Ən bahalı hotellər
Yaxşı istirahət etmək fikrində olan turistlər təkcə gözəl ölkələri seçməklə kifayətlənmirlər, eyni zamanda, gözəl, ən yaxşı hotelləri də seçirlər. Təbii ki, hər kəs imkanına uyğun davranmağa çalışırlar. Maddi vəziyyəti əla olanlar bahalı hotellərə üstünlük verirlər. Bu yazıda sizə dünyanın ən bahalı hotellərindən bəhs edəcəyik...
Burj Al Arab - Kral Otağı
Burj Al Arab hotelinin kral nömrəsi əvvəlcə qonaqlarına rahatlanmaq üçün luks bir duş təqdim edir. Krallara layiq otaq, cakkuzi, xüsusi xidmətçi və 24 karatlıq qızıl ilə örtülü iPad ilə internetə giriş imkanı təqdim edir. Burj Al Arab otelinin ən unikal xüsusiyyətlərindən biri də dəniz altında olan restoranı Al Maharadır. Hoteldə həmçinin bir gecəlik kirayə kostyumlar da var. Qiyməti 2000 dollardan başlayır
Ritz Carlton Tokio - Kral Otağı
Şəhərin ən yüksək binasının 53-cü mərtəbəsində yerləşən otaqdan Shinjukunun ən gözəl mənzərələrini görmək mümkündür. Bu oteldə mərmər hamam, 16 nəfərlik yemək otağı və kral yatağı var.
Plaza Otel - Plaza Kral suit
Nyu-Yorkun məşhur Plaza hoteli qonaqlarına super bir kral nömrəsi təqdim edir. Otelin ən bahalı paketi bir gecəlik 30.000 dollardır. Plaza hotelində olan bu lüks otaqdan şəhərin ən gözəl mənzərəsi görünür və otaqda 3 yataq otağı və 3 hamam yerləşir. Bundan başqa otaqda əyləncə otağı, pianino, 12 qonaqlıq yemək otağı, xüsusi kitabxana və bilyard salonu var.
Laucala Island Oteli
Fici adasında yerləşən bu lüks hotel nömrəsi 40.000 dollara möhtəşəm bir paket təqdim edir. Bu siyahıdakı digər otellərdən fərqli olaraq hər şey qiymətə daxildir. Bu xüsusiyyətlərin arasında şampan, hovuz və hətta spa da var. Burada qalmaq üçün əvəlcədən qeydiyyatdan keçməli və sizi dəvət etmələrini gözləməlisiniz.
Palms Casino Otel - Sky Villa
Las Veqasda yerləşən bu hotel 40.000 dollara inanılmaz bir paket təqdim edir. Otağınız möhtəşəm Vegas Stripə baxır. 836 kvadrat metr sahəsi olan bu villada xüsusi bir şüşə lift, fitness salonu, masaj otağı və sauna və bununla yanaşı 24 saatlıq xidmətçi xidməti, 12 nəfərlik cakkuzi hovuzu var.
Grand Resort Lagonissi
Afinada yerləşən Grand Resort Lagonissi Egey dənizinin mənzərəsinə açılır. Villanın isə özünə məxsis hovuzu var. Gecəlik 45.000 dollara olan nömrənin buxar vannaları belə var. Bundan başqa nömrədə böyük ölçülü mərmər hamam və özünəməxsus iki yataq otağı da var.
