Dünyanın fantastik mənzərələri
Dünyada reala bənzəməyən mənzərələr çoxdur. Onları görəndə özümüzü nağıllar aləmindəki kimi hiss edirik. Turlar.az bu yazıda sizə 5 möhtəşəm mənzərəni təqdim edir.
Noyşvanştayn qəsri
Nağıl kitablarındakı rəsmlərə bənzəyir, elə deyilmi? Bu, Almaniyadakı Noyşvanştayn qəsridir. Hər il təxminən milyon yarım insan ziyarət edir. Bavariya kralı II Lüdviq tərəfindən tikilən Noyşvanştayn qəsri, kralın yaşadığı xüsusi yer idi. 1886-cı ildə ictimaiyyətə açıldıqdan bəri bütün ziyarətçilər özünü bir nağıl içində hiss edirlər.
Kapadokya
Kapadokya balonlarının gözəlliyi artıq dünyada qəbul edilib. Ancaq Pəri bacalarına gəldikdə, hələ də böyük bir sirr hökm sürür. 9-cu əsrə aid fresklərlə bəzədilmiş qayalara oyulmuş yeraltı şəhər, gerçək olmayacaq qədər çox gözəl və sehrlidir.
Meteora
Qədim Yunan sivilizasiyasının qoyub getdiyi saysız-hesabsız nəhəng məbədlər və şəhər xarabalıqları arasında, qayaların içində yeni bir monastır Meteora inşa edilib. Tikinti 14 -cü əsrdə başlayıb və 19-cu əsrə qədər fasilələrlə davam edib. Yunanıstanda Athos dağından sonra ikinci ən böyük dini quruluşdur. Bu təpənin niyə seçildiyini və necə tikildiyini hələ də bilmək mümkün olmayıb.
Leshan Nəhəng Budda Heykəli
713 -cü ildə qədim Çində qurulan və 90 il ərzində minlərlə işçinin əl alətləri ilə daşdan oyulmuş Leshan Nəhəng Buda Heykəlinin hekayəsi inanılmazdır. Bilinən və qeydə alınan ən çətin tikinti olduğu üçün rekordçudur. 1300 ildən çox dayanmasına baxmayaraq, Leshan son dərəcə kövrəkdir və UNESCO-nun daimi nəzarəti altında qorunur. Uzunluğu 71 metr, çiyin aralığı 28 metr və ən kiçik ayaq dırnağı oturan insanın boyundadır.
Cənubi İslandiya
Vulkan adasının çox hissəsinin düzənliklərdən ibarət olduğunu izah etmək çox çətindir. İslandiyanın cənubundakı şəlalələr də təbiət həvəskarlarının səyahət siyahılarının başındadır. Rejkjavikin kənarındakı Mavi Lagünün yaxınlığında, Seljalandsfoss, Haiifoss və Gullfoss şəlalələri insanı heyrətə gətirir. Şəlalələrin bir məkanda qovuşması qeyri-adi görüntü yaradır.