Polşa haqqında maraqlı faktlar

Niyə Polşa?

Şəhərlər
Polşanın neçə-neçə gözəl şəhərləri və hər şəhərdə gözəl meydançaları var. Paytaxt Varşava Polşa və dünya mədəniyyətinin qarışığı olan və asanlıqla bir neçə gün keçirə biləcəyiniz böyük metropol şəhərə çevrilir. Krakov qədim şəhər, kilsə və qala ilə Polşanın ikinci ən böyük şəhərdir. Qdansk Sopot və Qdıniya kimi digər iki şəhər ilə birlikdə dəniz sahilində yerləşən və yay tətilini keçirmək üçün ideal yerdir. Digər görülməli yerlər isə Auşvitz həbs düşərgəsi (İkinci Dünya Müharibəsindən qalan unudulmaz tarixi şəhərlərdən biridir), Veliçka (məşhur duz şaxtası), Malbork Qalası (XIII əsrdən qalma Xaçlı Qalası)

b]Qida[/b]
Polşa dünyada ən yaxşı yeməkləri olan ölkələrdən biridir! Ev yeməkləri Polşada çox yayğındır, lakin siz bir çox restoranlarda "evdə hazırlanın" yeməkləri dada bilərsiniz. Polşa yeməklərinin əksəriyyəti zəngin və ətli olur, beləliklə əgər Polşa yeməklərindən zövq almaq istəyirsinizsə, kaloriləri unudun!

Təbiəti
Polşanın gözəl təbiəti vardır, xüsusilə dağlar və meşələri, neçə-neçə milli parkları ilə göz oxşayır. Məşhur dağ silsilələsi olan Tatra Polşa və Slovakiya ərazisində yerləşir. Ölkənin ən hündür zirvəsi (2499 m) məşhur kurort zonası olan Zakopanedə yerləşir. Qış aylarında qarla bağlə fəaliyyətlər, yay aylarında isə dağçılıq geniş yayılmışdır. Ziyarətçilər ənənəvi taxta evlərdə qalmaqdan və suvenirlər almaqdan zövq alır.

Qiymət

Digər Avropa ölkələri ilə müqayisədə Polşa çox da baha deyil. Polşanın iqtisadi vəziyyəti son 10 ildə daha da yaxşılaşıb. Hazırda Polşa restoranlarında gözəl bir milli mətbəx yeməyi və pivəni sadəcə 10 dollara yeyə bilərsiniz.

b]Alış-Veriş[/b]
Yuxarıda qeyd etdiyimiz kimi, Polşada qiymətlər olduqca münasibdir, bu isə ziyarətçilərin alış-verişdən zövq almaları üçün olduqca əlverişli fürsət yaradır. Bir çox insanlar meydan bazarından ənənəvi sənət əşyaları almağı üstün tutur. Polşa həmçinin bir çox mağazalarda satılan Kəhrəba daşı ilə də məşhurdur.

