Turistləri cəlb edən Cəhənnəm qapısı
Dünyanın möhtəşəm mənzərələrini saymaqla bitmir. Lakin onların çoxu hələ də böyük kütlə tərəfindən kəşf edilməyib. Turlar.az sizə dünyanın ən fərqli 4 mənzərəsini təqdim edir.
Antilop Kanyonu
Arizonada qumdaşı qayalarının aşınması nəticəsində yaranan başqa bir real olmayan yer Antilop Kanyondur. Dalğadan cəmi 80 km aralıda, Navajo torpaqlarında yaranan bu yarıq, daşqınlar və həddindən artıq su axınları səbəbindən meydana gəlib. İllər keçdikcə su kanyonun dəhlizlərini genişləndirib və dərinləşdirib. Bura yalnız az sayda turla ziyarət edilə bilər.
Paro Taktsang
Paro Taktsang Butan dilində "Pələng yuvası monastrı" deməkdir. Tam adı olan Taktsang Palphug Manastırı, Butanın Paro Vadisində uçurumun kənarında dayanır. 1692-ci ildə Tenzin Rabgye tərəfindən inşa edilən bu möhtəşəm məbədə çatmaq üçün 2-3 saatlıq çətin piyada yol gedir. Hətta çıxmağın çox əziyyət olduğu bu uçurumda tikintinin necə aparıla biləcəyini anlamaq çox çətindir. 1998-ci ildə yanğından demək olar ki, tamamilə zədələnmiş Paro Taktsang, orijinala uyğun olaraq demək olar ki, yenidən qurulub.
Mərmər Mağaraları
Argentina-Çili sərhəddində yerləşən Patagoniya, bəşəriyyətin ən qədim yaşayış məskənlərindən birinə, olduqca qeyri-adi iqlim və hava hadisələrinə ev sahibliyi edir. Mərmər Mağaraları, kalsium karbonatdan hazırlanan süxurların 6 min ildən çox müddətdə su ilə aşınması nəticəsində əmələ gəlib. Mağara divarlarının rəngləri suyun günəş işığını əks etdirməsi nəticəsində ortaya çıxır. Yalnız şəxsi gəmi turları ilə ziyarət edilə bilər.
Cəhənnəm qapısı
Cəhənnəm qapısı adlanan "Darvaza Krater"i, 1971-ci ildə təbii qaz sahəsindəki bir yeraltı mağarasının çökməsi nəticəsində yaranıb. Sərbəst buraxılan metan qazının yayılmasının qarşısını almaq üçün çuxur yandırılaraq futbol meydançası böyüklüyündə bir çuxur ortaya çıxıb. Krater Türkmənistanın ən çox turist cəlb edən Karakum Çölündəki Darvaza kəndinin yaxınlığında yerləşir.
