Rusiyanın daha bir aviaşirkəti Bakıya birbaşa reyslərə başlayıb

Rusiyanın daha bir aviaşirkəti Azərbaycana birbaşa reyslər həyata keçirməyə başlayıb. "Azimut" aviaşirkəti yanvarın 21-dən etibarən Rostov-Bakı-Rostov marşrutu ilə uçuşlara başlayıb.
Reyslər həftədə bir dəfə, cümə günləri keçirilir.
"Təyyarə Rostovdan saat 8-də çıxır, Bakıda 11:10-da eniş edir. Bakıdan 12:10-da havaya qalxan təyyarə isə saat 13:15-də Rostova çatır", - deyə hava limanından bildiriblər.
Qeyd edək ki, Rostovdan Bakıya, həmçinin "Nordwind" aviaşirkəti həftədə bir dəfə uçuşlar həyata keçirir.