Yerli turizmin inkişafına mane olan "bələdçi" adlı işbazlar - ARAŞDIRMA + FOTO

Yerli turizmin inkişafına mane olan Yerli turizmin inkişafına mane olan "bələdçi" adlı işbazlar - ARAŞDIRMA + FOTO
Azərbaycanda turizm sektorunun inkişaf etdiyini, lakin hələ də problemli sahə olduğunu demək olar ki, heç kim danmır. Bu problemlərdən biri də turizm şirkətlərinin özü üçün də narahatlığa çevrilmiş işbaz bələdçilərdir. Söhbət sadəcə öz işini görən, yəni turistlərə bələdçilik edən şəxslərdən getmir. Əsl problem restoranlar və hotellərlə əlbir olub turisti aldadan, özü isə yaxşı qazanc əldə edən bələdçilərdir.
Onların turizm şirkətlərinə hansı problemi yaratdığını öyrənmək qərarına gəldik.
"Report"a mövzu ilə bağlı fikirlərini çatdıran ölkədə fəaliyyət göstərən turizm şirkətlərinin birinin rəhbəri Əziz Şiriyev bildirib ki, bu məsələ onlar üçün də olduqca narahatvericidir:
"Azərbaycanda turizm sektorunda işləmək prinsipi hələ oturuşmayıb. Türkiyə qonşu ölkə olsa da, oradan nümunə götürmək istəmirlər. Bizdə hər hansı bir bələdçi turizm şirkəti ilə əməkdaşlıq edir, sonra həmin şirkətin müştərilərinə deyir ki, "turizm şirkəti ilə çalışmaq mənasızdır, mən sizə daha ucuz qiymətə xidmət edəcəyəm. Müştərinin də marağında daha az pul xərcləməklə eyni şeyləri əldə etmək olduğu üçün razılaşır. Problem ondadır ki, həmin bələdçilər peşəkar deyillər. Yaxşı bələdçi Azərbaycan tarixini, coğrafiyasını mükəmməl bilməlidir. Ünsiyyətdə olduğu xarici dildə səlis danışmalıdır. Bundan əlavə, bələdçi həm də vətənpərvər olmalıdır.
Restoran və hotel üçün müştərini kimin gətirməsinin heç bir fərqi yoxdur. Peşəkar turizm şirkətinin və ya yoldan keçən kiminsə gətirməyindən asılı olmayaraq, onlar üçün əsas odur ki, müştəri gəlsin".
Yerli turizmin inkişafına mane olan Şirkət rəhbəri həmin bələdçilərlə restoran rəhbərləri arasında olan anlaşma haqqında da məlumat verib:
"Bələdçi ilə restoran arasında belə anlaşma olur: şəhərdə olan restoranlar 10%, dənizkənarı restoranlar, balıq verilən məkanlar isə 15% komissiya verirlər. İki cür işləmə prinsipi var. Birincisi, fiks menyu üzərindəndir. Məsələn, əvvəlcədən menyu danışılır və qiymət hesablanır. Məsələn, bir adam üçün 30 manat hesab nəzərdə tutulur.
İkinci variant isə seçimi tamamilə müştərinin ixtiyarına buraxır. Hesab gələndə də bələdçi buradan öz faizini götürür. Hesab 1 000 manat gələndə onun 10%-i bələdçiyə verilir. Təbii ki, restoran da bələdçinin pulunu menyudan çıxarmış olur. Nəticədə də ziyan turistlərə dəyir, onlar artıq pul ödəmiş olurlar.
Hotellər isə peşəkar turizm şirkətinə də otağı korporativ qiymətinə - 60 manatdan verir, yoldan keçən bələdçiyə də. Bu halda da turizm şirkətləri satış edə bilmirlər".
Ə.Şiriyev öz təcrübəsi vaxtı rastlaşdığı hadisə ilə də bölüşüb:
"Bu gün bizim şirkət bir futbol klubunu 32 nəfər heyətlə Zaqatalada hotelə yerləşdirib. Sabah da Gəncədə olacaqlar.
Hotel mənə təqdim etdiyi qiyməti kluba da verir. Hotelin nümayəndəsi onlara deyib ki, siz nəyə görə turizm şirkəti ilə işləyirsiz, elə gəlin, birbaşa bizimlə işləyin. Bu da turizm sektoru üçün böyük problemdir. Turizm şirkətlərinin ayaqda durması üçün çətinlik yaranır".
Deyilənləri adını açıqlamaq istəməyən bələdçi təsdiqlədi:
"Şəhərin mərkəzində bələdçiyə yaxşı faiz (20-30 %) verən bir neçə restoran var. Bundan əlavə, qonaqlara verilən yeməyi də bələdçiyə pulsuz verir. Restoranda hesab nə qədər olsa, bələdçi ilə restoran arasında danışılan komissiya ödənilir. Məsələn, 500 manat hesab gəlib. Restoran servis haqqı kimi 10 % üstünə gəlir. Yəni 500 manatın üstünə 50 manat da qoyur. Amma bələdçi öz 20 və ya 30 %-ni 500 manatdan alır".
Müsahibimiz hotellərin də bu prinsiplə işlədiyini bildirib:
"Əgər bələdçi zəng etsə, hoteldən ona otağın qiymətini aşağı deyirlər.
Məsələn, 70 manatlıq otaqdırsa, 60-a ya da 50-yə deyirlər. Baxır, nə qədər otaq sifariş ediləcək. Bələdçi hotelə mütəmadi olaraq müştəri gətirir deyə, aşağı qiymətə deyilir. Müştəri özü getsə, və ya başqası olsa, hotel bələdçiyə dediyi qiyməti vermir. Hotel bələdçiyə gətirdiyi qonaqların gecəsinə görə 20 manat verir. Amma hotellərlə əvvəlcədən danışmaq lazımdır ki, boş otaqlar olsun".

