"Buta Airways" Səudiyyə Ərəbistanına uçuşlar yerinə yetirməyə başlayır

"Buta Airways" Səudiyyə Ərəbistanına uçuşlar yerinə yetirməyə başlayır"Azərbaycan Hava Yolları" QSC-nin (AZAL) aşağıbüdcəli törəməsi - "Buta Airways" Səudiyyə Ərəbistanının iki şəhərinə - Ər-Riyad və Dammama xüsusi reyslər yerinə yetirməyə başlayır. Məlumata görə, Ər-Riyada reyslər noyabrın 27-dən etibarən hər həftənin şənbə günləri, Dammama isə reyslər noyabrın 26-dan etibarən hər həftənin bazar ertəsi və cümə günləri həyata keçiriləcək.
Ölkədəki epidemioloji vəziyyətlə əlaqədar tətbiq olunan məhdudiyyətləri və qaydaları nəzərə alaraq aviaşirkət biletləri yalnız iki tarif üzrə təklif edir - "Standart" və "Super". Hər iki tarifə ödənişsiz olaraq yer seçimi və hava limanında qeydiyyat daxildir. Həmin reyslərə biletləri daşıyıcının rəsmi saytından ("Super" və "Standart" tarifləri üzrə), həmçinin aviaşirkətin akkreditə olunmuş agentliklərindən (yalnız "Super" tarifi üzrə) əldə etmək mümkündür.
Aviabiletlərin dəyəri 55 avrodan başlayır.
Pandemiya dövründə qeyd edilən reyslərə həm gediş, həm gəliş zamanı Heydər Əliyev Beynəlxalq Aeroportunun 1-ci Terminalında xidmət göstəriləcək.
Reyslərə yalnız COVID-19 pandemiyası səbəbindən tətbiq edilən məhdudiyyətlər şəraitində uçuş icazəsi olan sərnişinlər kateqoriyası qəbul olunacaq.
Səudiyyə Ərəbistanına səyahət etməyi planlaşdıran Azərbaycan vətəndaşları bu ölkə ərazisinə giriş hüququna malik olmalıdırlar. Pandemiya dövründə Səudiyyə Ərəbistanına giriş qaydaları ilə aviaşirkətin saytında tanış ola bilərsiniz: https://www.butaairways.az/az/covid/saudi-arabia
Azərbaycanda COVID-19-a dair testdən keçmək üçün klinikaların siyahısı aviaşirkətin rəsmi saytında təqdim edilib: https://www.butaairways.az/az/covid/clinics
Sərnişin Səudiyyə Ərəbistanının şəhərlərindən Azərbaycana uçuş zamanı COVID-19-a dair testi dövlətin akkreditə etdiyi və PCR-testi üsulu ilə analiz götürən istənilən klinika və yaxud laboratoriyada verə bilər. Arayışda onun həqiqiliyini təsdiq edən QR-kodun olması tövsiyə edilir. Belə kodun mövcudluğu hava limanında rəsmiyyət prosedurlarından daha sürətli keçməyə kömək edəcək.
COVID-19 testinin nəticəsi uçuşdan əvvəl 72 saat ərzində etibarlı olmalıdır.

Tarix: 19 Nov 2021

Ümumi

Bakı-Əl-Küveyt aviareysi açılıb

"Azərbaycan Hava Yolları" aviaşirkəti (AZAL) Heydər Əliyev Beynəlxalq Aeroportundan Küveytin paytaxtı Əl-Küveyt şəhərinə və geriyə xüsusi reyslər yerinə yetirəcək. Bakı-Əl-Küveyt-Bakı marşrutu üzrə birbaşa reysləri

Odessa-Gəncə aviareysinin açılışı dekabrın 6-dək təxirə salınıb

Bu ilin dekabrın 6-dan etibarən Ukraynanın "Bees Airline" aşağıbüdcəli (loukoster) aviaşirkəti Azərbaycana ilk uçuşunu həyata keçirəcək. Aviadaşıyıcı "Odessa" beynəlxalq hava limanından Gəncəyə uçuşla

Rusiyaya uçan aviaşirkətlər biletləri QR kodla satacaq

Təkcə Rusiya deyil, həm də ölkəyə reyslər həyata keçirən xarici aviaşirkətlər biletləri QR kodlardan istifadə etməklə satmalı olacaqlar. Bu barədə məlumatı Rusiyanın Nəqliyyat Nazirliyi yayıb. Dövlət Dumasına təqdim edilə

Pekinə təyyarə reyslərinin sayı azaldılır

Çin hökuməti paytaxt Pekinə təyyarə reyslərini azaltmağa qərar verib. Məqsəd koronavirusa yoluxmaların minimuma endirilməsidir. Hökumət olimpiya oyunları ərəfəsində yoluxmaların artacağından ehtiyatlanır. Buna görə də Covi

İşğaldan azad edilən ərazilərə 2025-ci ilədək 1 milyon turistin səfəri planlaşdırılır

2025-ci ilə qədər təxminən 1 milyon yerli və xarici turistin işğaldan azad olunan ərazilərə səfəri planlaşdırılır ki, bu da kifayət qədər böyük maliyyə vəsaiti deməkdir. Bu barədə Azərbaycan Dövlət Turizm Agentliyinin Aparatını

Filippin peyvənd olunmuş turistlərin ölkəyə girişinə icazə verib

Filippin hakimiyyəti COVID-19-a qarşı tam peyvənd olunmuş turistlərin ölkəyə girişinə icazə verib. Yaşıl siyahıda olan ölkələrin vətəndaşlarının ölkəyə girişi qaydalara ciddi şəkildə riayət etməklə həyata keçirikləcək. B

Gələn il turizm sektoru iqtisadi artımın aparıcı qüvvəsi olacaq

Turizm sektorunun 2022-ci ildə də iqtisadi artımın aparıcı qüvvəsi olacağı proqnozlaşdırılıb. Bu, Hesablama Palatasının "Azərbaycan Respublikasının 2022-ci il dövlət büdcəsi" layihəsinə rəyində əksini tapıb. Beləliklə

Dağıstanın qədim aulunda turizm kompleksi açılacaq

Dağıstanın qədim Çox aulunda (Qunib rayonu) bütün mövsümlük "Çox-Rosso" turizm kompleksi açılacaq. Bu barədə respublikanın turizm və xalq sənətləri üzrə regional naziri vəzifəsini icra edən Emin Mərdanov xəbər verib

Azərbaycanın qış turizm mərkəzlərində bir sıra yeniliklər tətbiq edilib

Azərbaycanda qış turizm mərkəzlərində bir sıra yeniliklər tətbiq edilib. Bu barədə Trend-in sorğusuna cavab olaraq Turizm Bürosunun turizm sənayesi və destinasiyanın inkişafı departamentinin direktoru İlkin Cavadov məluma