"Silk Way Group" pandemiya zamanı tibbi yüklərin aviadaşınması üzrə 100-dən çox çarter reysi həyata keçirib

"Silk Way Group" pandemiya zamanı tibbi yüklərin aviadaşınması üzrə 100-dən çox çarter reysi həyata keçirib"Silk Way Group" pandemiya zamanı tibbi yüklərin aviadaşınması üzrə 100-dən çox çarter reysi həyata keçirib
COVID-19 pandemiyası dünyada baş verən bir sıra proseslərin gedişatına, o cümlədən yük daşınması sahəsində ciddi dəyişikliklərə səbəb olub. Belə şəraitdə təcili və təhlükəsiz şəkildə icra edilən hava yük daşımalarına tələbat olduqca artıb.
"Silk Way Group" koronavirus pandemiyası zamanı Azərbaycan Respublikası hökumətinin bütün təşəbbüslərini dəstəkləmək məqsədilə fərdi qoruyucu vasitələr və tibbi avadanlıqların hava gəmiləri ilə nəql edilməsini dəfələrlə həyata keçirib. Qeyd etmək lazımdır ki, pandemiya şəraitində "Silk Way Group"un təyyarələri tibbi təyinatlı yüklərin MDB, Mərkəzi və Şərqi Avropa, Asiya, eləcə də Şimali və Cənubi Amerika ölkələrinə çatdırılması üzrə 100-dən çox çarter reysi icra edib.
"Silk Way Group" 14 iyul 2006-cı ildə hava yük daşımalarının həyata keçirilməsi ilə məşğul olan şirkətlərin idarə edilməsi məqsədilə yaradılmış, Heydər Əliyev adına Beynəlxalq Hava Limanının ərazisində yerləşən şirkətlər qrupudur.
İllər keçdikcə "Silk Way Group" genişlənib və tədricən yalnız aviasiya ilə deyil, həm də yük daşınması ilə əlaqəli olmayan sahələrdə fəaliyyət göstərən bir sıra törəmə şirkətləri öz adı altında bir araya gətirib. 2019-cu ilin sonunda şirkətlər qrupunun səhmdarı və rəhbərliyinin verdiyi strateji qərara əsasən yenidən qurulma prosesinə başlanılıb. "Silk Way Group"un bütün fəaliyyətlərini birbaşa hava yük daşımalarının həyata keçirilməsinə yönəltmək məqsədilə şirkətlər qrupunun əsas olmayan aktivlərinin satışı həyata keçirilib. Bu prosesin nəticəsi olaraq, "Silk Way Group" yük daşımalarının icrası və təyyarələrin uçuş qabiliyyətini təmin edən üç şirkətdən ibarət olub: "Silk Way Group", "Silk Way West" və "Silk Way Technics".
"Silk Way West"in əsası 2012-ci ildə qoyulub və hal-hazırda bu şirkət hər ay Avropa, Asiya, Şimali və Cənubi Amerika ölkələrinə 50-dən atrıq istiqamətdə 250-dən çox müntəzəm və çarter reyslərini həyata keçirir. Şirkətin aviaparkı ən qabaqcıl təhlükəsizlik sistemləri ilə təchiz olunmuş 12 "Boeing 747-400F" və "Boeing 747-8F" təyyarələrindən ibarətdir.
"Boeing" aviakonserninin məlumatına əsasən, 2016-ci ildə "Silk Way West" donanma böyüməsi dinamikası, uçuş coğrafiyasının genişlənməsi və daşınan yüklərin həcmi kimi meyarlara görə ən sürətli böyüyən aviadaşıyıcı kimi tanınıb. Bu gün bütün bu meyarlara görə aviaşirkət Avropada üçüncü yerdədir.
"Silk Way Airlines" - 2001-ci ildə yaradılmış, Avropa, Yaxın Şərq, Asiya və Afrika ölkələrinə müntəzəm çarter uçuşları həyata keçirən aviaşirkətdir. "Silk Way Airlines"ın donanması dünyanın hər yerinə uçuşlar üçün sertifikatlaşdırılmış tam yeni 5 İl-76TD və İl-76 PS-90 təyyarələrindən ibarətdir. Həmçinin, aviaşirkət BMT və ISAF (Beynəlxalq Təhlükəsizliyə Yardım Qüvvələri) proqramları çərçivəsində hava daşımaları ilə də məşğuldur. Bundan başqa, "Silk Way Airlines" ABŞ, İspaniya, İtaliya və Bundesver (Almaniya) Müdafiə Nazirlikləri üçün yük daşımalarının icrası üzrə xüsusi sertifikatlara malikdir.
"Silk Way Technics" şirkəti 2006-cı ildə qurulub, hava gəmilərinin istismarı və təmiri ilə məşğuldur. Şirkət müasir avadanlıqla təchiz olunmuş, bölgədəki ən böyük anqara və "Airbus", "Boeing", "Embraer", "Gulfstream", ATR kimi təyyarələrə texniki xidmət üzrə beynəlxalq standartlara uyğunluq sertifikatlarına sahibdir. Qeyd edək ki, "Silk Way Technics" şirkətinin yüksək ixtisaslı heyəti təkcə "Silk Way Group" və  Azərbaycan Hava Yollarının (AZAL) təyyarələrinə deyil, həm də MDB ölkələri, Avropa və Yaxın Şərqdən olan digər aviaşirkətlərin təyyarələrinə də xidmət göstərir. 
Bu gün "Silk Way Group" dinamik şəkildə inkişaf edir və gələcəyə dair yeni planlar qurur. Fəaliyyət göstərdiyi illər ərzində Azərbaycan iqtisadiyyatında qabaqcıl yerlərdən birini tutmağı bacaran şirkətlər qrupu bütün dünya üçün bu cür çətin dövrdə təkcə şəhərləri deyil, hətta qitələri birləşdirərək, hava yük daşımalarının sxemlərini genişləndirməyə davam edir. /oxu.az

