Azərbaycandan turist axını 2 dəfəyə yaxın - ARTIB

Bu ilin yanvar-avqust aylarında Azərbaycandan xaricə gedən ölkə vətəndaşlarının sayı ötən ilin eyni dövrü ilə müqayisədə 1,8 dəfə artaraq 983 min nəfər olub.
FED.az xəbər verir ki, bu barədə Dövlət Statistika Komitəsi məlumat yayıb.
Məlumata görə, son 1 ildə İrana gedən vətəndaşların sayı 3,4 dəfə, Türkiyəyə gedənlərin sayı 1,8 dəfə, Gürcüstana gedənlərin sayı 1,8 dəfə, Rusiyaya gedənlərin sayı isə 1,2 dəfə artıb.
Ölkə vətəndaşlarının 48 %-i Türkiyəyə, 17%-i Rusiya Federasiyasına, 11,4 %-i İrana, 8,4 %-i Gürcüstana, 15,2 %-i digər ölkələrə səfər edib. Gedənlərin 63,9 %-ni kişilər, 36,1 %-ni qadınlar təşkil edib. (Report)