Qazaxda Gəzməli yerlər

Digər bölgələrimiz kimi, Qazaxın da öz gözəllikləri var. Buna görə də həm yerli, həm də xarici turistlər imkan tapıb bu şəhərə də baş çəkirlər. Turlar.az saytı sizi Qazaxda gəzməli yerlər ilə tanış edir. Qazaxda gezmeli yer çoxdur. Biz sizə ən vacibləri təqdim edirik.

Qazax şəhəri

Qazax şəhərinin özünə baş çəksəniz, peşman olmazsınız. Burada tarixdiyarşünaslıq muzeyi, Qazax Dövlət Rəsm Qalereyası, M.P.Vaqif və M.V.Vidadinin xatirə muzeyi, Cümə məscidi, (tarixi memarlıq abidəsi), İsrafilağa hamamı (tarixi memarlıq abidəsi), Seminariya (tarixi abidəsi), Mütəfəkkirlər parkı, İsmayıl Şıxlının heykəli, ana və uşaqların əylənmələri üçün park, Heydər parkı və Heydər Əliyev Elm Mərkəzi, Olimpiya kompleksi, Dədə Qorqud monumental abidə kompleksi, Dilboz atın heykəli, İdman Sağlamlıq kompleksi ilə qarşılaşacaqsınız.

Qırmızı Körpü

Qırmızı körpü istiqaməti üzrə hərəkət etsəniz, Qazaxda S.Vurğunun poeziya evi (monumental xatirə, Yuxarı Salahlı), M.P.Vaqifin 1947-ci ildə qoyulmuş heykəli (Yuxarı Salahlı), Hacı Mahmud əfəndinin türbəsi (Aslanbəyli), Hacı Mahmud əfəndinin yaşadığı evi və Məscid (Aslanbəyli), M.V.Vidadinin qəbirüstü abidəsi (Birinci Şıxlı), İtaliyanın Milli qəhrəmanı Tahir İsayevin ev muzeyi (Birinci Şıxlı), Qırmızı Körpü (XII əsr tarixi memarlıq abidəsi, İikinci Şıxlı) ilə tanış olacaqsınız.

Vəlixan meşəsi

Qazax - Ağköynək - Xanlıqlar istiqaməti üzrə hərəkət edənlər Nohur bulağı (Ağköynək), Vəlixan meşəsi, Ağstafa çay su anbarı (Cəfərli), Kar qaya, Didivan qülləsi, Bayram bulağı, Babadərviş yaşayış məskəni, Türbə memarlıq abidəsi ilə qarşılaşmaq imkanı əldə edəcəklər. Buralar Qazaxda ən gəzməli yerlər hesab olunurlar.

Göyəzən qalası

Qazax - Daş Salahlı - Abbasbəyli istiqaməti üzrə də hərəkət edə bilərsiniz. Bu zaman sizi Damcılı bulağı, Təbiət abidəsi, Damcılı məbədi, Mağara, Məmmədkoxa bulağı, Koroğlu məbədi, Alban məbədi, Daş su anbarı, Coğaz gölü, Göyəzən dağı və Göyəzən qalası qarşılayacaq.