMA

Əcnəbi turistlər Azərbaycanda hansı tibbi xidmətlər ala bilərlər? - ARAŞDIRMA

Əcnəbi turistlər Azərbaycanda hansı tibbi xidmətlər ala bilərlər? - ARAŞDIRMA. Azərbaycanda turizmin digər sahələri kimi tibbi turizmin də inkişafı istiqamətində bir sıra addımlar atılmaqdadır. Belə ki, sağlamlıq turizm

AZAL-dan Tbilisi, İstanbul və Dubaya uçuşlar üçün xüsusi təklif

AZAL-dan Tbilisi, İstanbul və Dubaya uçuşlar üçün xüsusi təklif

AZAL-dan Tbilisi, İstanbul və Dubaya uçuşlar üçün xüsusi təklif!. Azərbaycanın milli aviadaşıyıcısı (AZAL) ən populyar istiqamətlər - Tbilisi, İstanbul və Dubaya xüsusi aksiyaya başlayır. Bu təklif sərnişinlərə uçuşun rahatlığ

Azərbaycanda dəniz turizminin inkişafı nə vəd edir?

Azərbaycanda dəniz turizminin inkişafı nə vəd edir?

Azərbaycanda dəniz turizminin inkişafı nə vəd edir? . Dünyada inkişaf etmiş turizm növlərindən biri də dəniz (kruiz gəmiləri ilə səyahət) turizmidir. ABŞ, Böyük Britaniya, Norveç, İsveç, Danimarka, Finlandiya, İtaliya, Fransa

Planetimizin "Cəhənnəm qapılarından" biri: Yandırıcı turşu, qaynayan kükürd və qızğın buxa

Planetimizin "Cəhənnəm qapılarından" biri: Yandırıcı turşu, qaynayan kükürd və qızğın buxa

Planetimizin "Cəhənnəm qapılarından" biri: Yandırıcı turşu, qaynayan kükürd və qızğın buxarlı bulaq - FOTO. Planetimiz heyrətamizdir və bir çox möhtəşəm yerləri, mənzərələri və canlıları ehtiva edir. Belə xüsus

Peruda "Buludlar arasında şəhər" turistlərin üzünə bağlandı - FOTO

Peruda "Buludlar arasında şəhər" turistlərin üzünə bağlandı - FOTO

Peruda "Buludlar arasında şəhər" turistlərin üzünə bağlandı - FOTO. İnklərin qədim şəhərinin bir hissəsi turistlərin üzünə bağlanıb və bu həmişəlik ola bilər. Bu barədə Perunun Kusko əyalətinin Mədəniyyət Departament

AZAL Bakı-Minsk-Bakı marşrutu üzrə ilk reysini yerinə yetirib - FOTO

AZAL Bakı-Minsk-Bakı marşrutu üzrə ilk reysini yerinə yetirib - FOTO

AZAL Bakı-Minsk-Bakı marşrutu üzrə ilk reysini yerinə yetirib - FOTO. Bu gün "Azərbaycan Hava Yolları" QSC (AZAL) Bakı-Minsk-Bakı marşrutu üzrə ilk müntəzəm uçuşunu həyata keçirib. AZAL-dan verilən məlumata görə


masinlar xidmetler endirimli turlar turlar azerbaycan ucuz turlar cin turu toy masinlari sahdag turlari praqa turu tezbazar.az ev elanlari beşbarmaq turu türkiyə turu