Tarix: 24 iyul 2020

Ümumi

Turistlərə Rusiyada istirahət etmək müqabilində pul təzminatı ödəniləcək

Turistlərə Rusiyada istirahət etmək müqabilində pul təzminatı ödəniləcək. Rusiyada istirahət etmək istəyən turistlər pul təzminatı alacaqlar. "İzvestiya"nın məlumatına görə, bunu RF-in Baş naziri Mixail Mişusti

AZAL hər gün Bakıdan İstanbula uçuşlar həyata keçirəcək

AZAL hər gün Bakıdan İstanbula uçuşlar həyata keçirəcək. Milli aviadaşıyıcı – "Azərbaycan Hava Yolları" QSC (AZAL) avqustun 1-dən Bakı ilə Türkiyənin İstanbul şəhəri arasında xüsusi reyslərin sayını artıracaq, şəhərlə

Budapeştdən Bakıya birbaşa çarter reysi yerinə yetirildi - FOTO

Budapeştdən Bakıya birbaşa çarter reysi yerinə yetirildi - FOTO. İyulun 18-də səhər saatlarında Azərbaycanın milli aviadaşıyıcısı Budapeştdən Bakıya birbaşa çarter reysi yerinə yetirib. Bununla bağlı AZAL məlumat yayıb. Macarıstanı

Ər-Riyaddan Bakıya çarter reysi ilə 83 həmyerlimiz vətənə çatdırıldı - FOTO

Ər-Riyaddan Bakıya çarter reysi ilə 83 həmyerlimiz vətənə çatdırıldı - FOTO. Azərbaycanın milli aviadaşıyıcısı (AZAL) iyulun 11-i şənbə günü Ər-Riyaddan Bakıya çarter reysi ilə 83 həmyerlimizi vətənə çatdırıb. Bu barədə qurumu

Hikmət Hacıyev vətəndaşlarımızı ölkəni tərk etməməyə çağırdı - VİDEO

Hikmət Hacıyev vətəndaşlarımızı ölkəni tərk etməməyə çağırdı - VİDEO. "Çarter reyslərinin məqsədi xarici ölkələrdəki vətəndaşlarımızın vətənə qaytarılmasıdır". -ın məlumatına görə, bunu Nazirlər Kabineti yanınd

Beynəlxalq uçuş reyslərinin əsas məqsədi açıqlandı

Beynəlxalq uçuş reyslərinin əsas məqsədi açıqlandı. "Beynəlxalq uçuş reyslərinin keçirilməsi xaricdə olan vətəndaşlarımızın zəruri vəziyyətləri ilə bağlıdır". -ın məlumatına görə, bunu Nazirlər Kabineti yanınd

Prezidentin köməkçisindən çarter reysləri ilə bağlı AÇIQLAMA

Prezidentin köməkçisindən çarter reysləri ilə bağlı AÇIQLAMA. "Xaricdə olan vətəndaşların təxliyyəsi davam edir". -ın məlumatına görə, bunu Nazirlər Kabineti yanında operativ qərargahın bu gün keçirdiyi brifinqd

Rusiyadan 250 Azərbaycan vətəndaşı gətirildi - RƏSMİ

Rusiyadan 250 Azərbaycan vətəndaşı gətirildi - RƏSMİ. "6-12 iyulda 250-dən artıq vətəndaşımız Rusiyadan Azərbayacana gətirilib". -ın məlumatına görə, bunu Nazirlər Kabineti yanında operativ qərargahın bu gün keçirdiy

AZAL sərnişinlərə müraciət etdi

AZAL sərnişinlərə müraciət etdi. "Yaranan suallar ilə əlaqədar olaraq, Azərbaycanın milli aviadaşıyıcısının (AZAL) xüsusi və çarter reyslərinə aviabilet satışı haqqında müxtəlif məlumatların meydana çıxması ilə əlaqəda