İnsanları
Polşa əhalisi ilk baxışdan olduqca utancaq görünsə belə bir dəfə danışmağa başladıqdan sonra kifayət qədər mehriban olduqlarını görəcəksiniz. Onlar isti, təvazökar və səxavətli, yaxşı yumor hissi olan insanlardır. Və bir ölkəni bəyənilən edən nədir? Əlbəttə ki, insanları!
*Polşanın milli valyutası: zlotı
*Polşanın əhalisi: 38,4 milyon nəfər
*Polşanın telefon kodu: +48
*Polşanın saat qurşağı: UTC+1. CET
*Polşa Respublikasının dili: polyak dili
*Polşa- Nikolay Kopernik, Frederik Şopen, Lex Valensa və Roma papası ll İoann Pavelin vətənidir.
*Polşa 2004-cü ildən Avropa İttifaqına, 2007-ci ildən isə Şengen zonasına daxildir.
*Polşa əhalisinin etnik tərkibi zəngin deyil. Əhalinin 99%-i polyaklardır.
*Polşa üzərində tanınmış tarixi şəxsiyyətlərin əks olunduğu pryanikləri ilə məşhurdur.
*Polyakların 90%-i katoliklərdir.
*Polşada abortlar qadağandır.
*Polşa dövlətinin ərazisində xristianlıq X əsrdə bərqərar olub.
*Hər ilin iyun ayının sonu-iyul ayının əvvəlində Polşada Dəniz günü qeyd olunur.
*Polşa xeyli sayda mineral və müalicəvi suları ilə öyünə bilər.
*Polyak mətbəxinin əsas təamı biqosdur (ətli pörtlədilmiş kələm).
*Avropa İttifaqı ölkələrinin əhalisi arasında polyaklar daha böyük ailəyə malikdirlər.
*Polşa katolik kilsəsi rəsmi nigahları qeydiyyata ala bilər.
*Polşada məktəb sistemi 3 pilləyə bölünüb: Podstawówka---aşağı siniflər (1-6-cı siniflər), gimnazjum---7-9-cu siniflər, liceum---yuxarı siniflər (10-12). Onlar əsas etibarilə müxtəlif binalarda yerləşirlər və növbəti mərhələyə keçiddə məktəblilər yalnız binalarını deyil, kollektivlərini də dəyişirlər.
*Polyakların 90%-i minimum orta təhsilə malikdirlər. Bu, Avropada ən yüksək göstəricilərdən biridir.
* "Sto lat!"---ad günləri,toy və digər bayram tədbirlərində səslənən ənənəvi mahnıdır.
*Polşa Avropa dulusçuluğunun mərkəzidir.
*Rusiyada sifilisi "polyak xəstəliyi" adlandırırdılar.
*Polyak Konstantin Rokossovski SSRİ marşalı olmaqla yanaşı Polşanın da marşalı adını daşıyırdı.
*İctimai nəqliyyatda ödənişsiz gedə bilərlər: 7 yaşına kimi uşaqlar, fəxri donorlar (18 litrdən artıq qan verənlər), 70 yaşından yuxarı olanlar, həmçinin baqaj,velosipedlər və ev heyvanları
*Yeməkdən sonra hamıya təşəkkür etmək bəyəniləndir
*Hər il ənənəvi olaraq Vrotslavda orta əsr mədəniyyəti festivalları baş tutur: orta əsr rəqsləri, cəngavər atları ilə yürüş, kamandan ox atma və s.
*Polşa 16 voyevodluqlara bölünür. Voyevodluqların özləri povyatlara, povyatlarsa qminalara ayrılır.
*Polşada 23 milli park, 1200-yə yaxın qoruq və quşlar üçün 100-dən artıq qoruq mövcuddur.
*Polşada ən populyar idman növü futboldur.
*Polşada işıqforun sarı işığını narıncı adlandırırlar.
*Varşavada sirk yoxdur.
*Tələbələrin tədris ili oktyabrdan başlanır.
*Polyak Vikipediyasının məlumatına əsasən, paytaxtda 47 teatr və yalnız 36 kinoteatr fəaliyyət göstərir.
*Polyak dilində ali təhsil almaq bir çox təhsil müəssisələrində ödənişsiz həyata keçirilir ( o cümlədən əcnəbilər üçün).
*Polşa ərazisində ağ leyləklərin ən böyük populyasiyası mövcuddur
*Polşada metro yalnız Varşavada fəaliyyət göstərir.
*Polyak dili danışanların sayına görə ən geniş yayılan 3-cü slavyan dilidir ( Ukrayna və rus dillərindən sonra).
*Dünyada polyakların ən çox yaşadığı 2-ci şəhər Çikaqodur.
* "Tanya" sözü polyak dilindən tərcümədə "ucuz, yüngül" deməkdir. Bu adı daşıyan xanımlar yaxşı olar ki, özlərini Tatyana kimi təqdim etsinlər.
*Xüsusi olaraq futbol üzrə Avro-2012 üçün inşa etdirilən Varşavanın milli stadionu Şərqi Avropanın ən böyük bazarının yerində ucaldılıb.
*Polşa məktəblərində buraxılış ballarının məcburi ilk rəqsi Polonezdir.