Şəkil çəkdirməyin qadağan olunduğu məşhur turistik məkanlar - SİYAHI
Şəkil çəkdirməyin qadağan olunduğu məşhur turistik məkanlar - SİYAHI
Görüntülərini çəkməyin qadağan olunduğu turistik məkanların siyahısı hazırlanıb.
Bu barədə "Zvezda" xəbər verib.
Bildirilir ki, Böyük Britaniyanın paytaxtına səyahət edənlər Keyt Middlton və Şahzadə Uilyamın toy mərasiminin keçirildiyi Vestminster abbatlığının daxilini çəkə bilməzlər. Bu, kilsənin fəaliyyətdə olması və fotonun flaş işığının ibadətə mane ola bilməsi ilə izah edilib.
Parisdə də eyni səbəbdəen Sakre-Kör Bazilikasının daxilində foto çəkmək olmaz.
Fransa paytaxtında Eyfel qülləsinin gecə vaxtı fotosunu çəkmək də qadağandır. Bu, müəllif hüququ ilə qorunan işıq şousu səbəbiylə yasaqlanıb.
Amsterdamda Van Qoq Muzeyinin və Anna Frankın Evinin içini, Vatikanda Mikelancelonun əsərinin yer aldığı Sikstin kapellasının tavanını, Misirdə Krallar Vadisində flaşla şəkil çəkdirmək qadağandır. Qadağa fotoaparatın flaşının sənət əsərlərinə mənfi təsiri ilə izah edilib.
Taylandın məşhur May Kao çimərliyində eniş edən təyyarələrin fonunda selfi çəkdirməyə icazə verilmir.
Həmçinin Yaponiyanın Kyoto şəhərində turistlər qeyşaların şəklini çəkə bilməzlər. Qadağaları pozanları külli miqdarda cərimə gözləyir. /oxu.az