Tarix: 14 Sep 2022

Ümumi

Aİ-nin 9 ölkəsi Rusiya vətəndaşlarına viza verilməsini - DAYANDIRIB

Avropanın doqquz ölkəsi – Latviya, Litva, Estoniya, Polşa, Çexiya, Slovakiya, Danimarka, Belçika və Niderland rusiyalı turistlərdən sənəd qəbulunu dayandırıb. xəbər verir ki, bu barədə TASS agentliyi Rusiya turist operatorlar

Azərbaycanda kənd qonaq evlərinə birgə nəzarət mexanizmi - HAZIRLANACAQ

Postpandemiya dövründə turizm sahəsinin inkişaf perspektivləri, bu sektorda işsiz olan şəxslərə, eləcə də iş axtaran sahibkarlara dəstək mexanizimlərinin hazırlanması, regionlarda yerləşən turizm obyektlərində məşğulluğu

Yerli turistlər ən çox hansı bölgəyə səfər ediblər?

Yerli turistlər ən çox hansı bölgəyə səfər ediblər? . 2021-ci ildə daxili səfərlərin ən çox təşkil edildiyi şəhərlərin adları açıqlanıb. Bu barədə  -a Dövlət Turizm Agentliyindən xəbər verilib. Bildirilib ki, ən çox ziyarə

Rusiyalı turist "təzadlar şəhəri" Bakıya heyran qaldı: "Mütləq qayıdacağam!"- FO

Rusiyalı turist "təzadlar şəhəri" Bakıya heyran qaldı: "Mütləq qayıdacağam- FOTO. "İçərişəhər, sadəcə, heyrətamizdir, atmosferlidir, mükəmməl cilalanmış yox, canlıdır. Keçmiş SSRİ ölkələrindən mən yalnı

AZAL-da yeni TƏYİNAT

AZAL-da yeni TƏYİNAT. Nərmin Xəlilova Paşa Kəsəmənskinin rəhbərlik etdiyi "Azərbaycan Hava Yolları" QSC-nin İctimaiyyətlə əlaqələr xidmətinin mətbuat katibi vəzifəsinə təyin edilib. Bu barədə "Azərbaycan Hav

Tayvan çox sayda dövlətə vizasız girişi bərpa etdi

Tayvan çox sayda dövlətə vizasız girişi bərpa etdi. Tayvan koronavirusla əlaqədar üç günlük karantin şərti ilə bəzi ölkələrin sakinləri üçün vizasız girişi bərpa edib. ABŞ, Böyük Britaniya, Avropa İttifaqı ölkələri, Avstraliya

Turoperator və turagentlərin mülki məsuliyyətinin sığortası üzrə minimum məbləğlər müəyyənləşib - Sİ

Dövlət Turizm Agentliyinin Kollegiyası "Turoperator və turagentlərin mülki məsuliyyətinin sığortası üzrə sığorta məbləğinə dair minimum tələblər"i təsdiqləyib. xəbər verir ki, bu tələblər turoperator və turagentlə

AZAL-ın təyyarəsi Şərqi Zəngəzurda ilk hava limanına texniki eniş icra etdi - FOTO/VİDEO

AZAL-ın təyyarəsi Şərqi Zəngəzurda ilk hava limanına texniki eniş icra etdi - FOTO Sentyabrın 9-da "Azərbaycan Hava Yolları"nın ən böyük sərnişin təyyarəsi "Airbus A340-500" ilk texniki uçuşunu müvəffəqiyyətl

Paris-Sinqapur təyyarəsi Bakı hava limanında təcili eniş edib

Paris-Sinqapur təyyarəsi Bakı hava limanında təcili eniş edib. Paris-Sinqapur təyyarəsi Bakı hava limanında təcili eniş edib. Bu barədə -a Heydər Əliyev Beynəlxalq Aeroportunun Mətbuat xidmətindən bildirilib. "Singapor