Tbilisidə Gəzməli yerlər
Gürcüstanın paytaxtı və ən böyük şəhəri Tbilisi ölkənin mədəniyyət, incəsənət və elm mərkəzi sayılır. Tbilisi qonaqlarını səmimiyyətlə qarşılayır. Gürcüstanın hər yeri gözəldir, lakin bu ölkəyə ilk dəfədir gəlirsinizsə, ziyarətinizi paytaxtdan başlamalısınız. Turlar.az saytı sizə Tbiliside gəzməli yerləri haqqında ətraflı məlumat təqdim edir. Tbiliside gezmeli yerler ilə tanış olmaq üçün bu yazını oxumaq bəs edir.
Narikala Qalası
Mtatsminda dağının üstündə yerləşən Narikala Qalası şəhərin ən görməli yerlərindən biri sayılır. Tbilisiyə səyahət edən turistlər bu qədim qalanı ziyarət etməyi özlərinə adətən bir Turist vəzifəsi hesab edir. Buranı nəinki turistlər hətta Gürcü əhalisi də tez-tez ziyarət edirlər. Narikala Qalası Tbilisinin ən ecazkar tarixi abidəsi sayılır. Dağın zirvəsindən şəhərə gözəl mənzərə açılır. Bu mənzərəni gözlərinizlə görmək məsləhətdir.
Botanika Bağı
Şəhərin mərkəzində yerləşən bu bağ öz möhtəşəmliyi ilə paytaxta gözəllik qatır. Çox əvvəllər bu parka Şah Bağı da deyirdilər. Sovet dövrünün ən gözəl parklarından sayılan bu parkın qədimiliyi 1845-ci ilə qədər uzanır. Parkda 3000-dən artıq bitki mövcuddur. Parka şəlalələr də bir ayrı gözəllik qatır.
Kükürdlü Hamam
Narikaladan aşağı hissədə Abantubanidə Tbilisi Hamamı yerləşir. Bu hamama səfər edərkən xarici turistlər adətən şərq yuyunma ənənəsi ilə tanış olurlar. Kükürdlü hamamlara getmək turist proqramlarının mütləq bəndidir. Siz burada termal bulaqların suyu ilə dolu hovuzda uzanmaqla bərabər, yorğunluğunuzu alacaq massaj da sifariş edə bilərsiniz. Qiymətlər elə də baha deyil.
Kanat Yolu
Şəhərin ən əlamətdar atraksionu kimi qəbul edilir. Eyni zamanda rahat nəqliyyatdır, sürətli və ən əsası tıxacsızdır.
Rustaveli prospekti
Tbilisidə mərkəz dedikdə Rustavelli Prospekti nəzərdə tutulur. Küçə öz adını dahi yazıçı Şota Rustavelidən götürmüşdür ki, onun abidəsi də elə burada yerləşir. Şəhərin ən cazibəli yerlərindən olan bu prospekt, Lyüks otellər, brend maqazinlər, restoranlar və teatrlarla zəngindir. Prospektin uzunluğu 1,5 km-dir və çoxlu ağaclarla əhatə olunmuşdur.
Tbilisi opera və balet teatrı
Xüsusi memarlıq dizaynı ilə Tiflis Opera və balet teatrı ən diqqət çəkən binalardan biridir. 1847-ci ildə təməli qoyulan bina 170 illik tarixi ilə görənləri valeh edir. Memarlıq xüsusiyyətlərinə və şəhərin simvolik tikililərindən biri olduğuna görə mütləq ziyarət edilməli yerlərdən biri hesab olunur.
Sameba Katedrali
Kilsələri, monastırları, qalaları və kafedralları ilə diqqət çəkən Tbilisi şəhəri Müqəddəs Trinitry Katedrali ilə də diqqət mərkəzində olmağı bacarır. Tarixi Avlabari rayonunda yerləşən kafedral Elia təpəsində yerləşir. Bu kafedralın ən böyük xüsusiyyəti onun əsas pravoslav kilsəsi hesab olunmasıdır. Bu həm də dünyanın üçüncü ən hündür pravoslav kilsəsidir. Sameba Katedrali kimi tanınan bu tikili 1995-2004-cü illər arasında tikilib.
Tiflisin gezmeli yerleri bununla kifayətlənmir. Sadəcə, biz sizə Tiflisde en gezmeli yerleri təqdim etdik. Tbilisinin gezmeli yerlerine səyahət etdikdən sonra oradakı gözəlliyi dəqiqliyi ilə görəcəksiniz.
