Masallıda Gəzməli yerlər
Yerli və xarici turistlərin maraqla səfər etdikləri bölgələrimizdən biri də Masallıdır. Cənub bölgəsində Masallının özünəməxsus yeri var. Turlar.az saytı sizə Masallının gəzməli yerlərini təqdim edir.
Yanardağ
Masallı-Yardımlı yolunun üzərində, Viləşçayın yaxınlığında yerləşən Yanardağ adlanan ərazi möcüzəli ab-havası ilə insanı öz sehrinə salır. Ərazinin bu cür adlandırılması burada yüzillər boyu alovlanan bulaq və dağın olmasından irəli gəlir. Bu suyun tərkibində kükürd olduğuna görə alov dəyən kimi o, yanmağa başlayır. Belə ki, əraziyə daxil olduqda yerdən birbaşa çıxan kükürd tərkibli isti suyun dumanı sizi qarşılayır. 200 pillə qalxdıqdan sonra yanan daşlar və birbaşa yerdən çıxan alovu təbiətin bir möcüzəsi kimi dəyərləndirmək olar. Hazırda bu ərazidə eyni adda "Yanardağ" İstirahət Mərkəzi fəaliyyət göstərir ki, burada termal vannalardan istifadə edə bilərsiniz. Burada insanlar ayaq ağrılarından, həmçinin bir çox başqa xəstəliklərdən qurtulmaq üçün bulaqdan istifadə edirlər. Yanar bulaqdan axan su müalicəvi sayılır. Yanardağ Masallinin gezmeli-gormeli yerleri sırasında özünəməxsus yer tutur.
İstisu
Həmçinin Masallıda sağlamlıq və müalicə imkanları baxımından Masallı İstisu Sağlamlıq Mərkəzinə də üz tuta bilərsiniz. İstisu Şəfa Sanatoriyası Masallı şəhərindən 13 kilometr aralıda, dəniz səviyyəsindən 1650 metr yüksəklikdə qərar tutmuş Dəmbəlov dağının döşündə, Viləş çayının sahilində yerləşir. Tərkibində hidrogen-sulfid, natrium-xlor kalsium, maqnezium-hidrokarbonat və hər litrində 30 milliqram yod var. Yerin çox dərin qatlarından 60 dərəcədən də yuxarı isti halda məhlul çıxır. Bu məhlul xəstəlikləri dava-dərmansız sağaldır. Qədim dövrlərdən yerli sakinlər bu sudan müalicə kimi istifadə ediblər.
Mərkəz daxilində qonaqların rahat seçimi üçün iki müxtəlif sanatoriya fəaliyyət göstərir. Bu yer Masallıda ən böyük və qədim isti su sanatoriyasıdır. Digər isti su mənbəyi olan məkanlardan fərqli olaraq, burada xırda ölçüdə olan isti su vannaları ilə yanaşı, açıq hava altında olan böyük isti su hovuzu da var. Ərazidə, həmçinin müalicə qəbul etmək üçün müayinə-müalicə məntəqələri və həkim personalı da qonaqların ixtiyarındadır. Müxtəlif masaj və fizioterapiya prosedurlarıdan da yararlana bilərsiniz.
Sübut olunub ki, Dəmbəlov dağının döşündən çıxan isti su ilə revmatizm, oynaq ağrıları, artroz kimi fəsadları, pisarioz, germatit, neyrodermit, göbələk xəstəliyi, ekzema, böyrək və sidik yolları xəstəlikləri – pielit, uretrit, piolonefrit, habelə radikulit, prostatit, hipertoniya, qara ciyər xəstəlikləri və öd xəstəlikləri, qadın xəstəlikləri, mədə-bağırsaq ağrıları, travmatik ağrılar müalicə oluna bilər.
Masallida gezmeli yerler bununla kifayətlənmir. Biz sizə Masallıdakı ən məşhur məkanlardan bəhs etdik.
