"Gürcüstan Hava Yolları" müflis olduğunu təkzib edib

"Gürcüstan Hava Yolları" şirkəti müflis olmayıb". Turlar.az saytı xəbər verir ki, bu barədə şirkətin yaydığı bəyanatda bildirilib.
Qeyd olunub ki, müxtəlif mətbuat orqanlarında aviaşirkətin bankrot olmasına dair yer alan məlumatlar həqiqətə uyğun deyil.
"Gürcüstan Hava Yolları" reabilitasiya mərhələsindədir. Bu, o deməkdir ki, aviaşirkət fəaliyyətini davam etdirir və müntəzəm reyslər yerinə yetirir. Hazırkı mərhələdə Tel-Əviv, Amsterdam və Vyanaya kommersiya uçuşları həyata keçirilir. Digər istiqamətlərə uçuşların bərpası və başqa məlumatlar şirkətin rəsmi internet səhifəsində və sosial media hesablarında yerləşdiriləcək", - sənəddə deyilir.
Aviaşirkət dezinformasiya yaymaqdan çəkinməyə və hər hansı bir məlumatı əvvəlcə onlarla dəqiqləşdirməyə çağırış edib.