Aya bənzəyən lüks otel tikiləcək - 5 MİLYARD DOLLAR XƏRCLƏNƏCƏK

Birləşmiş Ərəb Əmirliklərinin Dubay şəhərində Yerin peyki olan Aya bənzəyən lüks otel tikiləcək.
FED.az xəbər verir ki, Kanadanın memarlıq şirkəti tərəfindən layihələndirilən strukturun hündürlüyü 225 metr olacaq. Bu otel həm də ticarət mərkəzi kimi dizayn edilib.
Dubaydakı "Aya" ildə 10 milyon turist cəlb edilməsi hədəflənir.
Dizaynın orijinallığını artırmaq istəyən memarlar binaya astronavtlar üçün təlim mərkəzi əlavə ediblər. Həmçinin ayda 144 mənzil olacaq.
Tikintisinin təxminən 2 ilə başa çatdırılması planlaşdırılan layihənin dəyəri 5 milyard dollardan çoxdur. (Marja)