Türkiyə Rusiya vətəndaşları üçün ölkəyə giriş şərtlərini dəyişdirir

Türkiyə Rusiya vətəndaşları üçün koronavirusla bağlı zəruri PZR testi tələbini ləğv edə bilər. Bu barədə Türkiyənin Mədəniyyət və Turizm naziri Mehmet Nuri Ersoy "RİA Novosti"yə müsahibəsində bəyan edib.
"Rusiya pandemiyanın öhdəsindən uğurla gəlir. Həm yoluxanların sayı azalır, həm də peyvənd vurduran vətəndaşların sayı hər gün artır. Ümid edirəm ki, tezliklə bu mərhələyə keçəcəyik (ölkəyə daxil olarkən məcburi PZR testinin ləğvi - RT)", - deyə o bildirib.
Xatırladaq ki, Rusiya ölkədəki koronavirus vəziyyəti ilə əlaqədar 15 aprel - 1 iyun tarixləri arasında Türkiyə ilə uçuşları məhdudlaşdırıb.